॥ Sri Parasurama Ashtakam 1 Bengali Lyrics ॥
॥ শ্রীপরশুরামাষ্টকম্ ॥
শুভ্রদেহং সদা ক্রোধরক্তেক্ষণম্
ভক্তপালং কৃপালুং কৃপাবারিধিম্
বিপ্রবংশাবতংসং ধনুর্ধারিণম্
ভব্যয়জ্ঞোপবীতং কলাকারিণম্
য়স্য হস্তে কুঠারং মহাতীক্ষ্ণকম্
রেণুকানন্দনং জামদগ্ন্যং ভজে ॥ ১ ॥
সৌম্যরুপং মনোজ্ঞং সুরৈর্বন্দিতম্
জন্মতঃ ব্রহ্মচারিব্রতে সুস্থিরম্
পূর্ণতেজস্বিনং য়োগয়োগীশ্বরম্
পাপসন্তাপরোগাদিসংহারিণম্
দিব্যভব্যাত্মকং শত্রুসংহারকম্
রেণুকানন্দনং জামদগ্ন্যং ভজে ॥ ২ ॥
ঋদ্ধিসিদ্ধিপ্রদাতা বিধাতা ভুবো
জ্ঞানবিজ্ঞানদাতা প্রদাতা সুখম্
বিশ্বধাতা সুত্রাতাঽখিলং বিষ্টপম্
তত্বজ্ঞাতা সদা পাতু মাম্ নির্বলম্
পূজ্যমানং নিশানাথভাসং বিভুম্
রেণুকানন্দনং জামদগ্ন্যং ভজে ॥ ৩ ॥
দুঃখ দারিদ্র্যদাবাগ্নয়ে তোয়দম্
বুদ্ধিজাড্যং বিনাশায় চৈতন্যদম্
বিত্তমৈশ্বর্যদানায় বিত্তেশ্বরম্
সর্বশক্তিপ্রদানায় লক্ষ্মীপতিম্
মঙ্গলং জ্ঞানগম্যং জগত্পালকম্
রেণুকানন্দনং জামদগ্ন্যং ভজে ॥ ৪ ॥
য়শ্চ হন্তা সহস্রার্জুনং হৈহয়ম্
ত্রৈগুণং সপ্তকৃত্বা মহাক্রোধনৈঃ
দুষ্টশূন্যা ধরা য়েন সত্যং কৃতা
দিব্যদেহং দয়াদানদেবং ভজে
ঘোররূপং মহাতেজসং বীরকম্
রেণুকানন্দনং জামদগ্ন্যং ভজে ॥ ৫ ॥
মারয়িত্বা মহাদুষ্ট ভূপালকান্
য়েন শোণেন কুণ্ডেকৃতং তর্পণম্
য়েন শোণীকৃতা শোণনাম্নী নদী
স্বস্য দেশস্য মূঢা হতাঃ দ্রোহিণঃ
স্বস্য রাষ্ট্রস্য শুদ্ধিঃকৃতা শোভনা
রেণুকানন্দনং জামদগ্ন্যং ভজে ॥ ৬ ॥
দীনত্রাতা প্রভো পাহি মাম্ পালক!
রক্ষ সংসাররক্ষাবিধৌ দক্ষক!
দেহি সংমোহনী ভাবিনী পাবনী
স্বীয় পাদারবিন্দস্য সেবা পরা
পূর্ণমারুণ্যরূপং পরং মঞ্জুলম্
রেণুকানন্দনং জামদগ্ন্যং ভজে ॥ ৭ ॥
য়ে জয়োদ্ঘোষকাঃ পাদসম্পূজকাঃ
সত্বরং বাঞ্ছিতং তে লভন্তে নরাঃ
দেহগেহাদিসৌখ্যং পরং প্রাপ্য বৈ
দিব্যলোকং তথান্তে প্রিয়ং য়ান্তি তে
ভক্তসংরক্ষকং বিশ্বসম্পালকম্
রেণুকানন্দনং জামদগ্ন্যং ভজে ॥ ৮ ॥
॥ ইতি শ্রীপরশুরামাষ্টকং সম্পূর্ণম্ ॥
– Chant Stotra in Other Languages –
Sri Vishnu Slokam » Sri Parasurama Ashtakam 1 Lyrics in Sanskrit » English » Gujarati » Kannada » Malayalam » Odia » Telugu » Tamil