॥ Sri Radhashtakam 4 Gujarati Lyrics ॥
શ્રીરાધાષ્ટકમ્ ૪
શ્રીશ્રીવૃન્દાવનેશ્વર્યૈ નમઃ ।
દિશિ દિશિ રચયન્તી સઞ્ચરન્નેત્રલક્ષ્મી
વિલસિતખુરલીભિઃ ખઞ્જરીટસ્ય ખેલામ્ ।
હૃદયમધુપમલ્લીં વલ્લવાધીશસૂનો-
રખિલગુણગભીરાં રાધિકામર્ચયામિ ॥ ૧ ॥
પિતુરિહ વૃષભાનોરન્વવાયપ્રશસ્તિં
જગતિ કિલ સમસ્તે સુષ્ઠુ વિસ્તારયન્તીમ્ ।
વ્રજપતિકુમારં ખેલયન્તીં સખીભિઃ
સુરભિણિ નિજકુણ્ડે રાધિકામર્ચયામિ ॥ ૨ ॥
શરદુપચિતરાકાકૌમુદીનાથકીર્તિ
પ્રકરદમનદીક્ષાદક્ષિણસ્મેરવક્ત્રામ્ ।
નટદઘભિદપાઙ્ગોત્તુઙ્ગિતાનઙ્ગરઙ્ગાં
કલિતરુચિતરઙ્ગાં રાધિકામર્ચયામિ ॥ ૩ ॥
વિવિધકુસુમવૃન્દોત્ફુલ્લધમ્મિલ્લઘાટી
વિઘટિતમદઘૂર્ણત્કેકિપિચ્છપ્રશસ્તિમ્ ।
મધુરિપુમુખબિમ્બોદ્ગીર્ણતામ્બૂલરાગ
સ્ફુરદમલકપોલાં રાધિકામર્ચયામિ ॥ ૪ ॥
અમલિનલલિતાન્તઃસ્નેહસિક્તાન્તરાઙ્ગાં
અખિલવિધવિશાખાસખ્યવિખ્યાતશીલામ્ ।
સ્ફુરદઘભિદનર્ઘપ્રેમમાણિક્યપેટીં
ધૃતમધુરવિનોદાં રાધિકામર્ચયામિ ॥ ૫ ॥
અતુલમહસિ વૃન્દારણ્યરાજ્યેઽભિષિક્તાં
નિખિલસમયભર્તુઃ કાર્તિકસ્યાધિદેવીમ્ ।
અપરિમિતમુકુન્દપ્રેયસીવૃન્દમુખ્યાં
જગદઘહરકીર્તિં રાધિકામર્ચયામિ ॥ ૬ ॥
હરિપદનખકોટીપૃષ્ઠપર્યન્તસીમા
તટમપિ કલયન્તીં પ્રાણકોટેરભીષ્ટામ્ ।
પ્રમુદિતમદિરાક્ષીવૃન્દવૈદગ્ધ્યદીક્ષા
ગુરુમતિગુરુકીર્તિં રાધિકામર્ચયામિ ॥ ૭ ॥
અમલકનકપટ્ટોદ્ઘૃષ્ટકાશ્મીરગૌરીં
મધુરિમલહરીભિઃ સમ્પરીતાં કિશોરીમ્ ।
હરિભુજપરિરબ્ધાં લબ્ધરોમાઞ્ચપાલિં
સ્ફુરદરુણદુકૂલાં રાધિકામર્ચયામિ ॥ ૮ ॥
તદમલમધુરિમ્ણાં કામમાધારરૂપં
પરિપઠતિ વરિષ્ઠં સુષ્ઠુ રાધાષ્ટકં યઃ ।
અહિમકિરણપુત્રીકૂલકલ્યાણચન્દ્રઃ
સ્ફુટમખિલમભીષ્ટં તસ્ય તુષ્ટસ્તનોતિ ॥ ૯ ॥
ઇતિ શ્રીરૂપગોસ્વામિવિરચિતસ્તવમાલાયાં શ્રીરાધાષ્ટકં સમ્પૂર્ણમ્ ।
– Chant Stotra in Other Languages –
Sri Radha Mantras » Sri Radha Ashtakam 4 Lyrics in Sanskrit » English » Bengali » Kannada » Malayalam » Odia » Telugu » Tamil