॥ Sri Narottama Ashtakam Bengali Lyrics ॥
॥ শ্রীনরোত্তমাষ্টকম্ ॥
শ্রীকৃষ্ণনামামৃতবর্ষিবক্ত্র
চন্দ্রপ্রভাধ্বস্ততমোভরায় ।
গৌরাঙ্গদেবানুচরায় তস্মৈ
নমো নমঃ শ্রীলনরোত্তমায় ॥ ১ ॥
সঙ্কীর্তনানন্দজমন্দহাস্য
দন্তদ্যুতিদ্যোতিতদিঙ্মুখায় ।
স্বেদাশ্রুধারাস্নপিতায় তস্মৈ
নমো নমঃ শ্রীলনরোত্তমায় ॥ ২ ॥
মৃদঙ্গনাদশ্রুতিমাত্রচঞ্চত্
পদাম্বুজামন্দমনোহরায় ।
সদ্যঃ সমুদ্যত্পুলকায় তস্মৈ
নমো নমঃ শ্রীলনরোত্তমায় ॥ ৩ ॥
গন্ধর্বগর্বক্ষপণস্বলাস্য
বিস্মাপিতাশেষকৃতিব্রজায় ।
স্বসৃষ্টগানপ্রথিতায় তস্মৈ
নমো নমঃ শ্রীলনরোত্তমায় ॥ ৪ ॥
আনন্দমূর্চ্ছাবনিপাতভাত
ধূলীভরালঙ্কৃতবিগ্রহায় ।
য়দ্দর্শনং ভাগ্যভরেণ তস্মৈ
নমো নমঃ শ্রীলনরোত্তমায় ॥ ৫ ॥
স্থলে স্থলে য়স্য কৃপাপ্রপাভিঃ
কৃষ্ণান্যতৃষ্ণা জনসংহতীনাম্ ।
নির্মূলিতা এব ভবন্তি তস্মৈ
নমো নমঃ শ্রীলনরোত্তমায় ॥ ৬ ॥
য়দ্ভক্তিনিষ্ঠা পলরেখিকেব
স্পর্শঃ পুনঃ স্পর্শমণীব য়স্য ।
প্রামাণ্যমেবং শ্রুতিবদ্যদীয়ং
তস্মৈ নমঃ শ্রীলনরোত্তমায় ॥ ৭ ॥
মূর্তৈব ভক্তিঃ কিময়ং কিমেষ
বৈরাগ্যসারস্তনুমান্ নৃলোকে ।
সম্ভাব্যতে য়ঃ কৃতিভিঃ সদৈব
তস্মৈ নমঃ শ্রীলনরোত্তমায় ॥ ৮ ॥
রাজন্মৃদঙ্গকরতালকলাভিরামং
গৌরাঙ্গগানমধুপানভরাভিরামম্ ।
শ্রীমন্নরোত্তমপদাম্বুজমঞ্জুনৃত্যং
ভৃত্যং কৃতার্থয়তু মাং ফলিতেষ্টকৃত্যম্ ॥ ৯ ॥
ইতি শ্রীমদ্বিশ্বনাথচক্রবর্তিবিরচিতং শ্রীনরোত্তমাষ্টকং সম্পূর্ণম্ ।
– Chant Stotra in Other Languages –
Sri Narottama Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil