॥ Sri Purna Ashtakam Telugu Lyrics ॥
॥ శ్రీపూర్ణాష్టకమ్ ॥
భగవతి భవబన్ధచ్ఛేదిని బ్రహ్మవన్ద్యే
శశిముఖి రుచిపూర్ణే భాలచన్ద్రేఽన్నపూర్ణే ।
సకలదురితహన్త్రి స్వర్గమోక్షాదిదాత్రి
జనని నిటిలనేత్రే దేవి పూర్ణే ప్రసీద ॥ ౧ ॥
తవ గుణగరిమాణం వర్ణితుం నైవ శక్తా
విధి-హరి-హరదేవా నైవ లోకా న వేదాః ।
కథమహమనభిజ్ఞో వాగతీతాం స్తువీయాం
జనని నిటిలనేత్రే దేవి పూర్ణే ప్రసీద ॥ ౨ ॥
భగవతి వసుకామాః స్వర్గమోక్షాదికామా-
దితిజసుర-మునీన్ద్రాస్త్వాం భజన్త్యమ్బ సర్వే ।
తవ పదయుగభక్తిం భిక్షుకస్త్వాం నమామి
జనని నిటిలనేత్రే దేవి పూర్ణే ప్రసీద ॥ ౩ ॥
యదవధి భవమాతస్తే కృపా నాస్తి జన్తౌ
తదవధి భవజాలం కః సమర్థో విహాతుమ్ ।
భవకృతభయభీతస్త్వాం శివేఽహం ప్రసన్నో
జనని నిటిలేనేత్రే దేవి పూర్ణే ప్రసీద ॥ ౪ ॥
సురసురపతివన్ద్యే కోటిరిత్యేకరమ్యే
నిఖిలభవనధన్యే కామదే కామదేహే ।
భవతి భవపయోధస్తారిణీం త్వాం నతోఽహం
జనని నిటిలనేత్రే దేవి పూర్ణే ప్రసీద ॥ ౫ ॥
త్వమిహ జగతి పూర్ణా త్వద్విహీనం న కిఞ్చిద్
రజని యది విహీనం తత్స్వరూప తు మిథ్యా ।
ఇతి నిగదతి వేదో బ్రహ్మభిన్నం న సత్యం
జనని నిటిలనేత్రే దేవి పూర్ణే ప్రసీద ॥ ౬ ॥
స్వజనశరణదక్షే దక్షజే పూర్ణకామే
సురహితకృతరూపే నిర్వికల్పే నిరీహే ।
శ్రుతిసముదయగీతే సచ్చిదానన్దరూపే
జనని నిటిలనేత్రే దేవి పూర్ణే ప్రసీద ॥ ౭ ॥
భగవతి తవ పుర్యాం త్వాం సమారాధ్య యాచే
భవతు గణపమాతభక్తితస్తేఽవిరామః ।
త్వదితరజన ఆర్యే పూర్ణకామో న పూర్ణే
జనని నిటిలనేత్రే దేవి పూర్ణే ప్రసీద ॥ ౮ ॥
ఇతి శ్రీమత్పరమహంసపరివ్రాజకాచార్య-శ్రీమదుత్తరామ్నాయజ్యోతిష్పీఠాధీశ్వర-
జగద్గురుశఙ్కరాచార్య-స్వామిశ్రీశాన్తానన్దసరస్వతీశిష్య-
స్వామిశ్రీమదనన్తానన్ద-సరస్వతీవిరచితం శ్రీపూర్ణాష్టకం సమ్పూర్ణమ్ ।
– Chant Stotra in Other Languages –
Sri Purna Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil