॥ Sri Narasimha Stotram 3 Sanskrit Lyrics ॥
॥ श्री नृसिंह स्तोत्रम् – ३ ॥
श्रीरमाकुचाग्रभासिकुङ्कुमाङ्कितोरसं
तापनाङ्घ्रिसारसं सदादयासुधारसम् ।
कुन्दशुभ्रशारदारविन्दचन्द्रसुन्दरं
सिंहशैलमन्दिरं नृसिंहदेवमाश्रये ॥ १ ॥
पापपाशमोचनं विरोचनेन्दुलोचनं
फाललोचनादिदेवसन्नुतं महोन्नतम् ।
शेषतल्पशायिनं मनोरथप्रदायिनं
सिंहशैलमन्दिरं नृसिंहदेवमाश्रये ॥ २ ॥
सञ्चरस्सटाजटाभिरुन्नमेखमण्डलं
भैरवारवाटहासवेरिदामिह्रोदरम् ।
दीनलोकसाररं धराभरं जटाधरं
सिंहशैलमन्दिरं नृसिंहदेवमाश्रये ॥ ३ ॥
शाकिनीपिशाचिघोरढाकिनीभयङ्करं
ब्रह्मराक्षसव्यथाक्षयङ्करं शिवङ्करम् ।
देवतासुहृत्तमं दिवाकरं सुधाकरं
सिंहशैलमन्दिरं नृसिंहदेवमाश्रये ॥ ४ ॥
मत्स्य कूर्म क्रोड नारसिंह वामनाकृतिं
भार्गवं रघूद्वहं प्रलम्भगर्पुरापहम् ।
बुद्धकल्किविग्रहं जगद्विरोधिनिग्रहं
सिंहशैलमन्दिरं नृसिंहदेवमाश्रये ॥ ५ ॥
धारुणी वधूमणी गृहीतपादपल्लवं
नन्दगोष्ट्रवल्लवीसतीमनोज्ञवल्लभम् ।
मायिनां विशारदं भवाम्भुराशिपारदं
सिंहशैलमन्दिरं नृसिंहदेवमाश्रये ॥ ६ ॥
मोहतापहारिणं गदारथाङ्गधारिणं
श्रीमनोविहारिणं विदेहजोर्निवारिणम् ।
दानवेन्द्रवैरिणं तपोधनेष्टकारिणं
सिंहशैलमन्दिरं नृसिंहदेवमाश्रये ॥ ७ ॥
रामसत्कविप्रणीतवेददम्ष्ट्रकाशिवं
देवसारसङ्ग्रहं महोग्रपातकान्तकम् ।
जल्पितां निरन्तरं समस्तकामपूरकं
सिंहशैलमन्दिरं नृसिंहदेवमाश्रये ॥ ८ ॥
[** ज्वालाहोबिलमालोलः क्रोडहाकारङ्कभार्गवं
योगानन्दः छत्रवटः पातु मां नवमूर्तये ॥ **]
इति श्री नृसिंह स्तोत्रम् ॥
– Chant Stotra in Other Languages –
Sri Narasimha Stotram 3 in English – Hindi – Kannada – Telugu – Tamil