॥ Sri Param Guru Prabhu Vara Bengali Lyrics ॥
॥ শ্রীপরমগুরুপ্রভুবরাষ্টকম্ ॥
প্রপন্নজননীবৃতি জ্বলতি সংসৃতির্জ্বালয়া
য়দীয়নয়নোদিতাতুলকৃপাতিবৃষ্টির্দ্রুতম্ ।
বিধূয় দবথুং করোত্যমলভক্তিবাপ্যৌচিতীং
স কৃষ্ণচরণঃ প্রভুঃ প্রদিশতু স্বপাদামৃতম্ ॥ ১ ॥
য়দাস্যকমলোদিতা ব্রজভুবো মহিম্নাং ততিঃ
শ্রুতা বত বিসর্জয়েত্পতিকলত্রপুত্রালয়ান্ ।
কলিন্দতনয়াতটী বনকুটীরবাসং নয়েত্
স কৃষ্ণচরণঃ প্রভুঃ প্রদিশতু স্বপাদামৃতম্ ॥ ২ ॥
ব্রজাম্বুজদৃশাং কথং ভবতি ভাবভূমা কথং
ভবেদনুগতিঃ কথং কিমিহ সাধনং কোঽধিকৃত্ ।
ইতি স্ফুটমবৈতি কো য়দুপদেশভাগ্যং বিনা
স কৃষ্ণচরণঃ প্রভুঃ প্রদিশতু স্বপাদামৃতম্ ॥ ৩ ॥
তপস্বিয়তিকর্মিণাং সদসি তার্কিকানাং তথা
প্রতিস্বমতবৈদুষীপ্রকটনোঢগর্বশ্রিয়াম্ ।
বিরাজতি রবির্যথা তমসি য়ঃ স্বভক্ত্যোজসা
স কৃষ্ণচরণঃ প্রভুঃ প্রদিশতু স্বপাদামৃতম্ ॥ ৪ ॥
কিমদ্য পরিধাস্যতে কিমথ ভোজ্যতে রাধয়া
সমং মদনমোহনো মদনকোটিনিমজ্জিতঃ ।
ইতীষ্টবরিবস্যয়া নয়তি য়োঽষ্টয়ামান্ সদা
স কৃষ্ণচরণঃ প্রভুঃ প্রদিশতু স্বপাদামৃতম্ ॥ ৫ ॥
মৃদঙ্গকরতালিকামধুরকীর্তনে নর্তয়ন্
জনান্ সুকৃতিনো নটন্ স্বয়মপি প্রমোদাম্বুধৌ ।
নিমজ্জতি দৃগম্বুভিঃপুলকসঙ্কুলঃস্নাতি য়ঃ
স কৃষ্ণচরণঃ প্রভুঃ প্রদিশতু স্বপাদামৃতম্ ॥ ৬ ॥
সমং ভগবতো জনৈঃ প্রবরভক্তিশাস্ত্রোদিতং
রসং সুরসয়ন্মুহুঃ পরিজনাংশ্চ য়ঃ স্বাদয়ন্ ।
স্বশিষ্যশতবেষ্টিতো জয়তি চক্রবর্ত্যাখ্যয়া
স কৃষ্ণচরণঃ প্রভুঃ প্রদিশতু স্বপাদামৃতম্ ॥ ৭ ॥
স্থিতিঃ সুরসরিত্তটে মদনমোহনো জীবনং
স্পৃহা রসিকসঙ্গমে চতুরিমা জনোদ্ধারণে ।
ঘৃণা বিষয়িষু ক্ষমা ঝটিতি য়স্য চানুব্রজে
স কৃষ্ণচরণঃ প্রভুঃ প্রদিশতু স্বপাদামৃতম্ ॥ ৮ ॥
ইদং প্রভুবরাষ্টকং পঠতি য়স্তদীয়ো জন-
স্তদঙ্ঘ্রিকমলেষ্টধীঃ স খলু রঙ্গবত্প্রেমভাক্ ।
বিলাসভৃতমঞ্জুল্যাল্যতিকৃপৈকপাত্রীভবন্
নিকুঞ্জনিলয়াধিপাবচিরমেব তৌ সেবতে ॥ ৯ ॥
ইতি শ্রীমদ্বিশ্বনাথচক্রবর্তিবিরচিতং
শ্রীশ্রীপরমগুরুপ্রভুবরাষ্টকং সম্পূর্ণম্ ।
– Chant Stotra in Other Languages –
Sri Param Guru Prabhu Vara Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil