॥ Sri Mukundaraya Ashtakam Bengali Lyrics ॥
॥ শ্রীমুকুন্দরায়াষ্টকম্ ॥
(রামকলী-গণেশ গীয়তে)
বনিতোপহাসনৃত্যত্স্মিতবদনানন্দজোষতোষদায়িন্ ।
শ্রীমন্মুকুন্দরায় ত্বয়্যাসক্তং মনো মেঽস্তু ॥ ১ ॥
মণিময়নন্দাবাসে কুমারিকাবৃন্দশোভিসদ্ধাস্যে ।
নবনীতলোভিতাস্যে (সততং ত্বয়ি হরৌ) মতির্মেঽস্তু ॥ ২ ॥
পরিধৃতহীরকহারং ব্রজাঙ্গনাদর্শনীয়কৌমারম্ ।
কৃতগোপুচ্ছবিহারং জিতমারং প্রণৌমি হৃত্সারম্ ॥ ৩ ॥
সকলোপনিষত্সারং স্বানন্দাপ্রাকৃতাকারম্ ।
বন্দে নন্দকুমারং বারং বারং স্বদাতারম্ ॥ ৪ ॥
কিঙ্কণীনূপুররণিতং (সততং) সিংহাবলোকনং কর্ত্রে ।
ব্রজজনমানসহর্ত্রে নিজার্তিহর্ত্রে নমস্কুর্মঃ ॥ ৫ ॥
অলকসমাবৃতবদনং সুকুন্দকলিকাসুশোভিতং স্বাস্যম্ ।
গোপয়ুবতীরতিসদনং জিতমদনং নন্দনন্দনং নৌমি ॥ ৬ ॥
ব্রজকর্দমলিপ্তাঙ্গং করধৃতনবনীতমোহিতানঙ্গম্ ।
বন্দে লোলবিলোচনাসক্তাঙ্গনাসঙ্গম্ ॥ ৭ ॥
নর্তনলীলাকরণং মনোহরণং বপুষা নন্দবিস্তরণম্ ।
সেবকজনভবতরণং য়ামি তমহং সদৈব শরণম্ ॥ ৮ ॥
তব লীলারসলুব্ধাঃ শ্রীমুকুন্দরায়াষ্টকং প্রেষ্ণা ।
সাধনজালসহস্রং ত্যক্ত্বাজস্রং পঠধ্বং বৈ ॥ ৯ ॥
ইতি শ্রীমদ্যদুনাথকুলোদ্ভবশ্রীগোপালাত্মজশ্রীগিরধরেণবিরচিতং
শ্রীমুকুন্দরায়াষ্টকং সমাপ্তম্ ।
– Chant Stotra in Other Languages –
Sri Mukundaraya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil