॥ Sri Madradhashtakam 2 Malayalam Lyrics ॥
ശ്രീമദ്രാധാഷ്ടകം 2
നികുഞ്ജേ മഞ്ജൂഷദ്വിവിധമൃദുപുഷ്പൈകനിചയൈഃ
സമാകീര്‍ണം ദാന്തം സുമണിജടിതം കേലിശയനം ।
ഹൃദി പ്രാദുര്‍ഭൂതോദ്ഭടവിരഹഭാവൈഃ സപദി യത്
കരേ കൃത്വാ പത്രവ്യജനമുപവിശന്തീം ഹൃദി ഭജേ ॥ 1 ॥
വിദിത്വാ ഗോപീശം ശ്രമവിഹിതനിദ്രം ഹൃദി ഭിയാ
രണത്കാരൈര്‍ഭൂയാന്ന ഖലു ഗതനിദ്രഃ പരമിതി ।
ദ്വിതീയേന സ്തബ്ധാചലനചപലം കങ്കണചയം
വിതന്വന്തീം മന്ദം വ്യജനമഥ രാധാം ഹൃദി ഭജേ ॥ 2 ॥
വിധായാച്ഛൈഃ പുഷ്പൈര്‍വിവിധരചനാം ചാരുമൃദുലാം
പദപ്രാന്താലംബാം സ്വകരകമലാഭ്യാം പുനരസൌ ।
സ്ഥിതം സ്വപ്രാണാനാം പ്രിയതമമനന്യം നിജപുരോ-
ഽവഗത്യാതന്വന്തീമുരസി വനമാലാം ഹൃദി ഭജേ ॥ 3 ॥
പുരാ രാസാരംഭേ ശരദമലരാത്രിഷ്വപി ഹരി-
പ്രഭാവാദ്യുല്ലീഢസ്മരണകൃതചിന്താശതയുതാം ।
ഹൃദി പ്രാദുര്‍ഭൂതം ബഹിരപി സമുദ്വീക്ഷിതുമിവ
സ്വതോ വാരം വാരം വികസിതദൃഗബ്ജാം ഹൃദി ഭജേ ॥ 4 ॥
വിചിന്വന്തീം നാഥം നിരതിശയലീലാകൃതിരതം
പ്രപശ്യന്തീം ചിഹ്നം ചരണയുഗസംഭൂതമതുലം ।
പ്രകുര്‍വന്തീം മൂര്‍ധന്യഹഹ പദരേണൂത്കരമപി
പ്രിയാം ഗോപീശസ്യ പ്രണതനിജനാഥാം ഹൃദി ഭജേ ॥ 5 ॥
നിജപ്രാണാധീശപ്രസഭമിലനാനന്ദവികസ-
ത്സമസ്താങ്ഗപ്രേമോദ്ഗതമതനുരോമാവലിമപി ।
സ്ഫുരത്സീത്കാരാന്തഃസ്ഥിതസഭയഭാവൈകനയനാം
പുനഃ പശ്ചാത്തപ്താമതുലരസപാത്രം ഹൃദി ഭജേ ॥ 6 ॥
ലസദ്ഗോപീനാഥാനനകമലസംയോജിതമുഖാം
മുഖാംഭോധിപ്രാദുര്‍ഭവദമൃതപാനൈകചതുരാം ।
പരീരംഭപ്രാപ്തപ്രിയതമശരീരൈക്യരസികാം
തൃതീയാര്‍ഥപ്രാപ്തിപ്രകടഹരിസിദ്ധിം ഹൃദി ഭജേ ॥ 7 ॥
ന മേ വാഞ്ഛ്യോ മോക്ഷഃ ശ്രുതിഷു ചതുരാത്മാ നിഗദിതോ
ന ശാസ്ത്രീയാ ഭക്തിര്‍ന പുനരപി വിജ്ഞാനമപി മേ ।
കദാചിന്‍മാം സ്വാമിന്യഹഹ മയി ദാസേ കൃപയതു
സ്വതഃ സ്വാചാര്യാണാം ചരണശരണേ ദീനകരുണാ ॥ 8 ॥
ഇതി ശ്രീമദ്രാധാഷ്ടകം സമ്പൂര്‍ണം ।
– Chant Stotra in Other Languages –
Sri Radha Mantras » Sri Radha Ashtakam 2 Lyrics in Sanskrit » English » Bengali » Gujarati » Kannada » Odia » Telugu » Tamil