॥ Nandiswara Ashtakam Bengali Lyrics ॥
॥ শ্রীনন্দীশ্বরাষ্টকম্ ॥
সাক্ষান্মহত্তমমহাঘনচিদ্বিলাস
পুঞ্জঃ স্বয়ং শিখরিশেখরতামুপেতঃ ।
য়ত্রেশ্বরঃ স খলু নন্দতি য়েন বেতি
নন্দীশ্বরঃ স মদমন্দমুদং দধাতু ॥ ১ ॥
ব্রহ্মাণ্ডবপ্রগতলোকনিকায়শস্য
সন্তর্পি কৃষ্ণচরিতামৃতনির্ঝরাঢ্যঃ ।
পর্জন্যসন্ততিসুখাস্পদপূর্বকো য়ো
নন্দীশ্বরঃ স মদমন্দমুদং দধাতু ॥ ২ ॥
য়ত্সৌভগং ভগবতা ধরণীভৃতাপি
ন প্রাপ্যতে সুরগিরিঃ স হি কো বরাকঃ ।
নন্দঃ স্বয়ং বসতি য়ত্র সপুত্রদারো
নন্দীশ্বরঃ স মদমন্দমুদং দধাতু ॥ ৩ ॥
য়ত্র ব্রজাধিপপুরাপ্রতিমপ্রকাশ
প্রাসাদমূর্ধকলশোপরিনৃত্যরঙ্গী ।
বর্হীক্ষ্যতে ভুবি জয়ধ্বজকেতুভূতো
নন্দীশ্বরঃ স মদমন্দমুদং দধাতু ॥ ৪ ॥
য়চ্ছৃঙ্গসঙ্গতসুগন্ধশিলাধিরূঢঃ
কৃষ্ণঃ সতৃষ্ণনয়নঃ পরিতো ব্রজাব্জম্ ।
আলোক্যতে দ্বিষডুদারদালাটবীস্তা
নন্দীশ্বরঃ স মদমন্দমুদং দধাতু ॥ ৫ ॥
জিগ্যে য়দীয়তটরাজিসরোজরাজি
সৌরভ্যমঞ্জুলসরোজলশীকরেণ ।
ত্রৈলোক্যবর্তিবরতীর্থয়শো রসৌঘৈ-
র্নন্দীশ্বরঃ স মদমন্দমুদং দধাতু ॥ ৬ ॥
য়ত্তীরসঙ্গিপবনৈরভিমৃশ্যমানাঃ
স্যুঃ পাবনা অপি জনাঃ স্বদশাং পরেষাম্ ।
সা পাবনাখ্যসরসী য়দুপত্যকায়াং
নন্দীশ্বরঃ স মদমন্দমুদং দধাতু ॥ ৭ ॥
কৃষ্ণাখ্যমস্তি মহদুজ্জ্বলনীলরত্নং
সূতে তদেব বসু তত্স্বভুবৈব দৃষ্টম্ ।
তল্লভ্যতে সুকৃতিনৈব য়দীয়সানৌ
নন্দীশ্বরঃ স মদমন্দমুদং দধাতু ॥ ৮ ॥
দুর্বাসনাশতবৃতোঽপি ভবত্প্রয়ত্নঃ
পদ্যাষ্টকং পঠতি য়ঃ শিখরীশ তুভ্যম্ ।
কৃষ্ণাঙ্ঘ্রিপদ্যরস এব সদা সতৃষ্ণং
এতং জনং কুরু গুরুপ্রণয়ং দধানম্ ॥ ৯ ॥
ইতি মহামহোপাধ্যায়শ্রীবিশ্বনাথচক্রবর্তিবিরচিতং
শ্রীনন্দীশ্বরাষ্টকং সমাপ্তম্ ।
Nandiswara Ashtakam