॥ Sri Mangalanayika Ashtakam Telugu Lyrics ॥
॥ శ్రీమఙ్గలనాయికాష్టకమ్ ॥
అమ్బామమ్బుజధారిణీం సురనుతామర్ధేన్దుభూషోజ్జ్వలాం
ఆధారాది సమస్తపీఠనిలయామమ్భోజమధ్యస్థితామ్ ।
నిత్యం సజ్జనవన్ద్యమానచరణాం నీలాలకశ్రోణితాం
శ్రీమన్మఙ్గలనాయికాం భగవతీం తామ్రాతటస్థాం భజే । ౧ ॥
ఆద్యామాగమశాస్త్రరత్నవినుతామార్యాం పరాం దేవతాం
ఆనన్దామ్బుధివాసినీం పరశివామానన్దపూర్ణాననామ్ ।
ఆబ్రహ్మాది పిపీలికాన్తజననీమాఖణ్డాలాద్యర్చితాం
శ్రీమన్మఙ్గలనాయికాం భగవతీం తామ్రాతటస్థాం భజే ॥ ౨ ॥
ఇన్ద్రాణ్యాది సమస్తశక్తిసహితామిన్దీవరశ్యామలాం
ఇన్ద్రోపేన్ద్రవరప్రదామిననుతామిష్టార్థసిద్ధిప్రదామ్ ।
ఈకారాక్షరరూపిణీం గిరిసుతామీకారవర్ణాత్మికాం
శ్రీమన్మఙ్గలనాయికాం భగవతీం తామ్రాతటస్థాం భజే ॥ ౩ ॥
ఉద్యద్భానుసహస్రకోటిసదృశీం కేయూరహారోజ్జ్వలాం
ఊర్ధ్వస్వన్మణిమేఖలాం త్రినయనామూష్మాపహారోజ్జ్వలామ్ ।
ఊహాపోహవివేకవాద్యనిలయామూఢ్యాణపీఠస్థితాం
శ్రీమన్మఙ్గలనాయికాం భగవతీం తామ్రాతటస్థాం భజే ॥ ౪ ॥
ఋక్షాధీశకలాన్వితామృతునుతామృద్‍ధ్యాదిసంసేవితాం
నృణానాం పాపవిమోచినీం శుభకరీం వృత్రారిసంసేవితామ్ ।
లిఙ్గారాధనతత్పరాం భయహారాం క్లీఙ్కారపీఠస్థితాం
శ్రీమన్మఙ్గలనాయికాం భగవతీం తామ్రాతటస్థాం భజే ॥ ౫ ॥
ఏనఃకూటవినాశినీం విధినుతామేణాఙ్కచూడప్రియాం
ఏలాచమ్పకపుష్పగన్ధిచికురామేకాతపత్రోజ్వలామ్ ।
ఐకారామ్బుజపీఠమధ్యనిలయామైన్ద్రాదిలోకప్రదాం
శ్రీమన్మఙ్గలనాయికాం భగవతీం తామ్రాతటస్థాం భజే ॥ ౬ ॥
ఓఘైరప్సరసాం సదా పరివృతామోఘత్రయారాధితాం
ఓజోవర్ద్ధనతత్పరాం శివపరామోఙ్కారమన్త్రోజ్జ్వలామ్ ।
ఔదార్యాకరపాదపద్మయుగలామౌత్సుఖ్యదాత్రీం పరాం
శ్రీమన్మఙ్గలనాయికాం భగవతీం తామ్రాతటస్థాం భజే ॥ ౭ ॥
అర్కామ్భోరుహవైరివహ్నినయనామక్షీణసౌభాగ్యదాం
అఙ్గాకల్పితరత్నభూషణయుతామణ్డౌఘసంసేవితామ్ ।
ఆజ్ఞాచక్రనివాసినీం ఝలఝలన్మఞ్జీరపాదామ్బుజాం
శ్రీమన్మఙ్గలనాయికాం భగవతీం తామ్రాతటస్థాం భజే ॥ ౮ ॥
శ్రీమఙ్గలామ్బా పరదైవతం నః శ్రీమఙ్గలామ్బా పరం ధనం నః ।
శ్రీమఙ్గలామ్బా కులదైవతం నః శ్రీమఙ్గలామ్బా పరమా గతిర్నః ॥
అజ్ఞానినా మయా దోషానశేషాన్విహితాన్శివే ।
క్షమస్వ త్వం క్షమస్వ త్వం శైలరాజసుతేఽమ్బికే ॥
యత్రైవ యత్రైవ మనో మదీయం తత్రైవ తత్రైవ తవ స్వరూపమ్ ।
యత్రైవ యత్రైవ శిరో మదీయం తత్రైవ తత్రైవ పదద్వయం తే ॥
ఇతి శ్రీమఙ్గలనాయికాష్టకం సమ్పూర్ణమ్ ।
– Chant Stotra in Other Languages –
Sri Mangalanayika Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil