॥ Pitambara Ashtottara Shatanama Stotram Bengali Lyrics ॥
॥ শ্রীপীতাম্বরাষ্টোত্তরশতনামস্তোত্রম্ ॥
শ্রীগণেশায় নমঃ ।
শ্রীভগবান উবাচ ।
ইতীদং নামসাহস্রং ব্রহ্মন্স্তে গদিতং ময়া ।
নাম্নামষ্টোত্তরশতং শৃণুষ্ব গদিতং মম ॥ ১ ॥
ওঁ পীতাম্বরা শূলহস্তা বজ্রা বজ্রশরীরিণী ।
তুষ্টিপুষ্টিকরী শান্তির্ব্রহ্মাণী ব্রহ্মবাদিনী ॥ ২ ॥
সর্বালোকননেত্রা চ সর্বরোগহরাপি চ ।
মঙ্গলা মঙ্গলাস্নাতা নিষ্কলঙ্কা নিরাকুলা ॥ ৩ ॥
বিশ্বেশ্বরী বিশ্বমাতা ললিতা ললিতাকৃতিঃ ।
সদাশিবৈকগ্রহণী চণ্ডিকা চণ্ডবিক্রমা ॥ ৪ ॥
সর্বদেবময়ী সাক্ষাত্সর্বাগমনিরূপিতা ।
ব্রহ্মেশবিষ্ণুনমিতা সর্বকল্যাণকারিণী ॥ ৫ ॥
য়োগমার্গপরায়োগীয়ৌগিধ্যেয়পদাম্বুজা ।
য়োগেন্দ্রা য়োগিনীপূজ্যা য়োগসূর্যাঙ্গনন্দিনী ॥ ৬ ॥
ইন্দ্রাদিদেবতাবৃন্দস্তূয়মানাত্মবৈভবা ।
বিশুদ্ধিদা ভয়হরা ভক্তদ্বেষীক্ষয়ঙ্করী ॥ ৭ ॥
ভবপাশবিনির্মুক্তা ভেরুণ্ডা ভৈরবার্চিতা ।
বলভদ্রপ্রিয়াকারাহালামদরসোধৃতা ॥ ৮ ॥
পঞ্চভূতশরীরস্থা পঞ্চকোশপ্রপঞ্চহৃত্ ।
সিংহবাহা মনোমোহা মোহপাশনিকৃন্তনী ॥ ৯ ॥
মদিরা মদিরোন্মাদমুদ্রা মুদ্গরধারিণী ।
সাবিত্রী প্রসাবিত্রী চ পরপ্রিয়বিনায়কা ॥ ১০ ॥
য়মদূতী পিঙ্গনেত্রা বৈষ্ণবী শাঙ্করী তথা ।
চন্দ্রপ্রিয়া চন্দনস্থা চন্দনারণ্যবাসিনী ॥ ১১ ॥
বদনেন্দুপ্রভাপূর পূর্ণব্রহ্মাণ্ডমণ্ডলা ।
গান্ধর্বী য়ক্ষশক্তিশ্চ কৈরাতী রাক্ষসী তথা ॥ ১২ ॥
পাপপর্বতদম্ভোলির্ভয়ধ্বান্তপ্রভাকরা ।
সৃষ্টিস্থিত্যুপসংহারকারিণি কনকপ্রভা ॥ ১৩ ॥
লোকানাং দেবতানাঞ্চ য়োষিতাং হিতকারিণী ।
ব্রহ্মানন্দৈকরসিকা মহাবিদ্যা বলোন্নতা ॥ ১৪ ॥
মহাতেজোবতী সূক্ষ্মা মহেন্দ্রপরিপূজিতা ।
পরাপরবতী প্রাণা ত্রৈলোক্যাকর্ষকারিণী ॥ ১৫ ॥
কিরীটাঙ্গদকেয়ূরমালা মঞ্জিরভূষিতা ।
সুবর্ণমালাসঞ্জপ্তাহরিদ্রাস্রক্ নিষেবিতা ॥ ১৬ ॥
উগ্রবিঘ্নপ্রশমনী দারিদ্র্যদ্রুমভঞ্জিনী ।
রাজচোরনৃপব্যালভূতপ্রেতভয়াপহা ॥ ১৭ ॥
স্তম্ভিনী পরসৈন্যানাং মোহিনী পরয়োষিতাম্ ।
ত্রাসিনী সর্বদুষ্টানাং গ্রাসিনী দৈত্যরাক্ষসাম্ ॥ ১৮ ॥
আকর্ষিণী নরেন্দ্রাণাং বশিনী পৃথিবীমৃতাম্ ।
মারিণী মদমত্তানাং দ্বেষিণী দ্বিষিতাং বলাত্ ॥ ১৯ ॥
ক্ষোভিণি শত্রুসঙ্ঘানাং রোধিনী শস্ত্রপাণিনাম্ ।
ভ্রামিণী গিরিকূটানাং রাজ্ঞাং বিজয় বর্দ্ধিনী ॥ ২০ ॥
হ্লীং কার বীজ সঞ্জাপ্তা হ্লীং কার পরিভূষিতা ।
বগলা বগলাবক্ত্রা প্রণবাঙ্কুর মাতৃকা ॥ ২১ ॥
প্রত্যক্ষ দেবতা দিব্যা কলৌ কল্পদ্রুমোপমা ।
কীর্ত্তকল্যাণ কান্তীনাং কলানাং চ কুলালয়া ॥ ২২ ॥
সর্ব মন্ত্রৈক নিলয়া সর্বসাম্রাজ্য শালিনী ।
চতুঃষষ্ঠী মহামন্ত্র প্রতিবর্ণ নিরূপিতা ॥ ২৩ ॥
স্মরণা দেব সর্বেষাং দুঃখপাশ নিকৃন্তিনী ।
মহাপ্রলয় সঙ্ঘাত সঙ্কটদ্রুম ভেদিনী ॥ ২৪ ॥
ইতিতে কথিতং ব্রহ্মন্নামসাহস্রমুত্তমম্ ।
অষ্টোত্তরশতং চাপি নাম্নামন্তে নিরূপিতম্ ॥ ২৫ ॥
কাশ্মীর কেরল প্রোক্তং সম্প্রদায়ানুসারতঃ ।
নামানিজগদম্বায়াঃ পঠস্বকমলাসন ॥ ২৬ ॥
তেনেমৌদানবৌবীরৌস্তব্ধ শক্তি ভবিষ্যতঃ ।
নানয়োর্বিদ্যতে ব্রহ্মনূভয়ং বিদ্যা প্রভাবতঃ ॥ ২৭ ॥
ঈশ্বর উবাচ ।
ইত্যুক্তঃ সতদাব্রহ্মা পঠন্নামসহস্রকম্ ।
স্তম্ভয়ামাস সহসা তয়ীঃ শক্তিপরাক্রমাত্ ॥ ২৮ ॥
ইতিতে কথিতং দেবি নামসাহস্রমুত্তমম্ ।
পরং ব্রহ্মাস্ত্র বিদ্যায়া ভুক্তি মুক্তি ফলপ্রদম্ ॥ ২৯ ॥
য়ঃ পঠেত্পাঠয়েদ্বাপি শৃণোতি শ্রাবয়েদিদম্ ।
স সর্বসিদ্ধি সম্প্রাপ্য স্তম্ভয়েদখিলং জগত্ ॥ ৩০ ॥
ইতি মে বিষ্ণুনা প্রোক্তং মহাস্তম্ভকরং পরম্ ।
ধনধান্য গজাশ্বাদি সাধকং রাজ্যদায়কম্ ॥ ৩১ ॥
প্রাতঃকালে চ মধ্যাহ্নে সন্ধ্যাকালে চ পার্বতি ।
একচিত্তঃ পঠেদেতত্সর্বসিদ্ধিং চ বিন্দতি ॥ ৩২ ॥
পঠনাদেকবারস্য সর্বপাপক্ষয়ো ভবেত্ ।
বারদ্বয়স্য পঠনাদ্গণেশ সদৃশো ভবেত্ ॥ ৩৩ ॥
ত্রিবারং পঠনাদস্য সর্বসিদ্ধ্যতি নান্যথা ।
স্তবস্যাস্য প্রভাবেণ জীবন্মুক্তো ভবেন্নরঃ ॥ ৩৪ ॥
মোক্ষার্থী লভতে মোক্ষং ধনার্থী লভতে ধনম্ ।
বিদ্যার্থী লভতে বিদ্যাং বশ্যার্থী বশয়েজ্জগত্ ॥ ৩৫ ॥
মহীপতির্বত্সরস্য পাঠাচ্ছত্রুক্ষয়ো ভবেত্ ।
পৃথ্বীপতির্বশস্তস্য বত্সরাত্স্মরসুন্দরঃ ॥ ৩৬ ॥
য় পঠেত্সর্বদা ভক্ত্যা শ্রীয়ুক্তো ভবতি প্রিয়ে ।
গণাধ্যক্ষঃ প্রতিনিধিঃ কবিঃ কাব্য ইবাপরঃ ॥ ৩৭ ॥
গোপনীয়ং প্রয়ত্নেন জননীজারবত্প্রিয়ে ।
শক্তিয়ুক্তঃ পঠেন্নিত্যং পীতাম্বরধরঃ স্বয়ম্ ॥ ৩৮ ॥
য় ইদং পঠতে নিত্যং শিবেন সদৃশো ভবেত্ ।
ধর্মার্থকামমোক্ষাণাং পতির্ভবতি মানবঃ ॥ ৩৯ ॥
সত্যং সত্যং ময়া দেবি রহস্যং সম্প্রকাশিতম্ ।
স্তবস্যাস্য প্রভাবেন কিং ন সিদ্ধ্যতি ভূতলে ॥ ৪০ ॥
স্তম্ভিতাবাস্করাঃ সর্বে স্তবরাজস্য কীর্ত্তনাত্ ।
মধু কৈটভ দৈতেন্দ্রৌধ্বস্তশক্তি বভূবতুঃ ॥ ৪১ ॥
ইদং সহস্রনামাখ্যং স্তোত্রং ত্রৈলোক্য পাবনম্ ।
এতত্পঠতি য়ো মন্ত্রী ফলং তস্য বদাম্যহম্ ॥ ৪২ ॥
রাজানো বশ্যতাং য়ান্তি য়ান্তি পাপানি সংক্ষয়ঃ ।
গিরয়ঃ সমতাং য়ান্তি বহ্নির্গচ্ছতি শীততাম্ ॥ ৪৩ ॥
প্রচণ্ডা সৌম্যতাং য়ান্তি শোষয়ান্ত্যেব সিন্ধবঃ ।
ধনৈঃ কোশা বিবর্ধতে জনৈশ্চ বিবিধালয়াঃ ॥ ৪৪ ॥
মন্দিরাঃ স্করগৈঃ পূর্ণা হস্তিশালাশ্চ হস্তিভিঃ ।
স্তম্ভয়েদ্বিষতাং বাচং গতিং শস্ত্রং পরাক্রমম্ ॥ ৪৫ ॥
রবেরথং স্তম্ভয়তি সঞ্চারং চ নভস্বতঃ ।
কিমন্যং বহুনোক্তেন সর্বকার্যকৃতি ক্ষয়ম্ ॥ ৪৬ ॥
স্তবরাজমিদং জপ্ত্বা ন মাতুর্গর্ভগো ভবেত্ ।
তেনেষ্টাক্রতবঃ সর্বে দত্তাদানপরম্পরাঃ ॥ ৪৭ ॥
ব্রতানি সর্বাণ্যাতানিয়েনায়ং পঠ্যতে স্তবঃ ।
নিশীথকালে প্রজপেদেকাকী স্থির মানসঃ ॥ ৪৮ ॥
পীতাম্বরধরী পীতাং পীতগন্ধানুলেপনাম্ ।
সুবর্ণরত্নখচিতাং দিব্য ভূষণ ভূষিতাম্ ॥ ৪৯ ॥
সংস্থাপ্য বামভাগেতু শক্তিং স্বামি পরায়ণাম্ ।
তস্য সর্বার্থ সিদ্ধিঃস্যাদ্যদ্যন্মনসি কল্পতে ॥ ৫০ ॥
ব্রহ্মহত্যাদি পাপানি নশ্যন্তেস্যজপাদপি ।
সহস্রনাম তন্ত্রাণাং সারমাকৃত পার্বতি ॥ ৫১ ॥
ময়া প্রোক্তং রহস্যং তে কিমন্য শ্রোতুমর্হসি ॥ ৫২ ॥
॥ ইতি শ্রীউত্কট শম্বরে নাগেন্দ্রপ্রয়াণ তন্ত্রে
ষোডশ সাহস্রগ্রন্থে বিষ্ণু শঙ্কর সংবাদে
শ্রীপীতাম্বরা অষ্টোত্তরশতনামস্তোত্রং সম্পূর্ণম্ ॥
– Chant Stotra in Other Languages –
Sri Durga Slokam » Pitambara Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil