॥ Sri Nrisimha Ashtakam Odia Lyrics ॥
॥ ଶ୍ରୀନୃସିଂହାଷ୍ଟକମ୍ ॥
ଶ୍ରୀମଦକଲଙ୍କ ପରିପୂର୍ଣ! ଶଶିକୋଟି-
ଶ୍ରୀଧର! ମନୋହର! ସଟାପଟଲ କାନ୍ତ! ।
ପାଲୟ କୃପାଲୟ! ଭଵାମ୍ବୁଧି-ନିମଗ୍ନଂ
ଦୈତ୍ୟଵରକାଲ! ନରସିଂହ! ନରସିଂହ! ॥ ୧ ॥
ପାଦକମଲାଵନତ ପାତକି-ଜନାନାଂ
ପାତକଦଵାନଲ! ପତତ୍ରିଵର-କେତୋ! ।
ଭାଵନ! ପରାୟଣ! ଭଵାର୍ତିହରୟା ମାଂ
ପାହି କୃପୟୈଵ ନରସିଂହ! ନରସିଂହ! ॥ ୨ ॥
ତୁଙ୍ଗନଖ-ପଙ୍କ୍ତି-ଦଲିତାସୁର-ଵରାସୃକ୍
ପଙ୍କ-ନଵକୁଙ୍କୁମ-ଵିପଙ୍କିଲ-ମହୋରଃ ।
ପଣ୍ଡିତନିଧାନ-କମଲାଲୟ ନମସ୍ତେ
ପଙ୍କଜନିଷଣ୍ଣ! ନରସିଂହ! ନରସିଂହ! ॥ ୩ ॥
ମୌଲେଷୁ ଵିଭୂଷଣମିଵାମର ଵରାଣାଂ
ୟୋଗିହୃଦୟେଷୁ ଚ ଶିରସ୍ସୁ ନିଗମାନାମ୍ ।
ରାଜଦରଵିନ୍ଦ-ରୁଚିରଂ ପଦୟୁଗଂ ତେ
ଦେହି ମମ ମୂର୍ଧ୍ନି ନରସିଂହ! ନରସିଂହ! ॥ ୪ ॥
ଵାରିଜଵିଲୋଚନ! ମଦନ୍ତିମ-ଦଶାୟାଂ
କ୍ଲେଶ-ଵିଵଶୀକୃତ-ସମସ୍ତ-କରଣାୟାମ୍ ।
ଏହି ରମୟା ସହ ଶରଣ୍ୟ! ଵିହଗାନାଂ
ନାଥମଧିରୁହ୍ୟ ନରସିଂହ! ନରସିଂହ! ॥ ୫ ॥
ହାଟକ-କିରୀଟ-ଵରହାର-ଵନମାଲା
ଧାରରଶନା-ମକରକୁଣ୍ଡଲ-ମଣୀନ୍ଦ୍ରୈଃ ।
ଭୂଷିତମଶେଷ-ନିଲୟଂ ତଵ ଵପୁର୍ମେ
ଚେତସି ଚକାସ୍ତୁ ନରସିଂହ! ନରସିଂହ! ॥ ୬ ॥
ଇନ୍ଦୁ ରଵି ପାଵକ ଵିଲୋଚନ! ରମାୟାଃ
ମନ୍ଦିର! ମହାଭୁଜ!-ଲସଦ୍ଵର-ରଥାଙ୍ଗ! ।
ସୁନ୍ଦର! ଚିରାୟ ରମତାଂ ତ୍ଵୟି ମନୋ ମେ
ନନ୍ଦିତ ସୁରେଶ! ନରସିଂହ! ନରସିଂହ! ॥ ୭ ॥
ମାଧଵ! ମୁକୁନ୍ଦ! ମଧୁସୂଦନ! ମୁରାରେ!
ଵାମନ! ନୃସିଂହ! ଶରଣଂ ଭଵ ନତାନାମ୍ ।
କାମଦ ଘୃଣିନ୍ ନିଖିଲକାରଣ ନୟେୟଂ
କାଲମମରେଶ ନରସିଂହ! ନରସିଂହ! ॥ ୮ ॥
ଅଷ୍ଟକମିଦଂ ସକଲ-ପାତକ-ଭୟଘ୍ନଂ
କାମଦଂ ଅଶେଷ-ଦୁରିତାମୟ-ରିପୁଘ୍ନମ୍ ।
ୟଃ ପଠତି ସନ୍ତତମଶେଷ-ନିଲୟଂ ତେ
ଗଚ୍ଛତି ପଦଂ ସ ନରସିଂହ! ନରସିଂହ! ॥ ୯ ॥
॥ ଇତି ଶ୍ରୀନୃସିଂହାଷ୍ଟକମ୍ ॥
– Chant Stotra in Other Languages –
Sri Vishnu Slokam » Sri Nrisimha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil