॥ Mahakal Shani Mrityunjaya Stotra Odia Lyrics ॥
ଶ୍ରୀମହାକାଲଶନିମୃତ୍ୟୁଞ୍ଜୟସ୍ତୋତ୍ରମ୍
ଅଥ ଶନୈଶ୍ଚରମୃତ୍ୟୁଞ୍ଜୟସ୍ତୋତ୍ରମ୍ ।
ଵିନିୟୋଗଃ-
ଓଂ ଅସ୍ୟ ଶ୍ରୀ ମହାକାଲ ଶନି ମୃତ୍ୟୁଞ୍ଜୟସ୍ତୋତ୍ରମନ୍ତ୍ରସ୍ୟ ପିପ୍ଲାଦ
ଋଷିରନୁଷ୍ଟୁପ୍ଛନ୍ଦୋ ମହାକାଲ ଶନିର୍ଦେଵତା ଶଂ ବୀଜଂ ମାୟସୀ ଶକ୍ତିଃ କାଲ
ପୁରୁଷାୟେତି କୀଲକଂ ମମ ଅକାଲ ଅପମୃତ୍ୟୁ ନିଵାରଣାର୍ଥେ ପାଠେ ଵିନିୟୋଗଃ ।
ଶ୍ରୀ ଗଣେଶାୟ ନମଃ ।
ଓଂ ମହାକାଲ ଶନି ମୃତ୍ୟୁଞ୍ଜାୟାୟ ନମଃ ।
ନୀଲାଦ୍ରୀଶୋଭାଞ୍ଚିତଦିଵ୍ୟମୂର୍ତିଃ ଖଡ୍ଗୋ ତ୍ରିଦଣ୍ଡୀ ଶରଚାପହସ୍ତଃ ।
ଶମ୍ଭୁର୍ମହାକାଲଶନିଃ ପୁରାରିର୍ଜୟତ୍ୟଶେଷାସୁରନାଶକାରୀ ॥ ୧
ମେରୁପୃଷ୍ଠେ ସମାସୀନଂ ସାମରସ୍ୟେ ସ୍ଥିତଂ ଶିଵମ୍ ।
ପ୍ରଣମ୍ୟ ଶିରସା ଗୌରୀ ପୃଚ୍ଛତିସ୍ମ ଜଗଦ୍ଧିତମ୍ ॥ ୨ ॥
ପାର୍ଵତ୍ୟୁଵାଚ –
ଭଗଵନ୍ ! ଦେଵଦେଵେଶ ! ଭକ୍ତାନୁଗ୍ରହକାରକ ! ।
ଅଲ୍ପମୃତ୍ୟୁଵିନାଶାୟ ୟତ୍ତ୍ଵୟା ପୂର୍ଵ ସୂଚିତମ୍ ॥ ୩ ॥
ତଦେଵତ୍ଵଂ ମହାବାହୋ ! ଲୋକାନାଂ ହିତକାରକମ୍ ।
ତଵ ମୂର୍ତି ପ୍ରଭେଦସ୍ୟ ମହାକାଲସ୍ୟ ସାମ୍ପ୍ରତମ୍ ॥ ୪ ॥
ଶନେର୍ମୃତ୍ୟୁଞ୍ଜୟସ୍ତୋତ୍ରଂ ବ୍ରୂହି ମେ ନେତ୍ରଜନ୍ମନଃ ।
ଅକାଲ ମୃତ୍ୟୁହରଣମପମୃତ୍ୟୁ ନିଵାରଣମ୍ ॥ ୫ ॥
ଶନିମନ୍ତ୍ରପ୍ରଭେଦା ୟେ ତୈର୍ୟୁକ୍ତଂ ୟତ୍ସ୍ତଵଂ ଶୁଭମ୍ ।
ପ୍ରତିନାମ ଚଥୁର୍ୟନ୍ତଂ ନମୋନ୍ତଂ ମନୁନାୟୁତମ୍ ॥ ୬ ॥
ଶ୍ରୀଶଙ୍କର ଉଵାଚ –
ନିତ୍ୟେ ପ୍ରିୟତମେ ଗୌରି ସର୍ଵଲୋକ-ହିତେରତେ ।
ଗୁହ୍ୟାଦ୍ଗୁହ୍ୟତମଂ ଦିଵ୍ୟଂ ସର୍ଵଲୋକୋପକାରକମ୍ ॥ ୭ ॥
ଶନିମୃତ୍ୟୁଞ୍ଜୟସ୍ତୋତ୍ରଂ ପ୍ରଵକ୍ଷ୍ୟାମି ତଵଽଧୁନା ।
ସର୍ଵମଙ୍ଗଲମାଙ୍ଗଲ୍ୟଂ ସର୍ଵଶତ୍ରୁ ଵିମର୍ଦନମ୍ ॥ ୮ ॥
ସର୍ଵରୋଗପ୍ରଶମନଂ ସର୍ଵାପଦ୍ଵିନିଵାରଣମ୍ ।
ଶରୀରାରୋଗ୍ୟକରଣମାୟୁର୍ଵୃଦ୍ଧିକରଂ ନୃଣାମ୍ ॥ ୯ ॥
ୟଦି ଭକ୍ତାସି ମେ ଗୌରୀ ଗୋପନୀୟଂ ପ୍ରୟତ୍ନତଃ ।
ଗୋପିତଂ ସର୍ଵତନ୍ତ୍ରେଷୁ ତଚ୍ଛ୍ରଣୁଷ୍ଵ ମହେଶ୍ଵରୀ ! ॥ ୧୦ ॥
ଋଷିନ୍ୟାସଂ କରନ୍ୟାସଂ ଦେହନ୍ୟାସଂ ସମାଚରେତ୍ ।
ମହୋଗ୍ରଂ ମୂର୍ଘ୍ନି ଵିନ୍ୟସ୍ୟ ମୁଖେ ଵୈଵସ୍ଵତଂ ନ୍ୟସେତ୍ ॥ ୧୧ ॥
ଗଲେ ତୁ ଵିନ୍ୟସେନ୍ମନ୍ଦଂ ବାହ୍ଵୋର୍ମହାଗ୍ରହଂ ନ୍ୟସେତ୍ ।
ହୃଦି ନ୍ୟସେନ୍ମହାକାଲଂ ଗୁହ୍ୟେ କୃଶତନୁଂ ନ୍ୟସେତ୍ ॥ ୧୨ ॥
ଜାନ୍ଵୋମ୍ତୂଡୁଚରଂ ନ୍ୟସ୍ୟ ପାଦୟୋସ୍ତୁ ଶନୈଶ୍ଚରମ୍ ।
ଏଵଂ ନ୍ୟାସଵିଧି କୃତ୍ଵା ପଶ୍ଚାତ୍ କାଲାତ୍ମନଃ ଶନେଃ ॥ ୧୩ ॥
ନ୍ୟାସଂ ଧ୍ୟାନଂ ପ୍ରଵକ୍ଷ୍ୟାମି ତନୌ ଶ୍ୟାର୍ଵା ପଠେନ୍ନରଃ ।
କଲ୍ପାଦିୟୁଗଭେଦାଂଶ୍ଚ କରାଙ୍ଗନ୍ୟାସରୁପିଣଃ ॥ ୧୪ ॥
କାଲାତ୍ମନୋ ନ୍ୟସେଦ୍ ଗାତ୍ରେ ମୃତ୍ୟୁଞ୍ଜୟ ! ନମୋଽସ୍ତୁ ତେ ।
ମନ୍ଵନ୍ତରାଣି ସର୍ଵାଣି ମହାକାଲସ୍ଵରୁପିଣଃ ॥ ୧୫ ॥
ଭାଵୟେତ୍ପ୍ରତି ପ୍ରତ୍ୟଙ୍ଗେ ମହାକାଲାୟ ତେ ନମଃ ।
ଭାଵୟେତ୍ପ୍ରଭଵାଦ୍ୟବ୍ଦାନ୍ ଶୀର୍ଷେ କାଲଜିତେ ନମଃ ॥ ୧୬ ॥
ନମସ୍ତେ ନିତ୍ୟସେଵ୍ୟାୟ ଵିନ୍ୟସେଦୟନେ ଭ୍ରୁଵୋଃ ।
ସୌରୟେ ଚ ନମସ୍ତେଽତୁ ଗଣ୍ଡୟୋର୍ଵିନ୍ୟସେଦୃତୂନ୍ ॥ ୧୭ ॥
ଶ୍ରାଵଣଂ ଭାଵୟେଦକ୍ଷ୍ଣୋର୍ନମଃ କୃଷ୍ଣନିଭାୟ ଚ ।
ମହୋଗ୍ରାୟ ନମୋ ଭାର୍ଦଂ ତଥା ଶ୍ରଵଣୟୋର୍ନ୍ୟସେତ୍ ॥ ୧୮ ॥
ନମୋ ଵୈ ଦୁର୍ନିରୀକ୍ଷ୍ୟାୟ ଚାଶ୍ଵିନଂ ଵିନ୍ୟସେନ୍ମୁଖେ ।
ନମୋ ନୀଲମୟୂଖାୟ ଗ୍ରୀଵାୟାଂ କାର୍ତିକଂ ନ୍ୟସେତ୍ ॥ ୧୯ ॥
ମାର୍ଗଶୀର୍ଷ ନ୍ୟସେଦ୍-ବାହ୍ଵୋର୍ମହାରୌଦ୍ରାୟ ତେ ନମଃ ।
ଊର୍ଦ୍ଵଲୋକ-ନିଵାସାୟ ପୌଷଂ ତୁ ହୃଦୟେ ନ୍ୟସେତ୍ ॥ ୨୦ ॥
ନମଃ କାଲପ୍ରବୋଧାୟ ମାଘଂ ଵୈ ଚୋଦରେନ୍ୟସେତ୍ ।
ମନ୍ଦଗାୟ ନମୋ ମେଢ୍ରେ ନ୍ୟସେର୍ଦ୍ଵଫାଲ୍ଗୁନଂ ତଥା ॥ ୨୧ ॥
ଊର୍ଵୋର୍ନ୍ୟସେଚ୍ଚୈତ୍ରମାସଂ ନମଃ ଶିଵୋସ୍ଭଵାୟ ଚ ।
ଵୈଶାଖଂ ଵିନ୍ୟସେଜ୍ଜାନ୍ଵୋର୍ନମଃ ସଂଵର୍ତ୍ତକାୟ ଚ ॥ ୨୨ ॥
ଜଙ୍ଘୟୋର୍ଭାଵୟେଜ୍ଜ୍ୟେଷ୍ଠଂ ଭୈରଵାୟ ନମସ୍ତଥା ।
ଆଷାଢ़ଂ ପାଦ୍ୟୋଶ୍ଚୈଵ ଶନୟେ ଚ ନମସ୍ତଥା ॥ ୨୩ ॥
କୃଷ୍ଣପକ୍ଷଂ ଚ କ୍ରୂରାୟ ନମଃ ଆପାଦମସ୍ତକେ ।
ନ୍ୟସେଦାଶୀର୍ଷପାଦାନ୍ତେ ଶୁକ୍ଲପକ୍ଷଂ ଗ୍ରହାୟ ଚ ॥ ୨୪ ॥
ନୟସେନ୍ମୂଲଂ ପାଦୟୋଶ୍ଚ ଗ୍ରହାୟ ଶନୟେ ନମଃ ।
ନମଃ ସର୍ଵଜିତେ ଚୈଵ ତୋୟଂ ସର୍ଵାଙ୍ଗୁଲୌ ନ୍ୟସେତ୍ ॥ ୨୫ ॥
ନ୍ୟସେଦ୍-ଗୁଲ୍ଫ-ଦ୍ଵୟେ ଵିଶ୍ଵଂ ନମଃ ଶୁଷ୍କତରାୟ ଚ ।
ଵିଷ୍ଣୁଭଂ ଭାଵୟେଜ୍ଜଙ୍ଘୋଭୟେ ଶିଷ୍ଟତମାୟ ତେ ॥ ୨୬ ॥
ଜାନୁଦ୍ଵୟେ ଧନିଷ୍ଠାଂ ଚ ନ୍ୟସେତ୍ କୃଷ୍ଣରୁଚେ ନମଃ ।
ଊରୁଦ୍ଵୟେ ଵାରୁର୍ଣାନ୍ନ୍ୟସେତ୍କାଲଭୃତେ ନମଃ ॥ ୨୭ ॥
ପୂର୍ଵଭାଦ୍ରଂ ନ୍ୟସେନ୍ମେଢ୍ରେ ଜଟାଜୂଟଧରାୟ ଚ ।
ପୃଷ୍ଠଉତ୍ତରଭାଦ୍ରଂ ଚ କରାଲାୟ ନମସ୍ତଥା ॥ ୨୮ ॥
ରେଵତୀଂ ଚ ନ୍ୟସେନ୍ନାଭୋ ନମୋ ମନ୍ଦଚରାୟ ଚ ।
ଗର୍ଭଦେଶେ ନ୍ୟସେଦ୍ଦସ୍ତ୍ରଂ ନମଃ ଶ୍ୟାମତରାୟ ଚ ॥ ୨୯ ॥
ନମୋ ଭୋଗିସ୍ରଜେ ନିତ୍ୟଂ ୟମଂ ସ୍ତନୟୁଗେ ନ୍ୟସେତ୍ ।
ନ୍ୟେସତ୍କୃତ୍ତିକାଂ ହୃଦୟେ ନମସ୍ତୈଲପ୍ରିୟାୟ ଚ ॥ ୩୦ ॥
ରୋହିଣୀଂ ଭାଵୟେଦ୍ଧସ୍ତେ ନମସ୍ତେ ଖଡ୍ଗଧାରୀଣେ ।
ମୃଗଂ ନ୍ୟେସତଦ୍ଵାମ ହସ୍ତେ ତ୍ରିଦଣ୍ଡୋଲ୍ଲସିତାୟ ଚ ॥ ୩୧ ॥
ଦକ୍ଷୋର୍ଦ୍ଧ୍ଵ ଭାଵୟେଦ୍ରୌଦ୍ରଂ ନମୋ ଵୈ ବାଣଧାରିଣେ ।
ପୁନର୍ଵସୁମୂର୍ଦ୍ଧ୍ଵ ନମୋ ଵୈ ଚାପଧାରିଣେ ॥ ୩୨ ॥
ତିଷ୍ୟଂ ନ୍ୟସେଦ୍ଦକ୍ଷବାହୌ ନମସ୍ତେ ହର ମନ୍ୟଵେ ।
ସାର୍ପଂ ନ୍ୟସେଦ୍ଵାମବାହୌ ଚୋଗ୍ରଚାପାୟ ତେ ନମଃ ॥ ୩୩ ॥
ମଘାଂ ଵିଭାଵୟେତ୍କଣ୍ଠେ ନମସ୍ତେ ଭସ୍ମଧାରିଣେ ।
ମୁଖେ ନ୍ୟସେଦ୍-ଭଗର୍କ୍ଷ ଚ ନମଃ କ୍ରୂରଗ୍ରହାୟ ଚ ॥ ୩୪ ॥
ଭାଵୟେଦ୍ଦକ୍ଷନାସାୟାମର୍ୟମାଣଶ୍ଵ ୟୋଗିନେ ।
ଭାଵୟେଦ୍ଵାମନାସାୟାଂ ହସ୍ତର୍କ୍ଷଂ ଧାରିଣେ ନମଃ ॥ ୩୫ ॥
ତ୍ଵାଷ୍ଟ୍ରଂ ନ୍ୟସେଦ୍ଦକ୍ଷକର୍ଣେ କୃସରାନ୍ନ ପ୍ରିୟାୟ ତେ ।
ସ୍ଵାତୀଂ ନ୍ୟେସଦ୍ଵାମକର୍ଣେ ନମୋ ବୃହ୍ମମୟାୟ ତେ ॥ ୩୬ ॥
ଵିଶାଖାଂ ଚ ଦକ୍ଷନେତ୍ରେ ନମସ୍ତେ ଜ୍ଞାନଦୃଷ୍ଟୟେ ।
ମୈତ୍ରଂ ନ୍ୟସେଦ୍ଵାମନେତ୍ରେ ନମୋଽନ୍ଧଲୋଚନାୟ ତେ ॥ ୩୭ ॥
ଶାକ୍ରଂ ନ୍ୟସେଚ୍ଚ ଶିରସି ନମଃ ସଂଵର୍ତକାୟ ଚ ।
ଵିଷ୍କୁମ୍ଭଂ ଭାଵୟେଚ୍ଛୀର୍ଷେସନ୍ଧୌ କାଲାୟ ତେ ନମଃ ॥ ୩୮ ॥
ପ୍ରୀତିୟୋଗଂ ଭ୍ରୁଵୋଃ ସନ୍ଧୌ ମହାମନ୍ଦଂ ! ନମୋଽସ୍ତୁ ତେ ।
ନେତ୍ରୟୋଃ ସନ୍ଧାଵାୟୁଷ୍ମଦ୍ୟୋଗଂ ଭୀଷ୍ମାୟ ତେ ନମଃ ॥ ୩୯ ॥
ସୌଭାଗ୍ୟଂ ଭାଵୟେନ୍ନାସାସନ୍ଧୌ ଫଲାଶନାୟ ଚ ।
ଶୋଭନଂ ଭାଵୟେତ୍କର୍ଣେ ସନ୍ଧୌ ପିଣ୍ୟାତ୍ମନେ ନମଃ ॥ ୪୦ ॥
ନମଃ କୃଷ୍ଣୟାତିଗଣ୍ଡଂ ହନୁସନ୍ଧୌ ଵିଭାଵୟେତ୍ ।
ନମୋ ନିର୍ମାଂସଦେହାୟ ସୁକର୍ମାଣଂ ଶିରୋଧରେ ॥ ୪୧ ॥
ଧୃତିଂ ନ୍ୟସେଦ୍ଦକ୍ଷଵାହୌ ପୃଷ୍ଠେ ଛାୟାସୁତାୟ ଚ ।
ତନ୍ମୂଲସନ୍ଧୌ ଶୂଲଂ ଚ ନ୍ୟସେଦୁଗ୍ରାୟ ତେ ନମଃ ॥ ୪୨ ॥
ତତ୍କୂର୍ପରେ ନ୍ୟସେଦଗଣ୍ଡେ ନିତ୍ୟାନନ୍ଦାୟ ତେ ନମଃ ।
ଵୃଦ୍ଧିଂ ତନ୍ମଣିବନ୍ଧେ ଚ କାଲଜ୍ଞାୟ ନମୋ ନ୍ୟସେତ୍ ॥ ୪୩ ॥
ଧ୍ରୁଵଂ ତଦ୍ଙ୍ଗୁଲୀ-ମୂଲସନ୍ଧୌ କୃଷ୍ଣାୟ ତେ ନମଃ ।
ଵ୍ୟାଘାତଂ ଭାଵୟେଦ୍ଵାମବାହୁପୃଷ୍ଠେ କୃଶାୟ ଚ ॥ ୪୪ ॥
ହର୍ଷଣଂ ତନ୍ମୂଲସନ୍ଧୌ ଭୁତସନ୍ତାପିନେ ନମଃ ।
ତତ୍କୂର୍ପରେ ନ୍ୟସେଦ୍ଵଜ୍ରଂ ସାନନ୍ଦାୟ ନମୋଽସ୍ତୁ ତେ ॥ ୪୫ ॥
ସିଦ୍ଧିଂ ତନ୍ମଣିବନ୍ଧେ ଚ ନ୍ୟସେତ୍ କାଲାଗ୍ନୟେ ନମଃ ।
ଵ୍ୟତୀପାତଂ କରାଗ୍ରେଷୁ ନ୍ୟସେତ୍କାଲକୃତେ ନମଃ ॥ ୪୬ ॥
ଵରୀୟାଂସଂ ଦକ୍ଷପାର୍ଶ୍ଵସନ୍ଧୌ କାଲାତ୍ମନେ ନମଃ ।
ପରିଘଂ ଭାଵୟେଦ୍ଵାମପାର୍ଶ୍ଵସନ୍ଧୌ ନମୋଽସ୍ତୁ ତେ ॥ ୪୭ ॥
ନ୍ୟସେଦ୍ଦକ୍ଷୋରୁସନ୍ଧୌ ଚ ଶିଵଂ ଵୈ କାଲସାକ୍ଷିଣେ ।
ତଜ୍ଜାନୌ ଭାଵୟେତ୍ସିଦ୍ଧିଂ ମହାଦେହାୟ ତେ ନମଃ ॥ ୪୮ ॥
ସାଧ୍ୟଂ ନ୍ୟସେଚ୍ଚ ତଦ୍-ଗୁଲ୍ଫସନ୍ଧୌ ଘୋରାୟ ତେ ନମଃ ।
ନ୍ୟସେତ୍ତଦଙ୍ଗୁଲୀସନ୍ଧୌ ଶୁଭଂ ରୌଦ୍ରାୟ ତେ ନମଃ ॥ ୪୯ ॥
ନ୍ୟସେଦ୍ଵାମାରୁସନ୍ଧୌ ଚ ଶୁକ୍ଲକାଲଵିଦେ ନମଃ ।
ବ୍ରହ୍ମୟୋଗଂ ଚ ତଜ୍ଜାନୋ ନ୍ୟସେତ୍ସଦ୍ୟୋଗିନେ ନମଃ ॥ ୫୦ ॥
ଐନ୍ଦ୍ରଂ ତଦ୍-ଗୁଲ୍ଫସନ୍ଧୌ ଚ ୟୋଗାଽଧୀଶାୟ ତେ ନମଃ ।
ନ୍ୟସେତ୍ତଦଙ୍ଗୁଲୀସନ୍ଧୌ ନମୋ ଭଵ୍ୟାୟ ଵୈଧୃତିମ୍ ॥ ୫୧ ॥
ଚର୍ମଣି ବଵକରଣଂ ଭାଵୟେଦ୍ୟଜ୍ଵନେ ନମଃ ।
ବାଲଵଂ ଭାଵୟେଦ୍ରକ୍ତେ ସଂହାରକ ! ନମୋଽସ୍ତୁ ତେ ॥ ୫୨ ॥
କୌଲଵଂ ଭାଵୟେଦସ୍ଥ୍ନି ନମସ୍ତେ ସର୍ଵଭକ୍ଷିଣେ ।
ତୈତ୍ତିଲଂ ଭାଵୟେନ୍ମସି ଆମମାଂସପ୍ରିୟାୟ ତେ ॥ ୫୩ ॥
ଗରଂ ନ୍ୟସେଦ୍ଵପାୟାଂ ଚ ସର୍ଵଗ୍ରାସାୟ ତେ ନମଃ ।
ନ୍ୟସେଦ୍ଵଣିଜଂ ମଜ୍ଜାୟାଂ ସର୍ଵାନ୍ତକ ! ନମୋଽସ୍ତୁ ତେ ॥ ୫୪ ॥
ଵିର୍ୟେଵିଭାଵୟେଦ୍ଵିଷ୍ଟିଂ ନମୋ ମନ୍ୟୂଗ୍ରତେଜସେ ।
ରୁଦ୍ରମିତ୍ର ! ପିତୃଵସୁଵାରୀଣ୍ୟେତାଂଶ୍ଚ ପଞ୍ଚ ଚ ॥ ୫୫ ॥
ମୁହୂର୍ତାଂଶ୍ଚ ଦକ୍ଷପାଦନଖେଷୁ ଭାଵୟେନ୍ନମଃ ।
ଖଗେଶାୟ ଚ ଖସ୍ଥାୟ ଖେଚରାୟ ସ୍ଵରୁପିଣେ ॥ ୫୬ ॥
ପୁରୁହୂତଶତମଖେ ଵିଶ୍ଵଵେଧୋ-ଵିଧୂଂସ୍ତଥା ।
ମୁହୂର୍ତାଂଶ୍ଚ ଵାମପାଦନଖେଷୁ ଭାଵୟେନ୍ନମଃ ॥ ୫୭ ॥
ସତ୍ୟଵ୍ରତାୟ ସତ୍ୟାୟ ନିତ୍ୟସତ୍ୟାୟ ତେ ନମଃ ।
ସିଦ୍ଧେଶ୍ଵର ! ନମସ୍ତୁଭ୍ୟଂ ୟୋଗେଶ୍ଵର ! ନମୋଽସ୍ତୁ ତେ ॥ ୫୮ ॥
ଵହ୍ନିନକ୍ତଞ୍ଚରାଂଶ୍ଚୈଵ ଵରୁଣାର୍ୟମୟୋନକାନ୍ ।
ମୁହୂର୍ତାଂଶ୍ଚ ଦକ୍ଷହସ୍ତନଖେଷୁ ଭାଵୟେନ୍ନମଃ ॥ ୫୯ ॥
ଲଗ୍ନୋଦୟାୟ ଦୀର୍ଘାୟ ମାର୍ଗିଣେ ଦକ୍ଷଦୃଷ୍ଟୟେ ।
ଵକ୍ରାୟ ଚାତିକ୍ରୂରାୟ ନମସ୍ତେ ଵାମଦୃଷ୍ଟୟେ ॥ ୬୦ ॥
ଵାମହସ୍ତନଖେଷ୍ଵନ୍ତ୍ୟଵର୍ଣେଶାୟ ନମୋଽସ୍ତୁ ତେ ।
ଗିରିଶାହିର୍ବୁଧ୍ନ୍ୟପୂଷାଜପଷ୍ଦ୍ଦସ୍ତ୍ରାଂଶ୍ଚ ଭାଵୟେତ୍ ॥ ୬୧ ॥
ରାଶିଭୋକ୍ତ୍ରେ ରାଶିଗାୟ ରାଶିଭ୍ରମଣକାରିଣେ ।
ରାଶିନାଥାୟ ରାଶୀନାଂ ଫଲଦାତ୍ରେ ନମୋଽସ୍ତୁ ତେ ॥ ୬୨ ॥
ୟମାଗ୍ନି-ଚନ୍ଦ୍ରାଦିତିଜଵିଧାତୃଂଶ୍ଚ ଵିଭାଵୟେତ୍ ।
ଊର୍ଦ୍ଧ୍ଵ-ହସ୍ତ-ଦକ୍ଷନଖେଷ୍ଵତ୍ୟକାଲାୟ ତେ ନମଃ ॥ ୬୩ ॥
ତୁଲୋଚ୍ଚସ୍ଥାୟ ସୌମ୍ୟାୟ ନକ୍ରକୁମ୍ଭଗୃହାୟ ଚ ।
ସମୀରତ୍ଵଷ୍ଟଜୀଵାଂଶ୍ଚ ଵିଷ୍ଣୁ ତିଗ୍ମ ଦ୍ୟୁତୀନ୍ନୟସେତ୍ ॥ ୬୪ ॥
ଊର୍ଧ୍ଵ-ଵାମହସ୍ତ-ନଖେଷ୍ଵନ୍ୟଗ୍ରହ ନିଵାରିଣେ ।
ତୁଷ୍ଟାୟ ଚ ଵରିଷ୍ଠାୟ ନମୋ ରାହୁସଖାୟ ଚ ॥ ୬୫ ॥
ରଵିଵାରଂ ଲଲାଟେ ଚ ନ୍ୟସେଦ୍-ଭୀମଦୃଶେ ନମଃ ।
ସୋମଵାରଂ ନ୍ୟସେଦାସ୍ୟେ ନମୋ ମୃତପ୍ରିୟାୟ ଚ ॥ ୬୬ ॥
ଭୌମଵାରଂ ନ୍ୟସେତ୍ସ୍ଵାନ୍ତେ ନମୋ ବ୍ରହ୍ମ-ସ୍ଵରୁପିଣେ ।
ମେଢ୍ରଂ ନ୍ୟସେତ୍ସୌମ୍ୟଵାରଂ ନମୋ ଜୀଵ-ସ୍ଵରୁପିଣେ ॥ ୬୭ ॥
ଵୃଷଣେ ଗୁରୁଵାରଂ ଚ ନମୋ ମନ୍ତ୍ର-ସ୍ଵରୁପିଣେ ।
ଭୃଗୁଵାରଂ ମଲଦ୍ଵାରେ ନମଃ ପ୍ରଲୟକାରିଣେ ॥ ୬୮ ॥
ପାଦୟୋଃ ଶନିଵାରଂ ଚ ନିର୍ମାଂସାୟ ନମୋଽସ୍ତୁ ତେ ।
ଘଟିକା ନ୍ୟସେତ୍କେଶେଷୁ ନମସ୍ତେ ସୂକ୍ଷ୍ମରୁପିଣେ ॥ ୬୯ ॥
କାଲରୁପିନ୍ନମସ୍ତେଽସ୍ତୁ ସର୍ଵପାପପ୍ରଣାଶକଃ !।
ତ୍ରିପୁରସ୍ୟ ଵଧାର୍ଥାଂୟ ଶମ୍ଭୁଜାତାୟ ତେ ନମଃ ॥ ୭୦ ॥
ନମଃ କାଲଶରୀରାୟ କାଲନୁନ୍ନାୟ ତେ ନମଃ ।
କାଲହେତୋ ! ନମସ୍ତୁଭ୍ୟଂ କାଲନନ୍ଦାୟ ଵୈ ନମଃ ॥ ୭୧ ॥
ଅଖଣ୍ଡଦଣ୍ଡମାନାୟ ତ୍ଵନାଦ୍ୟନ୍ତାୟ ଵୈ ନମଃ ।
କାଲଦେଵାୟ କାଲାୟ କାଲକାଲାୟ ତେ ନମଃ ॥ ୭୨ ॥
ନିମେଷାଦିମହାକଲ୍ପକାଲରୁପଂ ଚ ଭୈରଵମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୭୩ ॥
ଦାତାରଂ ସର୍ଵଭଵ୍ୟାନାଂ ଭକ୍ତାନାମଭୟଙ୍କରମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୭୪ ॥
କର୍ତ୍ତାରଂ ସର୍ଵଦୁଃଖାନାଂ ଦୁଷ୍ଟାନାଂ ଭୟଵର୍ଧନମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୭୫ ॥
ହର୍ତ୍ତାରଂ ଗ୍ରହଜାତାନାଂ ଫଲାନାମଘକାରିଣାମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୭୬ ॥
ସର୍ଵେଷାମେଵ ଭୂତାନାଂ ସୁଖଦଂ ଶାନ୍ତମଵ୍ୟୟମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୭୭ ॥
କାରଣଂ ସୁଖଦୁଃଖାନାଂ ଭାଵାଽଭାଵ-ସ୍ଵରୁପିଣମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୭୮ ॥
ଅକାଲ-ମୃତ୍ୟୁ-ହରଣଽମପମୃତ୍ୟୁ ନିଵାରଣମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୭୯ ॥
କାଲରୁପେଣ ସଂସାର ଭକ୍ଷୟନ୍ତଂ ମହାଗ୍ରହମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୮୦ ॥
ଦୁର୍ନିରୀକ୍ଷ୍ୟଂ ସ୍ଥୂଲରୋମଂ ଭୀଷଣଂ ଦୀର୍ଘ-ଲୋଚନମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୮୧ ॥
ଗ୍ରହାଣାଂ ଗ୍ରହଭୂତଂ ଚ ସର୍ଵଗ୍ରହ-ନିଵାରଣମ୍ ।
ମୃତ୍ୟୁଞ୍ଜୟଂ ମହାକାଲଂ ନମସ୍ୟାମି ଶନୈଶ୍ଚରମ୍ ॥ ୮୨ ॥
କାଲସ୍ୟ ଵଶଗାଃ ସର୍ଵେ ନ କାଲଃ କସ୍ୟଚିଦ୍ଵଶଃ ।
ତସ୍ମାତ୍ତ୍ଵାଂ କାଲପୁରୁଷଂ ପ୍ରଣତୋଽସ୍ମି ଶନୈଶ୍ଚରମ୍ ॥ ୮୩ ॥
କାଲଦେଵ ଜଗତ୍ସର୍ଵଂ କାଲ ଏଵ ଵିଲୀୟତେ ।
କାଲରୁପଂ ସ୍ଵୟଂ ଶମ୍ଭୁଃ କାଲାତ୍ମା ଗ୍ରହଦେଵତା ॥ ୮୪ ॥
ଚଣ୍ଡୀଶୋ ରୁଦ୍ରଡାକିନ୍ୟାକ୍ରାନ୍ତଶ୍ଚଣ୍ଡୀଶ ଉଚ୍ୟତେ ।
ଵିଦ୍ୟୁଦାକଲିତୋ ନଦ୍ୟାଂ ସମାରୁଢୋ ରସାଧିପଃ ॥ ୮୫ ॥
ଚଣ୍ଡୀଶଃ ଶୁକସଂୟୁକ୍ତୋ ଜିହ୍ଵୟା ଲଲିତଃ ପୁନଃ ।
କ୍ଷତଜସ୍ତାମସୀ ଶୋଭୀ ସ୍ଥିରାତ୍ମା ଵିଦ୍ୟୁତା ୟୁତଃ ॥ ୮୬ ॥
ନମୋଽନ୍ତୋ ମନୁରିତ୍ୟେଷ ଶନିତୁଷ୍ଟିକରଃ ଶିଵେ ।
ଆଦ୍ୟନ୍ତେଽଷ୍ଟୋତ୍ତରଶତଂ ମନୁମେନଂ ଜପେନ୍ନରଃ ॥ ୮୭ ॥
ୟଃ ପଠେଚ୍ଛ୍ରଣୁୟାଦ୍ଵାପି ଧ୍ୟାତ୍ତ୍ଵା ସମ୍ପୂଜ୍ୟ ଭକ୍ତିତଃ ।
ତ୍ରସ୍ୟ ମୃତ୍ୟୋର୍ଭୟଂ ନୈଵ ଶତଵର୍ଷାଵଧିପ୍ରିୟେ ! ॥ ୮୮ ॥
ଜ୍ଵରାଃ ସର୍ଵେ ଵିନଶ୍ୟନ୍ତି ଦଦ୍ରୁ-ଵିସ୍ଫୋଟକଚ୍ଛୁକାଃ ।
ଦିଵା ସୌରିଂ ସ୍ମରେତ୍ ରାତ୍ରୌ ମହାକାଲଂ ୟଜନ୍ ପଠେତ ॥ ୮୯ ॥
ଜନ୍ମର୍କ୍ଷେ ଚ ୟଦା ସୌରିର୍ଜପେଦେତତ୍ସହସ୍ରକମ୍ ।
ଵେଧଗେ ଵାମଵେଧେ ଵା ଜପେଦର୍ଦ୍ଧସହସ୍ରକମ୍ ॥ ୯୦ ॥
ଦ୍ଵିତୀୟେ ଦ୍ଵାଦଶେ ମନ୍ଦେ ତନୌ ଵା ଚାଷ୍ଟମେଽପି ଵା ।
ତତ୍ତଦ୍ରାଶୌ ଭଵେଦ୍ୟାଵତ୍ ପଠେତ୍ତାଵଦ୍ଦିନାଵଧି ॥ ୯୧ ॥
ଚତୁର୍ଥେ ଦଶମେ ଵାଽପି ସପ୍ତମେ ନଵପଞ୍ଚମେ ।
ଗୋଚରେ ଜନ୍ମଲଗ୍ନେଶେ ଦଶାସ୍ଵନ୍ତର୍ଦଶାସୁ ଚ ॥ ୯୨ ॥
ଗୁରୁଲାଘଵଜ୍ଞାନେନ ପଠେଦାଵୃତ୍ତିସଙ୍ଖ୍ୟୟା ।
ଶତମେକଂ ତ୍ରୟଂ ଵାଥ ଶତୟୁଗ୍ମଂ କଦାଚନ ॥ ୯୩ ॥
ଆପଦସ୍ତସ୍ୟ ନଶ୍ୟନ୍ତି ପାପାନି ଚ ଜୟଂ ଭଵେତ୍ ।
ମହାକାଲାଲୟେ ପୀଠେ ହ୍ୟଥଵା ଜଲସନ୍ନିଧୌ ॥ ୯୪ ॥
ପୁଣ୍ୟକ୍ଷେତ୍ରେଽଶ୍ଵତ୍ଥମୂଲେ ତୈଲକୁମ୍ଭାଗ୍ରତୋ ଗୃହେ ।
ନିୟମେନୈକଭକ୍ତେନ ବ୍ରହ୍ମଚର୍ୟେଣ ମୌନିନା ॥ ୯୫ ॥
ଶ୍ରୋତଵ୍ୟଂ ପଠିତଵ୍ୟଂ ଚ ସାଧକାନାଂ ସୁଖାଵହମ୍ ।
ପରଂ ସ୍ଵସ୍ତ୍ୟୟନଂ ପୁଣ୍ୟଂ ସ୍ତୋତ୍ରଂ ମୃତ୍ୟୁଞ୍ଜୟାଭିଧମ୍ ॥ ୯୬ ॥
କାଲକ୍ରମେଣ କଥିତଂ ନ୍ୟାସକ୍ରମ ସମନ୍ଵିତମ୍ ।
ପ୍ରାତଃକାଲେ ଶୁଚିର୍ଭୂତ୍ଵା ପୂଜାୟାଂ ଚ ନିଶାମୁଖେ ॥ ୯୭ ॥
ପଠତାଂ ନୈଵ ଦୁଷ୍ଟେଭ୍ୟୋ ଵ୍ୟାଘ୍ରସର୍ପାଦିତୋ ଭୟମ୍ ।
ନାଗ୍ନିତୋ ନ ଜଲାଦ୍ଵାୟୋର୍ଦେଶେ ଦେଶାନ୍ତରେଽଥଵା ॥ ୯୮ ॥
ନାଽକାଲେ ମରଣଂ ତେଷାଂ ନାଽପମୃତ୍ୟୁଭୟଂ ଭଵେତ୍ ।
ଆୟୁର୍ଵର୍ଷଶତଂ ସାଗ୍ରଂ ଭଵନ୍ତି ଚିରଜୀଵିନଃ ॥ ୯୯ ॥
ନାଽତଃ ପରତରଂ ସ୍ତୋତ୍ରଂ ଶନିତୁଷ୍ଟିକରଂ ମହତ୍ ।
ଶାନ୍ତିକଂ ଶୀଘ୍ରଫଲଦଂ ସ୍ତୋତ୍ରମେତନ୍ମୟୋଦିତମ୍ ॥ ୧୦୦ ॥
ତସ୍ମାତ୍ସର୍ଵପ୍ରୟତ୍ନେନ ୟଦୀଚ୍ଛେଦାତ୍ମନୋ ହିତମ୍ ।
କଥନୀୟଂ ମହାଦେଵି ! ନୈଵାଭକ୍ତସ୍ୟ କସ୍ୟଚିତ୍ ॥ ୧୦୧ ॥
॥ ଇତି ମାର୍ତଣ୍ଡଭୈରଵତନ୍ତ୍ରେ ମହାକାଲଶନିମୃତ୍ୟୁଞ୍ଜୟସ୍ତୋତ୍ରଂ ସମ୍ପୂର୍ଣମ୍ ॥