॥ Lokanath Prabhupada Ashtakam Odia Lyrics ॥
ଶ୍ରୀଲୋକନାଥପ୍ରଭୁଵରାଷ୍ଟକମ୍
ୟଃ କୃଷ୍ଣଚୈତନ୍ୟକୃପୈକଵିତ୍ତ-
ସ୍ତତ୍ପ୍ରେମହେମାଭରଣାଢ୍ୟଚିତ୍ତଃ ।
ନିପତ୍ୟ ଭୂମୌ ସତତଂ ନମାମ-
ସ୍ତଂ ଲୋକନାଥଂ ପ୍ରଭୁମାଶ୍ରୟାମଃ ॥ ୧ ॥
ୟୋ ଲବ୍ଧଵୃନ୍ଦାଵନନିତ୍ୟଵାସଃ
ପରିସ୍ଫୁରତ୍କୃଷ୍ଣଵିଲାସରାସଃ ।
ସ୍ଵାଚାରଚର୍ୟସତତାଵିରାମ-
ସ୍ତଂ ଲୋକନାଥଂ ପ୍ରଭୁମାଶ୍ରୟାମଃ ॥ ୨ ॥
ସଦୋଲ୍ଲସଦ୍ଭାଗଵତାନୁରକ୍ତ୍ୟା
ୟଃ କୃଷ୍ଣରାଧାଶ୍ରଵଣାଦିଭକ୍ତ୍ୟା ।
ଅୟାତୟାମୀକୃତସର୍ଵୟାମ-
ସ୍ତଂ ଲୋକନାଥଂ ପ୍ରଭୁମାଶ୍ରୟାମଃ ॥ ୩ ॥
ଵୃନ୍ଦାଵନାଧୀଶପଦାବ୍ଜସେଵା
ସ୍ଵାଦେଽନୁମଜ୍ଜନ୍ତି ନ ହନ୍ତ କେ ଵା ।
ୟସ୍ତେଷ୍ଵପି ଶ୍ଲାଘାତମୋଽଭିରାମ-
ସ୍ତଂ ଲୋକନାଥଂ ପ୍ରଭୁମାଶ୍ରୟାମଃ ॥ ୪ ॥
ୟଃ କୃଷ୍ଣଲୀଲାରସ ଏଵ ଲୋକାନ୍
ଅନୁନ୍ମୁଖାନ୍ଵୀକ୍ଷ୍ୟ ବିଭର୍ତି ଶୋକାନ୍ ।
ସ୍ଵୟଂ ତଦାସ୍ଵାଦନମାତ୍ରକାମ-
ସ୍ତଂ ଲୋକନାଥଂ ପ୍ରଭୁମାଶ୍ରୟାମଃ ॥ ୫ ॥
କୃପାବଲଂ ୟସ୍ୟ ଵିଵେଦ କଶ୍ଚିତ୍
ନରୋତ୍ତମୋ ନାମ ମହାନ୍ଵିପଶ୍ଚିତ୍ ।
ୟସ୍ୟ ପ୍ରଥୀୟାନ୍ଵିଷୟୋପରାମ-
ସ୍ତଂ ଲୋକନାଥଂ ପ୍ରଭୁମାଶ୍ରୟାମଃ ॥ ୬ ॥
ରାଗାନୁଗାଵର୍ତ୍ମନି ୟତ୍ପ୍ରସାଦା-
ଦ୍ଵିଶନ୍ତ୍ୟାଵିଜ୍ଞା ଅପି ନିର୍ଵିଷାଦାଃ ।
ଜନେ କୃତାଗସ୍ୟପି ୟସ୍ତ୍ଵଵାମ-
ସ୍ତଂ ଲୋକନାଥଂ ପ୍ରଭୁମାଶ୍ରୟାମଃ ॥ ୭ ॥
ୟଦ୍ଦାସଦାସାନୁଦାସଦାସାଃ
ଵୟ୍ହଂ ଭଵାମଃ ଫଲିତାଭିଲାଷାଃ ।
ୟଦୀୟତାୟାଂ ସହସା ଵିଶାମ-
ସ୍ତଂ ଲୋକନାଥଂ ପ୍ରଭୁମାଶ୍ରୟାମଃ ॥ ୮ ॥
ଶ୍ରୀଲୋକନାଥାଷ୍ଟକମତ୍ୟୁଦାରଂ
ଭକ୍ତ୍ୟା ପଠେଦ୍ୟଃ ପୁରୁଷାର୍ଥସାରମ୍ ।
ସ ମଞ୍ଜୁଲାଲୀପଦଵୀଂ ପ୍ରପଦ୍ୟ
ଶ୍ରୀରାଧିକାଂ ସେଵତ ଏଵ ସଦ୍ୟଃ ॥ ୯ ॥
ସୋଽୟଂ ଶ୍ରୀଲୋକନାଥଃ ସ୍ଫୁରତୁ ପୁରୁକୃପାରଶ୍ମିଭିଃ ସ୍ଵୈଃ ସମୁଦ୍ୟନ୍
ଉଦ୍ଧୃତ୍ୟୋଦ୍ଧୃତ୍ୟ ୟୋ ନଃ ପ୍ରଚୁରତମତମଃ କୂପତୋ ଦୀପିତାଭିଃ ।
ଦୃଗ୍ଭିଃ ସ୍ଵପ୍ରେମଵୀଥ୍ୟା ଦିଶମଦିଶଦହୋ ୟାଂ ଶ୍ରିତା ଦିଵ୍ୟଲୀଲା
ରତ୍ନାଢ୍ୟଂ ଵିନ୍ଦମାନା ଵୟମପି ନିଭୃତଂ ଶ୍ରୀଲଗୋଵର୍ଧନଂ ସ୍ମଃ ॥ ୧୦ ॥
ଇତି ଶ୍ରୀମଦ୍ଵିଶ୍ଵନାଥଚକ୍ରଵର୍ତିଵିରଚିତଂ
ଶ୍ରୀଶ୍ରୀଲୋକନାଥପ୍ରଭୁଵରାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Sri Krishna Slokam » Sri Lokanath Prabhupada Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil