॥ Sri Pavanaja Ashtakam in Kannada ॥
॥ ಶ್ರೀಪವನಜಾಷ್ಟಕಮ್ ॥
ಭವಭಯಾಪಹಂ ಭಾರತೀಪತಿಂ ಭಜಕಸೌಖ್ಯದಂ ಭಾನುದೀಧಿತಿಮ್ ।
ಭುವನಸುನ್ದರಂ ಭೂತಿದಂ ಹರಿಂ ಭಜತ ಸಜ್ಜನಾ ಮಾರುತಾತ್ಮಜಮ್ ॥ 1 ॥
ಅಮಿತವಿಕ್ರಮಂ ಹ್ಯಂಜನಾಸುತಂ ಭಯವಿನಾಶನಂ ತ್ವಬ್ಜಲೋಚನಮ್ ।
ಅಸುರಘಾತಿನಂ ಹ್ಯಬ್ಧಿಲಂಘಿನಂ ಭಜತ ಸಜ್ಜನಾ ಮಾರುತಾತ್ಮಜಮ್ ॥ 2 ॥
ಪರಭಯಂಕರಂ ಪಾಂಡುನನ್ದನಂ ಪತಿತಪಾವನಂ ಪಾಪಹಾರಿಣಮ್ ।
ಪರಮಸುನ್ದರಂ ಪಂಕಜಾನನಂ ಭಜತ ಸಜ್ಜನಾ ಮಾರುತಾತ್ಮಜಮ್ ॥ 3 ॥
ಕಲಿವಿನಾಶಕಂ ಕೌರವಾನ್ತಕಂ ಕಲುಷಸಂಹರಂ ಕಾಮಿತಪ್ರದಮ್ ।
ಕುರುಕುಲೋದ್ಭವಂ ಕುಮ್ಭಿಣೀಪತಿಂ ಭಜತ ಸಜ್ಜನಾ ಮಾರುತಾತ್ಮಜಮ್ ॥ 4 ॥
ಮತವಿವರ್ಧನಂ ಮಾಯಿಮರ್ದನಂ ಮಣಿವಿಭಂಜನಂ ಮಧ್ವನಾಮಕಮ್ ।
ಮಹಿತಸನ್ಮತಿಂ ಮಾನದಾಯಕಂ ಭಜತ ಸಜ್ಜನಾ ಮಾರುತಾತ್ಮಜಮ್ ॥ 5 ॥
ದ್ವಿಜಕುಲೋದ್ಭವಂ ದಿವ್ಯವಿಗ್ರಹಂ ದಿತಿಜಹಾರಿಣಂ ದೀನರಕ್ಷಕಮ್ ।
ದಿನಕರಪ್ರಭಂ ದಿವ್ಯಮಾನಸಂ ಭಜತ ಸಜ್ಜನಾ ಮಾರುತಾತ್ಮಜಮ್ ॥ 6 ॥
ಕಪಿಕುಲೋದ್ಭವಂ ಕೇಸರೀಸುತಂ ಭರತಪಂಕಜಂ ಭೀಮನಾಮಕಮ್ ।
ವಿಬುಧವನ್ದಿತಂ ವಿಪ್ರವಂಶಜಂ ಭಜತ ಸಜ್ಜನಾ ಮಾರುತಾತ್ಮಜಮ್ ॥ 7 ॥
ಪಠತಿ ಯಃ ಪುಮಾನ್ ಪಾಪನಾಶಕಂ ಪವನಜಾಷ್ಟಕಂ ಪುಣ್ಯವರ್ಧನಮ್ ।
ಪರಮಸೌಖ್ಯದಂ ಜ್ಞಾನಮುತ್ತಮಂ ಭುವಿ ಸುನಿರ್ಮಲಂ ಯಾತಿ ಸಮ್ಪದಮ್ ॥ 8 ॥
– Chant Stotra in Other Languages –
Lord Hanuman Slokam » Sri Pavanaja Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil