॥ Sri Madan Gopal Ashtakam Telugu Lyrics ॥
॥ శ్రీమదనగోపాలాష్టకమ్ ॥
మృదుతలారుణ్యజితరుచిరదరదప్రభం
కులిశకఞ్జారిదరకలసఝషచిహ్నితమ్ ।
హృది మమాధాయ నిజచరణసరసీరుహం
మదనగోపాల ! నిజసదనమను రక్ష మామ్ ॥ ౧ ॥
ముఖరమఞ్జీరనఖశిశిరకిఋణావలీ
విమలమాలాభిరనుపదముదితకాన్తిభిః ।
శ్రవణనేత్రశ్వసనపథసుఖద నాథ హే
మదనగోపాల ! నిజసదనమను రక్ష మామ్ ॥ ౨ ॥
మణిమయోష్ణీషదరకుటిలిమణిలోచనో-
చ్చలనచాతుర్యచితలవణిమణిగణ్డయోః ।
కనకతాటఙ్కరుచిమధురిమణి మజ్జయన్
మదనగోపాల ! నిజసదనమను రక్ష మామ్ ॥ ౩ ॥
అధరశోణిమ్ని దరహసితసితిమార్చితే
విజితమాణిక్యరదకిరణగణమణ్డితే ।
నిహితవంశీక జనదురవగమలీల హే
మదనగోపాల ! నిజసదనమను రక్ష మామ్ ॥ ౪ ॥
పదకహారాలిపదకటకనటకిఙ్కిణీ
వలయ తాటఙ్కముఖనిఖిలమణిభూషణైః ।
కలితనవ్యాభ నిజతనురుచిభూషితై-
ర్మదనగోపాల ! నిజసదనమను రక్ష మామ్ ॥ ౫ ॥
ఉడుపకోటీకదనవదనరుచిపల్లవై-
ర్మదనకోటీమథననఖరకరకన్దలైః ।
ద్యుతరుకోటీసదనసదయనయనేక్షణై-
ర్మదనగోపాల ! నిజసదనమను రక్ష మామ్ ॥ ౬ ॥
కృతనరాకారభవముఖవిబుధసేవిత !
ద్యుతిసుధాసార ! పురుకరుణ ! కమపి క్షితౌ ।
ప్రకటయన్ ప్రేమభరమధికృతసనాతనం
మదనగోపాల ! నిజసదనమను రక్ష మామ్ ॥ ౭ ॥
తరణిజాతీరభువి తరణికరవారక
ప్రియకషణ్డాస్థమణిసదనమహితస్థితే !
లలితయా సార్ధమనుపదరమిత ! రాధయా
మదనగోపాల ! నిజసదనమను రక్ష మామ్ ॥ ౮ ॥
మదనగోపాల ! తవ సరసమిదమష్టకం
పఠతి యః సాయమతిసరలమతిరాశు తమ్ ।
స్వచరణామ్భోజరతిరససరసి మజ్జయన్
మదనగోపాల ! నిజసదనమను రక్ష మామ్ ॥ ౯ ॥
ఇతి శ్రీవిశ్వనాథచక్రవర్తిఠక్కురవిరచితస్తవామృతలహర్యాం
శ్రీమదనగోపాలాష్టకం సమ్పూర్ణమ్ ।
– Chant Stotra in Other Languages –
Sri Vishnu Slokam » Sri Madan Gopal Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil