॥ Meenakshi Pancharatnam Gujarati Lyrics ॥
॥ મીનાક્ષી પઞ્ચરત્નમ્ ॥
॥ શ્રીઃ ॥
॥ અથ મીનાક્ષી પઞ્ચરત્નમ્ ॥
ઉદ્યદ્ભાનુ સહસ્રકોટિસદૃશાં કેયૂરહારોજ્જ્વલાં
બિમ્બોષ્ઠીં સ્મિતદન્તપંક્તિરુચિરાં પીતામ્બરાલંકૃતામ્ ।
વિષ્ણુબ્રહ્મસુરેન્દ્રસેવિતપદાં તત્વસ્વરૂપાં શિવાં
મીનાક્ષીં પ્રણતોઽસ્મિ સંતતમહં કારુણ્યવારાંનિધિમ્ ॥ ૧ ॥
મુક્તાહારલસત્કિરીટરુચિરાં પૂર્ણેન્દુવક્ત્ર પ્રભાં
શિઞ્જન્નૂપુરકિંકિણિમણિધરાં પદ્મપ્રભાભાસુરામ્ ।
સર્વાભીષ્ટફલપ્રદાં ગિરિસુતાં વાણીરમાસેવિતાં
મીનાક્ષીં પ્રણતોઽસ્મિ સંતતમહં કારુણ્યવારાંનિધિમ્ ॥ ૨ ॥
શ્રીવિદ્યાં શિવવામભાગનિલયાં હ્રીંકારમન્ત્રોજ્જ્વલાં
શ્રીચક્રાઙ્કિત બિન્દુમધ્યવસતિં શ્રીમત્સભાનાયકીમ્ ।
શ્રીમત્ષણ્મુખવિઘ્નરાજજનનીં શ્રીમજ્જગન્મોહિનીં
મીનાક્ષીં પ્રણતોઽસ્મિ સંતતમહં કારુણ્યવારાંનિધિમ્ ॥ ૩ ॥
શ્રીમત્સુન્દરનાયકીં ભયહરાં જ્ઞાનપ્રદાં નિર્મલાં
શ્યામાભાં કમલાસનાર્ચિતપદાં નારાયણસ્યાનુજામ્ ।
વીણાવેણુમૃદઙ્ગવાદ્યરસિકાં નાનાવિધામમ્બિકાં var નાનાવિધાડમ્બિકાં
મીનાક્ષીં પ્રણતોઽસ્મિ સંતતમહં કારુણ્યવારાંનિધિમ્ ॥ ૪ ॥
નાનાયોગિમુનીન્દ્રહૃન્નિવસતીં નાનાર્થસિદ્ધિપ્રદાં
નાનાપુષ્પવિરાજિતાંઘ્રિયુગલાં નારાયણેનાર્ચિતામ્ ।
નાદબ્રહ્મમયીં પરાત્પરતરાં નાનાર્થતત્વાત્મિકાં
મીનાક્ષીં પ્રણતોઽસ્મિ સંતતમહં કારુણ્યવારાંનિધિમ્ ॥ ૫ ॥
ઇતિ શ્રીમત્પરમહંસપરિવ્રાજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છંકરભગવતઃ કૃતૌ
મીનાક્ષી પઞ્ચરત્નં સમ્પૂર્ણમ્ ।