॥ Sri Panchamukha Anjaneya Kavacham Gujarati Lyrics ॥
પંચમુખહનુમત્કવચમ્
॥ શ્રીગણેશાય નમઃ ॥
॥ શ્રીઉમામહેશ્વરાભ્યાં નમઃ ॥
॥ શ્રીસીતારામચન્દ્રાભ્યાં નમઃ ॥
॥ શ્રીપઞ્ચવદનાયાઞ્જનેયાય નમઃ ॥
અથ શ્રીપઞ્ચમુખીહનુમત્કવચપ્રારમ્ભઃ ॥
શ્રીપાર્વત્યુવાચ ।
સદાશિવ વરસ્વામિઞ્જ્ઞાનદ પ્રિયકારકઃ ।
કવચાદિ મયા સર્વં દેવાનાં સંશ્રુતં પ્રિય ॥ ૧ ॥
ઇદાનીં શ્રોતુમિચ્છામિ કવચં કરુણાનિધે ।
વાયુસૂનોર્વરં યેન નાન્યદન્વેષિતં ભવેત્ ।
સાધકાનાં ચ સર્વસ્વં હનુમત્પ્રીતિ વર્દ્ધનમ્ ॥ ૨ ॥
શ્રીશિવ ઉવાચ ।
દેવેશિ દીર્ઘનયને દીક્ષાદીપ્તકલેવરે ।
માં પૃચ્છસિ વરારોહે ન કસ્યાપિ મયોદિતમ્ ॥ ૩ ॥
કથં વાચ્યં હનુમતઃ કવચં કલ્પપાદપમ્ ।
સ્રીરૂપા ત્વમિદં નાનાકુટમણ્ડિતવિગ્રહમ્ ॥ ૪ ॥
ગહ્વરં ગુરુગમ્યં ચ યત્ર કુત્ર વદિષ્યસિ ।
તેન પ્રત્યુત પાપાનિ જાયન્તે ગજગામિનિ ॥ ૫ ॥
અતએવ મહેશાનિ નો વાચ્યં કવચં પ્રિયે ॥ ૬ ॥
શ્રીપાર્વત્યુવાચ ।
વદાન્યસ્ય વચોનેદં નાદેયં જગતીતલે ।
સ્વં વદાન્યાવધિઃ પ્રાણનાથો મે પ્રિયકૃત્સદા ॥ ૭ ॥
મહ્યં ચ કિં ન દત્તં તે તદિદાનીં વદામ્યહમ ।
ગણપં શાક્ત સૌરે ચ શૈવં વૈષ્ણવમુત્તમમ્ ॥ ૮ ॥
મન્ત્રયન્ત્રાદિજાલં હિ મહ્યં સામાન્યતસ્ત્વયા ।
દત્તં વિશેષતો યદ્યત્તત્સર્વં કથયામિ તે ॥ ૯ ॥
શ્રીરામ તારકો મન્ત્રઃ કોદણ્ડસ્યાપિ મે પ્રિયઃ ।
નૃહરેઃ સામરાજો હિ કાલિકાદ્યાઃ પ્રિયંવદ ॥ ૧૦ ॥
દશાવિદ્યાવિશેષેણ ષોડશીમન્ત્રનાયિકાઃ ।
દક્ષિણામૂર્તિસંજ્ઞોઽન્યો મન્ત્રરાજો ધરાપતે ॥ ૧૧ ॥
સહસ્રાર્જુનકસ્યાપિ મન્ત્રા યેઽન્યે હનૂમતઃ ।
યે તે હ્યદેયા દેવેશ તેઽપિ મહ્યં સમર્પિતાઃ ॥ ૧૨ ॥
કિં બહૂક્તેન ગિરિશ પ્રેમયાન્ત્રિતચેતસા ।
અર્ધાઙ્ગમપિ મહ્યં તે દત્તં કિં તે વદામ્યહમ્ ।
સ્ત્રીરૂપં મમ જીવેશ પૂર્વં તુ ન વિચારિતમ્ ॥ ૧૩ ॥
શ્રીશિવ ઉવાચ ।
સત્યં સત્યં વરારોહે સર્વં દત્તં મયા તવ ।
પરં તુ ગિરિજે તુભ્યં કથ્યતે શ્રુણુ સામ્પ્રતમ્ ॥ ૧૪ ॥
કલૌ પાખણ્ડબહુલા નાનાવેષધરા નરાઃ ।
જ્ઞાનહીના લુબ્ધકાશ્ચ વર્ણાશ્રમબહિષ્કૃતાઃ ॥ ૧૫ ॥
વૈષ્ણવત્વેન વિખ્યાતાઃ શૈવત્વેન વરાનન ।
શાક્તત્વેન ચ દેવેશિ સૌરત્વેનેતરે જનાઃ ॥ ૧૬ ॥
ગાણપત્વેન ગિરિજે શાસ્ત્રજ્ઞાનબહિષ્કૃતાઃ ।
ગુરુત્વેન સમાખ્યાતા વિચરિષ્યન્તિ ભૂતલે ॥ ૧૭ ॥
તે શિષ્યસઙ્ગ્રહં કર્તુમુદ્યુક્તા યત્ર કુત્રાચિત્ ।
મન્ત્રાદ્યુચ્ચારણે તેષાં નાસ્તિ સામર્થ્યમમ્બિકે ॥ ૧૮ ॥
તચ્છિષ્યાણાં ચ ગિરિજે તથાપિ જગતીતલે ।
પઠન્તિ પાઠયિષ્યતિ વિપ્રદ્વેષપરાઃ સદા ॥ ૧૯ ॥
દ્વિજદ્વેષપરાણાં હિ નરકે પતનં ધુવમ્ ।
પ્રકૃતં વચ્મિ ગિરિજે યન્મયા પૂર્વમીરિતમ્ ॥ ૨૦ ॥
નાનારૂપમિદં નાનાકૂટમણ્ડિતવિગ્રહમ્ ।
તત્રોત્તરં મહેશાને શૃણુ યત્નેન સામ્પ્રતમ્ ॥ ૨૧ ॥
તુભ્યં મયા યદા દેવિ વક્તવ્યં કવચં શુભમ્ ।
નાનાકૂટમયં પશ્ચાત્ત્વયાઽપિ પ્રેમતઃ પ્રિયમ્ ॥ ૨૨ ॥
વક્તવ્યં કત્રચિત્તત્તુ ભુવને વિચરિષ્યતિ ।
વિશ્વાન્તઃપાતિનાં ભદ્રે યદિ પુણ્યવતાં સતામ્ ॥ ૨૩ ॥
સત્સમ્પ્રદાયશુદ્ધાનાં દીક્ષામન્ત્રવતાં પ્રિયે ।
બ્રાહ્મણાઃ ક્ષત્રિયા વૈશ્યા વિશેષેણ વરાનને ॥ ૨૪ ॥
ઉચારણે સમર્થાનાં શાસ્ત્રનિષ્ઠાવતાં સદા ।
હસ્તાગતં ભવેદ્ભદ્રે તદા તે પુણ્યમુત્તમમ્ ॥ ૨૫ ॥
અન્યથા શૂદ્રજાતીનાં પૂર્વોક્તાનાં મહેશ્વરિ ।
મુખશુદ્ધિવિહીનાનાં દામ્ભિકાનાં સુરેશ્વરિ ॥ ૨૬ ॥
યદા હસ્તગતં તત્સ્યાત્તદા પાપં મહત્તવ ।
તસ્માદ્વિચાર્યદેવેશિ હ્યધિકારિણમમ્બિકે ॥ ૨૭ ॥
વક્તવ્યં નાત્ર સન્દેહો હ્યન્યથા નિરયં વ્રજેત્ ।
કિં કર્તવ્યં મયા તુભ્યમુચ્યતે પ્રેમતઃ પ્રિયે ।
ત્વયાપીદં વિશેષેણ ગેપનીયં સ્વયોનિવત્ ॥ ૨૮ ॥
ૐ શ્રી પઞ્ચવદનાયાઞ્જનેયાય નમઃ । ૐ અસ્ય શ્રી
પઞ્ચમુખહનુમન્મન્ત્રસ્ય બ્રહ્મા ઋષિઃ ।
ગાયત્રીછન્દઃ । પઞ્ચમુખવિરાટ્ હનુમાન્દેવતા । હ્રીં બીજમ્ ।
શ્રીં શક્તિઃ । ક્રૌં કીલકમ્ । ક્રૂં કવચમ્ । ક્રૈં અસ્ત્રાય ફટ્ ।
ઇતિ દિગ્બન્ધઃ । શ્રી ગરુડ ઉવાચ ।
અથ ધ્યાનં પ્રવક્ષ્યામિ શૃણુસર્વાઙ્ગસુન્દરિ ।
યત્કૃતં દેવદેવેન ધ્યાનં હનુમતઃ પ્રિયમ્ ॥ ૧ ॥
પઞ્ચવક્ત્રં મહાભીમં ત્રિપઞ્ચનયનૈર્યુતમ્ ।
બાહુભિર્દશભિર્યુક્તં સર્વકામાર્થસિદ્ધિદમ્ ॥ ૨ ॥
પૂર્વં તુ વાનરં વક્ત્રં કોટિસૂર્યસમપ્રભમ્ ।
દન્ષ્ટ્રાકરાલવદનં ભૃકુટીકુટિલેક્ષણમ્ ॥ ૩ ॥
અસ્યૈવ દક્ષિણં વક્ત્રં નારસિંહં મહાદ્ભુતમ્ ।
અત્યુગ્રતેજોવપુષં ભીષણં ભયનાશનમ્ ॥ ૪ ॥
પશ્ચિમં ગારુડં વક્ત્રં વક્રતુણ્ડં મહાબલમ્ ॥
સર્વનાગપ્રશમનં વિષભૂતાદિકૃન્તનમ્ ॥ ૫ ॥
ઉત્તરં સૌકરં વક્ત્રં કૃષ્ણં દીપ્તં નભોપમમ્ ।
પાતાલસિંહવેતાલજ્વરરોગાદિકૃન્તનમ્ ॥ ૬ ॥
ઊર્ધ્વં હયાનનં ઘોરં દાનવાન્તકરં પરમ્ ।
યેન વક્ત્રેણ વિપ્રેન્દ્ર તારકાખ્યં મહાસુરમ્ ॥ ૭ ॥
જઘાન શરણં તત્સ્યાત્સર્વશત્રુહરં પરમ્ ।
ધ્યાત્વા પઞ્ચમુખં રુદ્રં હનુમન્તં દયાનિધિમ્ ॥ ૮ ॥
ખડ્ગં ત્રિશૂલં ખટ્વાઙ્ગં પાશમઙ્કુશપર્વતમ્ ।
મુષ્ટિં કૌમોદકીં વૃક્ષં ધારયન્તં કમણ્ડલુમ્ ॥ ૯ ॥
ભિન્દિપાલં જ્ઞાનમુદ્રાં દશભિર્મુનિપુઙ્ગવમ્ ।
એતાન્યાયુધજાલાનિ ધારયન્તં ભજામ્યહમ્ ॥ ૧૦ ॥
પ્રેતાસનોપવિષ્ટં તં સર્વાભરણભૂષિતમ્ ।
દિવ્યમાલ્યામ્બરધરં દિવ્યગન્ધાનુલેપનમ્ ॥ ૧૧ ॥
સર્વાશ્ચર્યમયં દેવં હનુમદ્વિશ્વતોમુખમ્ ।
પઞ્ચાસ્યમચ્યુતમનેકવિચિત્રવર્ણવક્ત્રં
શશાઙ્કશિખરં કપિરાજવર્યમ ।
પીતામ્બરાદિમુકુટૈરૂપશોભિતાઙ્ગં
પિઙ્ગાક્ષમાદ્યમનિશં મનસા સ્મરામિ ॥ ૧૨ ॥
મર્કટેશં મહોત્સાહં સર્વશત્રુહરં પરમ્ ।
શત્રુ સંહર માં રક્ષ શ્રીમન્નાપદમુદ્ધર ॥ ૧૩ ॥
ૐ હરિમર્કટ મર્કટ મન્ત્રમિદં
પરિલિખ્યતિ લિખ્યતિ વામતલે ।
યદિ નશ્યતિ નશ્યતિ શત્રુકુલં
યદિ મુઞ્ચતિ મુઞ્ચતિ વામલતા ॥ ૧૪ ॥
ૐ હરિમર્કટાય સ્વાહા ।
ૐ નમો ભગવતે પઞ્ચવદનાય પૂર્વકપિમુખાય
સકલશત્રુસંહારકાય સ્વાહા ।
ૐ નમો ભગવતે પઞ્ચવદનાય દક્ષિણમુખાય કરાલવદનાય
નરસિંહાય સકલભૂતપ્રમથનાય સ્વાહા ।
ૐ નમો ભગવતે પઞ્ચવદનાય પશ્ચિમમુખાય ગરુડાનનાય
સકલવિષહરાય સ્વાહા ।
ૐ નમો ભગવતે પઞ્ચવદનાયોત્તરમુખાયાદિવરાહાય
સકલસમ્પત્કરાય સ્વાહા ।
ૐ નમો ભગવતે પઞ્ચવદનાયોર્ધ્વમુખાય હયગ્રીવાય
સકલજનવશઙ્કરાય સ્વાહા ।
ૐ અસ્ય શ્રી પઞ્ચમુખહનુમન્મન્ત્રસ્ય શ્રીરામચન્દ્ર
ઋષિઃ । અનુષ્ટુપ્છન્દઃ । પઞ્ચમુખવીરહનુમાન્ દેવતા ।
હનુમાનિતિ બીજમ્ । વાયુપુત્ર ઇતિ શક્તિઃ । અઞ્જનીસુત ઇતિ કીલકમ્ ।
શ્રીરામદૂતહનુમત્પ્રસાદસિદ્ધ્યર્થે જપે વિનિયોગઃ ।
ઇતિ ઋષ્યાદિકં વિન્યસેત્ ॥
ૐ અઞ્જનીસુતાય અઙ્ગુષ્ઠાભ્યાં નમઃ ।
ૐ રુદ્રમૂર્તયે તર્જનીભ્યાં નમઃ ।
ૐ વાયુપુત્રાય મધ્યમાભ્યાં નમઃ ।
ૐ અગ્નિગર્ભાય અનામિકાભ્યાં નમઃ ।
ૐ રામદૂતાય કનિષ્ઠિકાભ્યાં નમઃ ।
ૐ પઞ્ચમુખહનુમતે કરતલકરપૃષ્ઠાભ્યાં નમઃ ।
ઇતિ કરન્યાસઃ ॥
ૐ અઞ્જનીસુતાય હૃદયાય નમઃ ।
ૐ રુદ્રમૂર્તયે શિરસે સ્વાહા ।
ૐ વાયુપુત્રાય શિખાયૈ વષટ્ ।
ૐ અગ્નિગર્ભાય કવચાય હુમ્ ।
ૐ રામદૂતાય નેત્રત્રયાય વૌષટ્ ।
ૐ પઞ્ચમુખહનુમતે અસ્ત્રાય ફટ્ ।
પઞ્ચમુખહનુમતે સ્વાહા ।
ઇતિ દિગ્બન્ધઃ ॥
અથ ધ્યાનમ્ ।
વન્દે વાનરનારસિંહખગરાટ્ક્રોડાશ્વવક્ત્રાન્વિતં
દિવ્યાલઙ્કરણં ત્રિપઞ્ચનયનં દેદીપ્યમાનં રુચા ।
હસ્તાબ્જૈરસિખેટપુસ્તકસુધાકુમ્ભાઙ્કુશાદ્રિં હલં
ખટ્વાઙ્ગં ફણિભૂરુહં દશભુજં સર્વારિવીરાપહમ્ ।
અથ મન્ત્રઃ ।
ૐ શ્રીરામદૂતાયાઞ્જનેયાય વાયુપુત્રાય મહાબલપરાક્રમાય
સીતાદુઃખનિવારણાય લઙ્કાદહનકારણાય મહાબલપ્રચણ્ડાય
ફાલ્ગુનસખાય કોલાહલસકલબ્રહ્માણ્ડવિશ્વરૂપાય
સપ્તસમુદ્રનિર્લઙ્ઘનાય પિઙ્ગલનયનાયામિતવિક્રમાય
સૂર્યબિમ્બફલસેવનાય દુષ્ટનિવારણાય દૃષ્ટિનિરાલઙ્કૃતાય
સઞ્જીવિનીસઞ્જીવિતાઙ્ગદલક્ષ્મણમહાકપિસૈન્યપ્રાણદાય
દશકણ્ઠવિધ્વંસનાય રામેષ્ટાય મહાફાલ્ગુનસખાય સીતાસહિત-
રામવરપ્રદાય ષટ્પ્રયોગાગમપઞ્ચમુખવીરહનુમન્મન્ત્રજપે વિનિયોગઃ ।
ૐ હરિમર્કટમર્કટાય બંબંબંબંબં વૌષટ્ સ્વાહા ।
ૐ હરિમર્કટમર્કટાય ફંફંફંફંફં ફટ્ સ્વાહા ।
ૐ હરિમર્કટમર્કટાય ખેંખેંખેંખેંખેં મારણાય સ્વાહા ।
ૐ હરિમર્કટમર્કટાય લુંલુંલુંલુંલું આકર્ષિતસકલસમ્પત્કરાય સ્વાહા ।
ૐ હરિમર્કટમર્કટાય ધંધંધંધંધં શત્રુસ્તમ્ભનાય સ્વાહા ।
ૐ ટંટંટંટંટં કૂર્મમૂર્તયે પઞ્ચમુખવીરહનુમતે
પરયન્ત્રપરતન્ત્રોચ્ચાટનાય સ્વાહા ।
ૐ કંખંગંઘંઙં ચંછંજંઝંઞં ટંઠંડંઢંણં
તંથંદંધંનં પંફંબંભંમં યંરંલંવં શંષંસંહં
ળઙ્ક્ષં સ્વાહા ।
ઇતિ દિગ્બન્ધઃ ।
ૐ પૂર્વકપિમુખાય પઞ્ચમુખહનુમતે ટંટંટંટંટં
સકલશત્રુસંહરણાય સ્વાહા ।
ૐ દક્ષિણમુખાય પઞ્ચમુખહનુમતે કરાલવદનાય નરસિંહાય
ૐ હ્રાં હ્રીં હ્રૂં હ્રૈં હ્રૌં હ્રઃ સકલભૂતપ્રેતદમનાય સ્વાહા ।
ૐ પશ્ચિમમુખાય ગરુડાનનાય પઞ્ચમુખહનુમતે મંમંમંમંમં
સકલવિષહરાય સ્વાહા ।
ૐ ઉત્તરમુખાયાદિવરાહાય લંલંલંલંલં નૃસિંહાય નીલકણ્ઠમૂર્તયે
પઞ્ચમુખહનુમતે સ્વાહા ।
ૐ ઉર્ધ્વમુખાય હયગ્રીવાય રુંરુંરુંરુંરું રુદ્રમૂર્તયે
સકલપ્રયોજનનિર્વાહકાય સ્વાહા ।
ૐ અઞ્જનીસુતાય વાયુપુત્રાય મહાબલાય સીતાશોકનિવારણાય
શ્રીરામચન્દ્રકૃપાપાદુકાય મહાવીર્યપ્રમથનાય બ્રહ્માણ્ડનાથાય
કામદાય પઞ્ચમુખવીરહનુમતે સ્વાહા ।
ભૂતપ્રેતપિશાચબ્રહ્મરાક્ષસશાકિનીડાકિન્યન્તરિક્ષગ્રહ-
પરયન્ત્રપરતન્ત્રોચ્ચટનાય સ્વાહા ।
સકલપ્રયોજનનિર્વાહકાય પઞ્ચમુખવીરહનુમતે
શ્રીરામચન્દ્રવરપ્રસાદાય જંજંજંજંજં સ્વાહા ।
ઇદં કવચં પઠિત્વા તુ મહાકવચં પઠેન્નરઃ ।
એકવારં જપેત્સ્તોત્રં સર્વશત્રુનિવારણમ્ ॥ ૧૫ ॥
દ્વિવારં તુ પઠેન્નિત્યં પુત્રપૌત્રપ્રવર્ધનમ્ ।
ત્રિવારં ચ પઠેન્નિત્યં સર્વસમ્પત્કરં શુભમ્ ॥ ૧૬ ॥
ચતુર્વારં પઠેન્નિત્યં સર્વરોગનિવારણમ્ ।
પઞ્ચવારં પઠેન્નિત્યં સર્વલોકવશઙ્કરમ્ ॥ ૧૭ ॥
ષડ્વારં ચ પઠેન્નિત્યં સર્વદેવવશઙ્કરમ્ ।
સપ્તવારં પઠેન્નિત્યં સર્વસૌભાગ્યદાયકમ્ ॥ ૧૮ ॥
અષ્ટવારં પઠેન્નિત્યમિષ્ટકામાર્થસિદ્ધિદમ્ ।
નવવારં પઠેન્નિત્યં રાજભોગમવાપ્નુયાત્ ॥ ૧૯ ॥
દશવારં પઠેન્નિત્યં ત્રૈલોક્યજ્ઞાનદર્શનમ્ ।
રુદ્રાવૃત્તિં પઠેન્નિત્યં સર્વસિદ્ધિર્ભવેદ્ધ્રુવમ્ ॥ ૨૦ ॥
નિર્બલો રોગયુક્તશ્ચ મહાવ્યાધ્યાદિપીડિતઃ ।
કવચસ્મરણેનૈવ મહાબલમવાપ્નુયાત્ ॥ ૨૧ ॥
॥ ઇતિ શ્રીસુદર્શનસંહિતાયાં શ્રીરામચન્દ્રસીતાપ્રોક્તં
શ્રીપઞ્ચમુખહનુમત્કવચં સમ્પૂર્ણમ્ ॥
– Chant Stotras in other Languages –
Sri Anjaneya Kavacham » Sri Panchamukha Hanuman Kavacham Lyrics in Sanskrit » English » Bengali » Kannada » Malayalam » Odia » Telugu » Tamil