॥ Sri Prapanchamata Pitru Ashtakam Bengali Lyrics ॥
॥ শ্রীপ্রপঞ্চমাতাপিত্রষ্টকম্ ॥
(শ্রীশৃঙ্গগিরৌ – শ্রীভবানীমলহানিকরেশ্বরকল্যাণোত্সবে)
প্রকাশিতজগজ্জালৌ প্রতুষ্যন্মুনিবালকৌ
প্রপঞ্চমাতাপিতরৌ প্রাঞ্চৌ জায়াপতী স্তুমঃ ॥ ১ ॥
প্রণামমাত্রসন্তুষ্টৌ প্রয়তৈরুপসেবিতৌ ।
প্রপঞ্চমাতাপিতরৌ প্রাঞ্চৌ জায়াপতী স্তুমঃ ॥ ২ ॥
প্রণুন্নপাপকান্তারৌ প্রসূনস্রগ্বিভূষিতৌ ।
প্রপঞ্চমাতাপিতরৌ প্রাঞ্চৌ জায়াপতী স্তুমঃ ॥ ৩ ॥
প্রপন্নপালনব্যগ্রৌ প্রতাপজিতভাস্করৌ ।
প্রপঞ্চমাতাপিতরৌ প্রাঞ্চৌ জায়াপতী স্তুমঃ ॥ ৪ ॥
প্রসাদলেশতঃ স্যাদ্ধি প্রমতির্জডরাড্যয়োঃ ।
প্রাগ্ঞ্চমাতাপিতরৌ প্রাঞ্চৌ জায়াপতী স্তুমঃ ॥ ৫ ॥
প্রহ্লাদমাপ্নুয়ুর্নিত্যং প্রণতা য়ত্পদাব্জয়োঃ ।
প্রপঞ্চমাতাপিতরৌ প্রাঞ্চৌ জায়াপতী স্তুমঃ ॥ ৬ ॥
প্রমদাভিঃ সুরেশানাং প্রকামমুপসেবিতৌ ।
প্রপঞ্চমাতাপিতরৌ প্রাঞ্চৌ জায়াপতী স্তুমঃ ॥ ৭ ॥
প্রশান্তচিত্তচাপল্যৈঃ প্রত্যহং পরিচিন্তিতৌ ।
প্রপঞ্চমাতাপিতরৌ প্রাঞ্চৌ জায়াপতী স্তুমঃ ॥ ৮ ॥
ইতি শৃঙ্গেরি শ্রীজগদ্গুরু শ্রীসচ্চিদানন্দশিবাভিনবনৃসিংহ-
ভারতীস্বামিভিঃ বিরচিতং শ্রীপ্রপঞ্চমাতাপিত্রষ্টকং সম্পূর্ণম্ ।
– Chant Stotra in Other Languages –
Sri Prapanchamata Pitru Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil