॥ Sri Narasimha Mantra Raja Pada Stotram Kannada Lyrics ॥
॥ ಶ್ರೀ ನೃಸಿಂಹ ಮಂತ್ರರಾಜಪದ ಸ್ತೋತ್ರಂ ॥
ಪಾರ್ವತ್ಯುವಾಚ –
ಮನ್ತ್ರಾಣಾಂ ಪರಮಂ ಮನ್ತ್ರಂ ಗುಹ್ಯಾನಾಂ ಗುಹ್ಯಮೇವ ಚ ।
ಬ್ರೂಹಿ ಮೇ ನಾರಸಿಂಹಸ್ಯ ತತ್ತ್ವಂ ಮನ್ತ್ರಸ್ಯ ದುರ್ಲಭಮ್ ॥
ಶಂಕರ ಉವಾಚ –
ವೃತ್ತೋತ್ಫುಲ್ಲವಿಶಾಲಾಕ್ಷಂ ವಿಪಕ್ಷಕ್ಷಯದೀಕ್ಷಿತಂ ।
ನಿನಾದತ್ರಸ್ತವಿಶ್ವಾಣ್ಡಂ ವಿಷ್ಣುಮುಗ್ರಂ ನಮಾಮ್ಯಹಮ್ ॥ ೧ ॥
ಸರ್ವೈರವಧ್ಯತಾಂ ಪ್ರಾಪ್ತಂ ಸಬಲೌಘಂ ದಿತೇಸ್ಸುತಂ ।
ನಖಾಗ್ರೈಶ್ಶಕಲೀಚಕ್ರೇಯಸ್ತಂ ವೀರಂ ನಮಾಮ್ಯಹಮ್ ॥ ೨ ॥
ಪಾದಾವಷ್ಟಬ್ಧಪಾತಾಳಂ ಮೂರ್ಧಾಽಽವಿಷ್ಟತ್ರಿವಿಷ್ಟಪಂ ।
ಭುಜಪ್ರವಿಷ್ಟಾಷ್ಟದಿಶಂ ಮಹಾವಿಷ್ಣುಂ ನಮಾಮ್ಯಹಮ್ ॥ ೩ ॥
ಜ್ಯೋತೀಂಷ್ಯರ್ಕೇನ್ದುನಕ್ಷತ್ರಜ್ವಲನಾದೀನ್ಯನುಕ್ರಮಾತ್ ।
ಜ್ವಲನ್ತಿ ತೇಜಸಾ ಯಸ್ಯ ತಂ ಜ್ವಲನ್ತಂ ನಮಾಮ್ಯಹಮ್ ॥ ೪ ॥
ಸರ್ವೇನ್ದ್ರಿಯೈರಪಿ ವಿನಾ ಸರ್ವಂ ಸರ್ವತ್ರ ಸರ್ವದಾ ।
ಜಾನಾತಿ ಯೋ ನಮಾಮ್ಯಾದ್ಯಂ ತಮಹಂ ಸರ್ವತೋಮುಖಮ್ ॥ ೫ ॥
ನರವತ್ಸಿಂಹವಚ್ಚೈವ ರೂಪಂ ಯಸ್ಯ ಮಹಾತ್ಮನಃ ।
ಮಹಾಸಟಂ ಮಹಾದಂಷ್ಟ್ರಂ ತಂ ನೃಸಿಂಹಂ ನಮಾಮ್ಯಹಮ್ ॥ ೬ ॥
ಯನ್ನಾಮಸ್ಮರಣಾದ್ಭೀತಾ ಭೂತವೇತಾಳರಾಕ್ಷಸಾಃ ।
ರೋಗಾದ್ಯಾಶ್ಚ ಪ್ರಣಶ್ಯನ್ತಿ ಭೀಷಣಂ ತಂ ನಮಾಮ್ಯಹಮ್ ॥ ೭ ॥
ಸರ್ವೇಽಪಿ ಯಂ ಸಮಾಶ್ರಿತ್ಯ ಸಕಲಂ ಭದ್ರಮಶ್ನುತೇ ।
ಶ್ರಿಯಾ ಚ ಭದ್ರಯಾ ಜುಷ್ಟೋ ಯಸ್ತಂ ಭದ್ರಂ ನಮಾಮ್ಯಹಮ್ ॥ ೮ ॥
ಸಾಕ್ಷಾತ್ಸ್ವಕಾಲೇ ಸಮ್ಪ್ರಾಪ್ತಂ ಮೃತ್ಯುಂ ಶತ್ರುಗಣಾನಪಿ ।
ಭಕ್ತಾನಾಂ ನಾಶಯೇದ್ಯಸ್ತು ಮೃತ್ಯುಮೃತ್ಯುಂ ನಮಾಮ್ಯಹಮ್ ॥ ೯ ॥
ನಮಸ್ಕಾರಾತ್ಮಕಂ ಯಸ್ಮೈ ವಿಧಾಯಾತ್ಮನಿವೇದನಂ ।
ತ್ಯಕ್ತದುಃಖೋಽಖಿಲಾನ್ಕಾಮಾನಶ್ನುತೇ ತಂ ನಮಾಮ್ಯಹಮ್ ॥ ೧೦ ॥
ದಾಸಭೂತಾಸ್ಸ್ವತಸ್ಸರ್ವೇ ಹ್ಯಾತ್ಮಾನಃ ಪರಮಾತ್ಮನಃ ।
ಅತೋಽಹಮಪಿ ತೇ ದಾಸ ಇತಿ ಮತ್ವಾ ನಮಾಮ್ಯಹಮ್ ॥ ೧೧ ॥
ಶಂಕರೇಣಾದರಾತ್ಪ್ರೋಕ್ತಂ ಪದಾನಾಂ ತತ್ತ್ವಮುತ್ತಮಂ ।
ತ್ರಿಸನ್ಧ್ಯಂ ಯೋ ಜಪೇತ್ತಸ್ಯ ವಿದ್ಯಾಽಽಯುಶ್ಶ್ರೀಶ್ಚ ವರ್ಧತೇ ॥ ೧೨ ॥
ಇತಿ ಶ್ರೀ ಶಂಕರಕೃತ ಶ್ರೀನೃಸಿಂಹಮಂತ್ರರಾಜಪದಸ್ತೋತ್ರಮ್ ।
– Chant Stotra in Other Languages –
Sri Narasimha Mantra Raja Pada Stotram in English – Sanskrit – Kannada – Telugu – Tamil