॥ Sree Lalitha Devi Ashtakam Odia Lyrics ॥
॥ ଶ୍ରୀଲଲିତାଷ୍ଟକମ୍ ॥
ଶ୍ରୀଲଲିତାପ୍ରଣାମସ୍ତୋତ୍ରମ୍
ଶ୍ରୀଲଲିତାୟ ନମଃ ।
ରାଧାମୁକୁନ୍ଦ ପଦସମ୍ଭଵଘର୍ମବିନ୍ଦୁ
ନିର୍ମଞ୍ଛନୋପକରଣୀକୃତ ଦେହଲକ୍ଷାମ୍ ।
ଉତ୍ତୁଙ୍ଗସୌହୃଦଵିଶେଷଵଶାତ୍ ପ୍ରଗଲ୍ଭାଂ
ଦେଵୀଂ ଗୁଣୈଃ ସୁଲଲିତାଂ ଲଲିତାଂ ନମାମି ॥ ୧ ॥
ରାକାସୁଧାକିରଣମଣ୍ଡଲକାନ୍ତିଦଣ୍ଡି
ଵକ୍ତ୍ରଶ୍ରିୟଂ ଚକିତଚାରୂ ଚମୂରୁନେତ୍ରାମ୍ ।
ରାଧାପ୍ରସାଧନଵିଧାନକଲାପ୍ରସିଦ୍ଧାଂ
ଦେଵୀଂ ଗୁଣୈଃ ସୁଲଲିତାଂ ଲଲିତାଂ ନମାମି ॥ ୨ ॥
ଲାସ୍ୟୋଲ୍ଲସଦ୍ଭୁଜଗଶତ୍ରୁପତତ୍ରଚିତ୍ର
ପଟ୍ଟାଂଶୁକାଭରଣକଞ୍ଚୁଲିକାଞ୍ଚିତାଙ୍ଗୀମ୍ ।
ଗୋରୋଚନାରୁଚିଵିଗର୍ହଣ ଗୌରିମାଣଂ
ଦେଵୀଂ ଗୁଣୈଃ ସୁଲଲିତାଂ ଲଲିତାଂ ନମାମି ॥ ୩ ॥
ଧୂର୍ତେ ଵ୍ରଜେନ୍ଦ୍ରତନୟେ ତନୁ ସୁଷ୍ଠୁଵାମ୍ୟଂ
ମା ଦକ୍ଷିଣା ଭାଵ କଲଙ୍କିନି ଲାଘଵାୟ ।
ରାଧେ ଗିରଂ ଶୃଣୁ ହିତାମିତି ଶିକ୍ଷୟନ୍ତୀଂ
ଦେଵୀଂ ଗୁଣୈଃ ସୁଲଲିତାଂ ଲଲିତାଂ ନମାମି ॥ ୪ ॥
ରାଧାମଭିଵ୍ରଜପତେଃ କୃତମାତ୍ମଜେନ
କୂଟଂ ମନାଗପି ଵିଲୋକ୍ୟ ଵିଲୋହିତାକ୍ଷୀମ୍ ।
ଵାଗ୍ଭଙ୍ଗିଭିସ୍ତମଚିରେଣ ଵିଲଜ୍ଜୟନ୍ତୀଂ
ଦେଵୀଂ ଗୁଣୈଃ ସୁଲଲିତାଂ ଲଲିତାଂ ନମାମି ॥ ୫ ॥
ଵାତ୍ସଲ୍ୟଵୃନ୍ଦଵସତିଂ ପଶୁପାଲରାଜ୍ଞ୍ୟାଃ
ସଖ୍ୟାନୁଶିକ୍ଷଣକଲାସୁ ଗୁରୁଂ ସଖୀନାମ୍ ।
ରାଧାବଲାଵରଜ ଜୀଵିତନିର୍ଵିଶେଷାଂ
ଦେଵୀଂ ଗୁଣୈଃ ସୁଲଲିତାଂ ଲଲିତାଂ ନମାମି ॥ ୬ ॥
ୟାଂ କାମପି ଵ୍ରଜକୁଲେ ଵୃଷଭାନୁଜାୟାଃ
ପ୍ରେକ୍ଷ୍ୟ ସ୍ଵପକ୍ଷପଦଵୀମନୁରୁଦ୍ଧ୍ୟମାନାମ୍ ।
ସଦ୍ୟସ୍ତଦିଷ୍ଟଘଟନେନ କୃତାର୍ଥୟନ୍ତୀଂ
ଦେଵୀଂ ଗୁଣୈଃ ସୁଲଲିତାଂ ଲଲିତାଂ ନମାମି ॥ ୭ ॥
ରାଧାଵ୍ରଜେନ୍ଦ୍ରସୁତସଙ୍ଗମରଙ୍ଗଚର୍ୟାଂ
ଵର୍ୟାଂ ଵିନିଶ୍ଚିତଵତୀମଖିଲୋତ୍ସଵେଭ୍ୟଃ ।
ତାଂ ଗୋକୁଲପ୍ରିୟସଖୀନିକୁରମ୍ବମୁଖ୍ୟାଂ
ଦେଵୀଂ ଗୁଣୈଃ ସୁଲଲିତାଂ ଲଲିତାଂ ନମାମି ॥ ୮ ॥
ନନ୍ଦନମୂନି ଲଲିତାଗୁଣଲାଲିତାନି
ପଦ୍ୟାନି ୟଃ ପଠତି ନିର୍ମଲଦୃଷ୍ଟିରଷ୍ଟୌ ।
ପ୍ରୀତ୍ୟା ଵିକର୍ଷତି ଜନଂ ନିଜଵୃନ୍ଦମଧ୍ୟେ
ତଂ କୀର୍ତିଦାପତିକୁଲୋଜ୍ଜ୍ଵଲକଲ୍ପଵଲ୍ଲୀ ॥ ୯ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀଲଲିତାଷ୍ଟକଂ
ଶ୍ରୀଲଲିତାପ୍ରଣାମସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Durga Slokam » Sri Lalita Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil