॥ Sri Paduka Ashtakam Telugu Lyrics ॥
॥ శ్రీపాదుకాష్టకమ్ ॥
గోకులేశపాదపద్మమణ్డనైకమణ్డితే
సురేశశేషసర్వదేశవాసివృన్దవన్దితే ।
అనన్యభక్తవాఞ్ఛితాఖిలార్థసిద్ధిసాధికే
నమో నమోఽస్తు వాం సదైవ గోకులేశపాదుకే ॥ ౧ ॥
మహార్హరత్ననిర్మితే సుహేమపీతసంస్థితే
స్వసేవకైకసేవితే సుపుష్పవాసవాసితే ।
స్వరూపబుద్ధిహీనజీవసత్స్వరూపబోధికే
నమో నమోఽస్తు వాం సదైవ గోకులేశపాదుకే ॥ ౨ ॥
స్వసేవనైకచేతసామనన్యభక్తిదాయికే
కృపాసుఘైకసిక్తభక్తకామమోహనాశికే ।
మహాన్ధకారలీనజీవహృత్ప్రకాశచన్ద్రికే
నమో నమోఽస్తు వాం సదైవ గోకులేశపాదుకే ॥ ౩ ॥
నిజాశ్రయస్థితాఖిలాపదాం సదా విదారకే
హ్యనేకతాపతప్తజీవగాఙ్గవారివీచికే ।
సమాగతస్య సన్నిధౌ దురన్తమోహభఞ్జికే
నమో నమోఽస్తు వాం సదైవ గోకులేశపాదుకే ॥ ౪ ॥
సదుఃఖదావవహ్నిదగ్ధముగ్ధజీవసౌఖ్యదే
చణ్డకాలవ్యాలగ్రస్తత్రస్తవిశ్వమోక్షిచేకే ।
స్వభక్తశుద్ధమానసే విరాజమానహంసికే
నమో నమోఽస్తు వాం సదైవ గోకులేశపాదుకే ॥ ౫ ॥
సుపాదుకేతికీర్తనాద్భవాబ్ధితోఽపి తారికే
స్వసేవనాత్సదా నృణాం సుఖైకవృద్ధికారికే ।
మహేన్ద్రచన్ద్రబ్రహ్మభానుమౌలిహేమమాలికే
నమో నమోఽస్తు వాం సదైవ గోకులేశపాదుకే ॥ ౬ ॥
మహర్షిదేవసిద్ధవృన్దచామరప్రవీజితే
చతుర్దిగన్తవారిధౌ నిజప్రతాపగర్జితే ।
భవాబ్ధిమగ్నజీవజాతశోకమోహహారికే
నమో నమోఽస్తు వాం సదైవ గోకులేశపాదుకే ॥ ౭ ॥
యథోద్ధవాయ భక్తిభావభావితాయ చార్పితే
తథైవ గోకులేశ్వరేణ సేవకాయ చార్పితే ।
నిరస్య మాయికం వచః స్వపుష్టిమార్గదర్శికే
నమో నమోఽస్తు వాం సదైవ గోకులేశపాదుకే ॥ ౮ ॥
యే పాదుకాష్టకమిదం నియతం పతన్తి
విప్రోద్ధవేన రచితం మహతాం ప్రసాదాత్ ।
తే యాన్తి గోకులపతేశ్చరణారవిన్దం
సాన్నిధ్యముక్తిగతిమత్ర చ తత్ప్రసాదాత్ ॥ ౯ ॥
ఇతి ఉద్ధవరచితం శ్రీపాదుకాష్టకం సమ్పూర్ణమ్ ।
– Chant Stotra in Other Languages –
Paduka Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil