॥ Sri Nrisimha Ashtakam 3 Telugu Lyrics ॥
॥ శ్రీనృసింహాష్టకమ్ ౩ ॥
ధ్యాయామి నారసింహాఖ్యం బ్రహ్మవేదాన్తగోచరమ్ ।
భవాబ్ధితరణోపాయం శఙ్ఖచక్రధరం పదమ్ ॥
నీలాం రమాం చ పరిభూయ కృపారసేన
స్తమ్భం స్వశక్తిమనఘాం వినిధాయ దేవీమ్ ।
ప్రహ్లాదరక్షణవిధాయవతీ కృపా తే
శ్రీనారసింహ పరిపాలయ మాం చ భక్తమ్ ॥ ౧ ॥
ఇన్ద్రాదిదేవనికరస్య కిరీటకోటి
ప్రత్యుప్తరత్నప్రతిబిమ్బితపాదపద్మ ।
కల్పాన్తకాలఘనగర్జనతుల్యనాద
శ్రీనారసింహ పరిపాలయ మాం చ భక్తమ్ ॥ ౨ ॥
ప్రహ్లాద ఈడ్య ప్రలయార్కసమానవక్త్ర
హుఙ్కారనిర్జితనిశాచరవృన్దనాథ ।
శ్రీనారదాదిమునిసఙ్ఘసుగీయమాన
శ్రీనారసింహ పరిపాలయ మాం చ భక్తమ్ ॥ ౩ ॥
రాత్రిఞ్చరాద్రిజఠరాత్పరిస్రంస్యమానం
రక్తం నిపీయ పరికల్పితసాన్త్రమాల ।
విద్రావితాఖిలాసురోగ్రనృసింహరూప
శ్రీనారసింహ పరిపాలయ మాం చ భక్తమ్ ॥ ౪ ॥
యోగీన్ద్ర యోగపరీరక్షక దేవదేవ
దీనార్తిహరి విభవాగమగీయమాన ।
మాం వీక్ష్య దీనమశరణ్యమగణ్యశీల
శ్రీనారసింహ పరిపాలయ మాం చ భక్తమ్ ॥ ౫ ॥
ప్రహ్లాదశోకవినివారణ భద్రసింహ
నక్తఞ్చరేన్ద్ర మదఖణ్డన వీరసింహ ।
ఇన్ద్రాదిదేవజనసన్నుతపాదపద్మ
శ్రీనారసింహ పరిపాలయ మాం చ భక్తమ్ ॥ ౬ ॥
తాపత్రయాబ్ధిపరిశోషణబాడవాగ్నే
తారాధిపప్రతినిభానన దానవారే ।
శ్రీరాజరాజవరదాఖిలలోకనాథ
శ్రీనారసింహ పరిపాలయ మాం చ భక్తమ్ ॥ ౭ ॥
జ్ఞానేన కేచిదవలమ్బ్య పదాంబుజం తే
కేచిత్సుకర్మనికరేణ పరే చ భక్త్యా ।
ముక్తిం గతాః ఖలు జనా కృపయా మురారే
శ్రీనారసింహ పరిపాలయ మాం చ భక్తమ్ ॥ ౮ ॥
నమస్తే నారసింహాయ నమస్తే మధువైరిణే ।
నమస్తే పద్మనేత్రాయ నమస్తే దుఃఖహారిణే ॥
ఇతి శ్రీనృసింహాష్టకం సమ్పూర్ణమ్ ।
– Chant Stotra in Other Languages –
Sri Vishnu Slokam » Sri Nrisimha Ashtakam 3 Lyrics in Sanskrit » English » Bengali » Gujarati » Kannada » Malayalam » Odia » Tamil