॥ Sri Mangalanayika Ashtakam Kannada Lyrics ॥
॥ ಶ್ರೀಮಂಗಲನಾಯಿಕಾಷ್ಟಕಮ್ ॥
ಅಮ್ಬಾಮಮ್ಬುಜಧಾರಿಣೀಂ ಸುರನುತಾಮರ್ಧೇನ್ದುಭೂಷೋಜ್ಜ್ವಲಾಂ
ಆಧಾರಾದಿ ಸಮಸ್ತಪೀಠನಿಲಯಾಮಮ್ಭೋಜಮಧ್ಯಸ್ಥಿತಾಮ್ ।
ನಿತ್ಯಂ ಸಜ್ಜನವನ್ದ್ಯಮಾನಚರಣಾಂ ನೀಲಾಲಕಶ್ರೋಣಿತಾಂ
ಶ್ರೀಮನ್ಮಂಗಲನಾಯಿಕಾಂ ಭಗವತೀಂ ತಾಮ್ರಾತಟಸ್ಥಾಂ ಭಜೇ । 1 ॥
ಆದ್ಯಾಮಾಗಮಶಾಸ್ತ್ರರತ್ನವಿನುತಾಮಾರ್ಯಾಂ ಪರಾಂ ದೇವತಾಂ
ಆನನ್ದಾಮ್ಬುಧಿವಾಸಿನೀಂ ಪರಶಿವಾಮಾನನ್ದಪೂರ್ಣಾನನಾಮ್ ।
ಆಬ್ರಹ್ಮಾದಿ ಪಿಪೀಲಿಕಾನ್ತಜನನೀಮಾಖಂಡಾಲಾದ್ಯರ್ಚಿತಾಂ
ಶ್ರೀಮನ್ಮಂಗಲನಾಯಿಕಾಂ ಭಗವತೀಂ ತಾಮ್ರಾತಟಸ್ಥಾಂ ಭಜೇ ॥ 2 ॥
ಇನ್ದ್ರಾಣ್ಯಾದಿ ಸಮಸ್ತಶಕ್ತಿಸಹಿತಾಮಿನ್ದೀವರಶ್ಯಾಮಲಾಂ
ಇನ್ದ್ರೋಪೇನ್ದ್ರವರಪ್ರದಾಮಿನನುತಾಮಿಷ್ಟಾರ್ಥಸಿದ್ಧಿಪ್ರದಾಮ್ ।
ಈಕಾರಾಕ್ಷರರೂಪಿಣೀಂ ಗಿರಿಸುತಾಮೀಕಾರವರ್ಣಾತ್ಮಿಕಾಂ
ಶ್ರೀಮನ್ಮಂಗಲನಾಯಿಕಾಂ ಭಗವತೀಂ ತಾಮ್ರಾತಟಸ್ಥಾಂ ಭಜೇ ॥ 3 ॥
ಉದ್ಯದ್ಭಾನುಸಹಸ್ರಕೋಟಿಸದೃಶೀಂ ಕೇಯೂರಹಾರೋಜ್ಜ್ವಲಾಂ
ಊರ್ಧ್ವಸ್ವನ್ಮಣಿಮೇಖಲಾಂ ತ್ರಿನಯನಾಮೂಷ್ಮಾಪಹಾರೋಜ್ಜ್ವಲಾಮ್ ।
ಊಹಾಪೋಹವಿವೇಕವಾದ್ಯನಿಲಯಾಮೂಢ್ಯಾಣಪೀಠಸ್ಥಿತಾಂ
ಶ್ರೀಮನ್ಮಂಗಲನಾಯಿಕಾಂ ಭಗವತೀಂ ತಾಮ್ರಾತಟಸ್ಥಾಂ ಭಜೇ ॥ 4 ॥
ಋಕ್ಷಾಧೀಶಕಲಾನ್ವಿತಾಮೃತುನುತಾಮೃದ್‍ಧ್ಯಾದಿಸಂಸೇವಿತಾಂ
ನೃಣಾನಾಂ ಪಾಪವಿಮೋಚಿನೀಂ ಶುಭಕರೀಂ ವೃತ್ರಾರಿಸಂಸೇವಿತಾಮ್ ।
ಲಿಂಗಾರಾಧನತತ್ಪರಾಂ ಭಯಹಾರಾಂ ಕ್ಲೀಂಕಾರಪೀಠಸ್ಥಿತಾಂ
ಶ್ರೀಮನ್ಮಂಗಲನಾಯಿಕಾಂ ಭಗವತೀಂ ತಾಮ್ರಾತಟಸ್ಥಾಂ ಭಜೇ ॥ 5 ॥
ಏನಃಕೂಟವಿನಾಶಿನೀಂ ವಿಧಿನುತಾಮೇಣಾಂಕಚೂಡಪ್ರಿಯಾಂ
ಏಲಾಚಮ್ಪಕಪುಷ್ಪಗನ್ಧಿಚಿಕುರಾಮೇಕಾತಪತ್ರೋಜ್ವಲಾಮ್ ।
ಐಕಾರಾಮ್ಬುಜಪೀಠಮಧ್ಯನಿಲಯಾಮೈನ್ದ್ರಾದಿಲೋಕಪ್ರದಾಂ
ಶ್ರೀಮನ್ಮಂಗಲನಾಯಿಕಾಂ ಭಗವತೀಂ ತಾಮ್ರಾತಟಸ್ಥಾಂ ಭಜೇ ॥ 6 ॥
ಓಘೈರಪ್ಸರಸಾಂ ಸದಾ ಪರಿವೃತಾಮೋಘತ್ರಯಾರಾಧಿತಾಂ
ಓಜೋವರ್ದ್ಧನತತ್ಪರಾಂ ಶಿವಪರಾಮೋಂಕಾರಮನ್ತ್ರೋಜ್ಜ್ವಲಾಮ್ ।
ಔದಾರ್ಯಾಕರಪಾದಪದ್ಮಯುಗಲಾಮೌತ್ಸುಖ್ಯದಾತ್ರೀಂ ಪರಾಂ
ಶ್ರೀಮನ್ಮಂಗಲನಾಯಿಕಾಂ ಭಗವತೀಂ ತಾಮ್ರಾತಟಸ್ಥಾಂ ಭಜೇ ॥ 7 ॥
ಅರ್ಕಾಮ್ಭೋರುಹವೈರಿವಹ್ನಿನಯನಾಮಕ್ಷೀಣಸೌಭಾಗ್ಯದಾಂ
ಅಂಗಾಕಲ್ಪಿತರತ್ನಭೂಷಣಯುತಾಮಂಡೌಘಸಂಸೇವಿತಾಮ್ ।
ಆಜ್ಞಾಚಕ್ರನಿವಾಸಿನೀಂ ಝಲಝಲನ್ಮಂಜೀರಪಾದಾಮ್ಬುಜಾಂ
ಶ್ರೀಮನ್ಮಂಗಲನಾಯಿಕಾಂ ಭಗವತೀಂ ತಾಮ್ರಾತಟಸ್ಥಾಂ ಭಜೇ ॥ 8 ॥
ಶ್ರೀಮಂಗಲಾಮ್ಬಾ ಪರದೈವತಂ ನಃ ಶ್ರೀಮಂಗಲಾಮ್ಬಾ ಪರಂ ಧನಂ ನಃ ।
ಶ್ರೀಮಂಗಲಾಮ್ಬಾ ಕುಲದೈವತಂ ನಃ ಶ್ರೀಮಂಗಲಾಮ್ಬಾ ಪರಮಾ ಗತಿರ್ನಃ ॥
ಅಜ್ಞಾನಿನಾ ಮಯಾ ದೋಷಾನಶೇಷಾನ್ವಿಹಿತಾನ್ಶಿವೇ ।
ಕ್ಷಮಸ್ವ ತ್ವಂ ಕ್ಷಮಸ್ವ ತ್ವಂ ಶೈಲರಾಜಸುತೇಽಮ್ಬಿಕೇ ॥
ಯತ್ರೈವ ಯತ್ರೈವ ಮನೋ ಮದೀಯಂ ತತ್ರೈವ ತತ್ರೈವ ತವ ಸ್ವರೂಪಮ್ ।
ಯತ್ರೈವ ಯತ್ರೈವ ಶಿರೋ ಮದೀಯಂ ತತ್ರೈವ ತತ್ರೈವ ಪದದ್ವಯಂ ತೇ ॥
ಇತಿ ಶ್ರೀಮಂಗಲನಾಯಿಕಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Mangalanayika Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil