॥ Sri Mukundashtakam Bengali Lyrics ॥
॥ শ্রীমুকুন্দাষ্টকম্ ॥
শ্রীমুকুন্দায় নমঃ ।
বলভিদুপলকান্তিদ্রোহিণি শ্রীমদঙ্গে
ঘুসৃণরসবিলাসৈঃ সুষ্ঠু গান্ধর্বিকায়াঃ ।
স্বমদননৃপশোভাং বর্ধয়ন্ দেহরাজ্যে
প্রণয়তু মম নেত্রাভীষ্টসিদ্ধিং মুকুন্দঃ ॥ ১ ॥
উদিতবিধুপরার্ধজ্যোতিরুল্লঙ্ঘিবক্ত্রো
নবতরুণিমরজ্যদ্বাল্যশেষাতিরম্যঃ ।
পরিষদি ললিতালীং দোলয়ন্ কুণ্ডলাভ্যাং
প্রণয়তু মম নেত্রাভীষ্টসিদ্ধিং মুকুন্দঃ ॥ ২ ॥
কনকনিবহশোভানন্দি পীতং নিতম্বে
তদুপরি নবরক্তং বস্ত্রমিত্থং দধানঃ ।
প্রিয়মিব কিল বর্ণং রাগয়ুক্তং প্রিয়ায়াঃ
প্রণয়তু মম নেত্রাভীষ্টপূর্তিং মুকুন্দঃ ॥ ৩ ॥
সুরভিকুসুমবৃন্ধৈর্বাসিতাম্ভঃসমৃদ্ধে
প্রিয়সরসি নিদাঘে সায়মালীপরীতাম্ ।
মদনজনকসেকৈঃ খেলয়ন্ন্ এব রাধাং
প্রণয়তু মম নেত্রাভীষ্টসিদ্ধিং মুকুন্দঃ ॥ ৪ ॥
পরমলমিহ লব্ধ্বা হন্ত গান্ধর্বিকায়াঃ
পুলকিততনুরুচ্চৈরুন্মদস্তত্ক্ষণেন ।
নিখিলবিপিনদেশান্ বাসিতান্ এব জিঘ্রন্
প্রণয়তু মম নেত্রাভীষ্টসিদ্ধিং মুকুন্দঃ ॥ ৫ ॥
প্রণিহিতভুজদণ্ডঃ স্কন্ধদেশে বরাঙ্গ্যাঃ
স্মিতবিকসিতগণ্ডে কীর্তিদাকন্যকায়াঃ ।
মনসিজজনিসৌখ্যং চুম্বনেনৈব তন্বন্
প্রণয়তু মম নেত্রাভীষ্টসিদ্ধিং মুকুন্দঃ ॥ ৬ ॥
প্রমদদনুজগোষ্ঠ্যাঃ কোঽপি সংবর্তবহ্নি-
র্ব্রজভুবি কিল পিত্রোর্মূর্তিমান্ স্নেহপুঞ্জঃ ।
প্রথমরসমহেন্দ্রঃ শ্যামলো রাধিকায়াঃ
প্রণয়তু মম নেত্রাভীষ্টসিদ্ধিং মুকুন্দঃ ॥ ৭ ॥
স্বকদনকথয়াঙ্গীকৃত্য মৃদ্বীং বিশাখাং
কৃতচটু ললিতাং তু প্রার্থন্ প্রৌঢশীলাম্ ।
প্রণয়বিধুররাধামানবিধ্বংসনায়
প্রণয়তু মম নেত্রাভীষ্টসিদ্ধিং মুকুন্দঃ ॥ ৮ ॥
পরিপঠতি মুকুন্দস্যাষ্টকং কাকুভির্যঃ
সকলবিষয়সঙ্গাত্ সন্নিয়ম্যেন্দ্রিয়াণি ।
ব্রজনবয়ুবরাজো দর্শয়ন্ স্বং সরাধে
স্বজনগণনমধ্যে তং প্রিয়ায়াস্তনোতি ॥ ৯ ॥
ইতি শ্রীরূপগোস্বামিবিরচিতস্তবমালায়াং শ্রীমুকুন্দাষ্টকং সমাপ্তম্ ।
– Chant Stotra in Other Languages –
Sri Mukundashtakam Lyrics in Sanskrit » English » Gujarati » Kannada » Malayalam » Odia » Telugu » Tamil