॥ Sri Mukundaraya Ashtakam Gujarati Lyrics ॥
॥ શ્રીમુકુન્દરાયાષ્ટકમ્ ॥
(રામકલી-ગણેશ ગીયતે)
વનિતોપહાસનૃત્યત્સ્મિતવદનાનન્દજોષતોષદાયિન્ ।
શ્રીમન્મુકુન્દરાય ત્વય્યાસક્તં મનો મેઽસ્તુ ॥ ૧ ॥
મણિમયનન્દાવાસે કુમારિકાવૃન્દશોભિસદ્ધાસ્યે ।
નવનીતલોભિતાસ્યે (સતતં ત્વયિ હરૌ) મતિર્મેઽસ્તુ ॥ ૨ ॥
પરિધૃતહીરકહારં વ્રજાઙ્ગનાદર્શનીયકૌમારમ્ ।
કૃતગોપુચ્છવિહારં જિતમારં પ્રણૌમિ હૃત્સારમ્ ॥ ૩ ॥
સકલોપનિષત્સારં સ્વાનન્દાપ્રાકૃતાકારમ્ ।
વન્દે નન્દકુમારં વારં વારં સ્વદાતારમ્ ॥ ૪ ॥
કિઙ્કણીનૂપુરરણિતં (સતતં) સિંહાવલોકનં કર્ત્રે ।
વ્રજજનમાનસહર્ત્રે નિજાર્તિહર્ત્રે નમસ્કુર્મઃ ॥ ૫ ॥
અલકસમાવૃતવદનં સુકુન્દકલિકાસુશોભિતં સ્વાસ્યમ્ ।
ગોપયુવતીરતિસદનં જિતમદનં નન્દનન્દનં નૌમિ ॥ ૬ ॥
વ્રજકર્દમલિપ્તાઙ્ગં કરધૃતનવનીતમોહિતાનઙ્ગમ્ ।
વન્દે લોલવિલોચનાસક્તાઙ્ગનાસઙ્ગમ્ ॥ ૭ ॥
નર્તનલીલાકરણં મનોહરણં વપુષા નન્દવિસ્તરણમ્ ।
સેવકજનભવતરણં યામિ તમહં સદૈવ શરણમ્ ॥ ૮ ॥
તવ લીલારસલુબ્ધાઃ શ્રીમુકુન્દરાયાષ્ટકં પ્રેષ્ણા ।
સાધનજાલસહસ્રં ત્યક્ત્વાજસ્રં પઠધ્વં વૈ ॥ ૯ ॥
ઇતિ શ્રીમદ્યદુનાથકુલોદ્ભવશ્રીગોપાલાત્મજશ્રીગિરધરેણવિરચિતં
શ્રીમુકુન્દરાયાષ્ટકં સમાપ્તમ્ ।
– Chant Stotra in Other Languages –
Sri Mukundaraya Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil