॥ Sri Pavanaja Ashtakam Telugu Lyrics ॥
॥ శ్రీపవనజాష్టకమ్ ॥
భవభయాపహం భారతీపతిం భజకసౌఖ్యదం భానుదీధితిమ్ ।
భువనసున్దరం భూతిదం హరిం భజత సజ్జనా మారుతాత్మజమ్ ॥ ౧ ॥
అమితవిక్రమం హ్యఞ్జనాసుతం భయవినాశనం త్వబ్జలోచనమ్ ।
అసురఘాతినం హ్యబ్ధిలఙ్ఘినం భజత సజ్జనా మారుతాత్మజమ్ ॥ ౨ ॥
పరభయఙ్కరం పాణ్డునన్దనం పతితపావనం పాపహారిణమ్ ।
పరమసున్దరం పఙ్కజాననం భజత సజ్జనా మారుతాత్మజమ్ ॥ ౩ ॥
కలివినాశకం కౌరవాన్తకం కలుషసంహరం కామితప్రదమ్ ।
కురుకులోద్భవం కుమ్భిణీపతిం భజత సజ్జనా మారుతాత్మజమ్ ॥ ౪ ॥
మతవివర్ధనం మాయిమర్దనం మణివిభఞ్జనం మధ్వనామకమ్ ।
మహితసన్మతిం మానదాయకం భజత సజ్జనా మారుతాత్మజమ్ ॥ ౫ ॥
ద్విజకులోద్భవం దివ్యవిగ్రహం దితిజహారిణం దీనరక్షకమ్ ।
దినకరప్రభం దివ్యమానసం భజత సజ్జనా మారుతాత్మజమ్ ॥ ౬ ॥
కపికులోద్భవం కేసరీసుతం భరతపఙ్కజం భీమనామకమ్ ।
విబుధవన్దితం విప్రవంశజం భజత సజ్జనా మారుతాత్మజమ్ ॥ ౭ ॥
పఠతి యః పుమాన్ పాపనాశకం పవనజాష్టకం పుణ్యవర్ధనమ్ ।
పరమసౌఖ్యదం జ్ఞానముత్తమం భువి సునిర్మలం యాతి సమ్పదమ్ ॥ ౮ ॥
– Chant Stotra in Other Languages –
Lord Hanuman Slokam » Sri Pavanaja Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil