॥ Sri Narasimhabharatipadashtakam Kannada Lyrics ॥
॥ ಶ್ರೀನರಸಿಂಹಭಾರತೀಪಾದಾಷ್ಟಕಮ್ ॥
ಶ್ರೀಕೀರ್ತಿಪ್ರತಿಭಾನಾಂ ಭವನಂ ಭವಿತಾ ಯದೀಯಪದನತ್ಯಾ
ತಾನ್ದಾಸೀಕೃತಭೂಪಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 1 ॥
ಚಿತ್ರಂ ಯನ್ಮುಖಚನ್ದ್ರಾಲೋಕಾದ್ವಿಕಸನ್ತಿ ಚಿತ್ತಪದ್ಮಾನಿ ।
ಶಿಷ್ಯಾಣಾಮನಿಶಂ ತಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 2 ॥
ಸರಸಾನ್ಕವಿತಾಸಾರಾನ್ವರ್ಷತ್ಯಾಸ್ಯೇಷು ನಮ್ರಜನತಾಯಾಃ ।
ಯದಪಾಂಗವಾರಿದಸ್ತಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 3 ॥
ಏನಃಪರ್ವತಭೇದೇ ಶತಕೋಟಿಧುರಂ ದಧಾತಿ ಯದ್ಭಕ್ತಿಃ ।
ಪಾಪಾಬ್ಧಿಬಾಡವಾಂಸ್ತಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 4 ॥
ಯದ್ವಾಕ್ಶ್ರುತಿರ್ನರಾಣಾಂ ಭವಸಾಗರತಾರಣೇ ನೌಕಾ ।
ಶೀಲಿತನಿಗಮಾನ್ತಾಂಸ್ತಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 5 ॥
ತ್ರಾಸಿತಕಾಮಗಜೇನ್ದ್ರಾನ್ಸ್ವವಚಶ್ಚಾತುರ್ಯತೋಷಿತಾರ್ಯಜನಾನ್ ।
ಕ್ರೋಧಾಹಿವೈನತೇಯಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 6 ॥
ವಿತರಣಧಿಕ್ಕೃತಕರ್ಣಾನ್ಕ್ಷಮಯಾ ನಿರ್ಧೂತಮೇದಿನೀಗರ್ವಾನ್ ।
ವಿರತಿವಿಧೂತಾರ್ಯಶುಕಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 7 ॥
ಯತ್ಪಾದಾಮ್ಬುಜಭಕ್ತಿಸ್ತತ್ತ್ವಪ್ರಾಸಾದಗಮನನಿಃಶ್ರೇಣೀ ।
ತಾನ್ನತಸುಖಾಬ್ಧಿಚನ್ದ್ರಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 8 ॥
ಭೂಷಿತವಿಭಾಂಡಕಾತ್ಮಜಜನಿಭೂಮೀನ್ಕೀರ್ತಿರಾಜಿತದಿಗನ್ತಾನ್ ।
ವಿಶ್ವೋತ್ತಂಸಿತಪಾದಾನ್ವನ್ದೇ ನರಸಿಂಹಭಾರತೀಪಾದಾನ್ ॥ 9 ॥
ಸ್ತುತಿಮೇನಾಂ ಗುರುಕೃಪಯಾ ರಚಿತಾಮವನಾವಹರ್ನಿಶಂ ಪಠತಾಮ್ ।
ಕರುಣಾನೀರಧಯಃ ಸ್ಯುರ್ಹೃಷ್ಟಾ ನರಸಿಂಹಭಾರತೀಪಾದಾಃ ॥ 10 ॥
ಇತಿ ಶೃಂಗೇರಿ ಶ್ರೀಜಗದ್ಗುರು ಶ್ರೀಸಚ್ಚಿದಾನನ್ದಶಿವಾಭಿನವನೃಸಿಂಹ-
ಭಾರತೀಸ್ವಾಮಿಭಿಃ ವಿರಚಿತಂ ಶ್ರೀನರಸಿಂಹಭಾರತೀಪಾದಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Narasimhabharatipadashtakam Lyrics in Sanskrit » English » Bengali » Gujarati » Malayalam » Odia » Telugu » Tamil