॥ Sri Narasimhabharatipadashtakam Telugu Lyrics ॥
॥ శ్రీనరసింహభారతీపాదాష్టకమ్ ॥
శ్రీకీర్తిప్రతిభానాం భవనం భవితా యదీయపదనత్యా
తాన్దాసీకృతభూపాన్వన్దే నరసింహభారతీపాదాన్ ॥ ౧ ॥
చిత్రం యన్ముఖచన్ద్రాలోకాద్వికసన్తి చిత్తపద్మాని ।
శిష్యాణామనిశం తాన్వన్దే నరసింహభారతీపాదాన్ ॥ ౨ ॥
సరసాన్కవితాసారాన్వర్షత్యాస్యేషు నమ్రజనతాయాః ।
యదపాఙ్గవారిదస్తాన్వన్దే నరసింహభారతీపాదాన్ ॥ ౩ ॥
ఏనఃపర్వతభేదే శతకోటిధురం దధాతి యద్భక్తిః ।
పాపాబ్ధిబాడవాంస్తాన్వన్దే నరసింహభారతీపాదాన్ ॥ ౪ ॥
యద్వాక్శ్రుతిర్నరాణాం భవసాగరతారణే నౌకా ।
శీలితనిగమాన్తాంస్తాన్వన్దే నరసింహభారతీపాదాన్ ॥ ౫ ॥
త్రాసితకామగజేన్ద్రాన్స్వవచశ్చాతుర్యతోషితార్యజనాన్ ।
క్రోధాహివైనతేయాన్వన్దే నరసింహభారతీపాదాన్ ॥ ౬ ॥
వితరణధిక్కృతకర్ణాన్క్షమయా నిర్ధూతమేదినీగర్వాన్ ।
విరతివిధూతార్యశుకాన్వన్దే నరసింహభారతీపాదాన్ ॥ ౭ ॥
యత్పాదామ్బుజభక్తిస్తత్త్వప్రాసాదగమననిఃశ్రేణీ ।
తాన్నతసుఖాబ్ధిచన్ద్రాన్వన్దే నరసింహభారతీపాదాన్ ॥ ౮ ॥
భూషితవిభాణ్డకాత్మజజనిభూమీన్కీర్తిరాజితదిగన్తాన్ ।
విశ్వోత్తంసితపాదాన్వన్దే నరసింహభారతీపాదాన్ ॥ ౯ ॥
స్తుతిమేనాం గురుకృపయా రచితామవనావహర్నిశం పఠతామ్ ।
కరుణానీరధయః స్యుర్హృష్టా నరసింహభారతీపాదాః ॥ ౧౦ ॥
ఇతి శృఙ్గేరి శ్రీజగద్గురు శ్రీసచ్చిదానన్దశివాభినవనృసింహ-
భారతీస్వామిభిః విరచితం శ్రీనరసింహభారతీపాదాష్టకం సమ్పూర్ణమ్ ।
– Chant Stotra in Other Languages –
Sri Narasimhabharatipadashtakam Lyrics in Sanskrit » English » Bengali » Gujarati » Kannada » Malayalam » Odia » Tamil