॥ Sri Radhashtakam Kannada Lyrics ॥
॥ ಶ್ರೀರಾಧಾಷ್ಟಕಮ್ ॥
ಓಂ ದಿಶಿದಿಶಿರಚಯನ್ತೀಂ ಸಂಚಯನ್ನೇತ್ರಲಕ್ಷ್ಮೀಂ
ವಿಲಸಿತಖುರಲೀಭಿಃ ಖಂಜರೀಟಸ್ಯ ಖೇಲಾಮ್ ।
ಹೃದಯಮಧುಪಮಲ್ಲೀಂ ವಲ್ಲವಾಧೀಶಸೂನೋ-
ರಖಿಲಗುಣಗಭೀರಾಂ ರಾಧಿಕಾಮರ್ಚಯಾಮಿ ॥ 1 ॥
ಪಿತುರಿಹ ವೃಷಭಾನೋ ರತ್ನವಾಯಪ್ರಶಸ್ತಿಂ
ಜಗತಿ ಕಿಲ ಸಯಸ್ತೇ ಸುಷ್ಠು ವಿಸ್ತಾರಯನ್ತೀಮ್ ।
ವ್ರಜನೃಪತಿಕುಮಾರಂ ಖೇಲಯನ್ತೀಂ ಸಖೀಭಿಃ
ಸುರಭಿನಿ ನಿಜಕುಂಡೇ ರಾಧಿಕಾಮರ್ಚಯಾಮಿ ॥ 2 ॥
ಶರದುಪಚಿತರಾಕಾಕೌಮುದೀನಾಥಕೀರ್ತ್ತಿ-
ಪ್ರಕರದಮನದೀಕ್ಷಾದಕ್ಷಿಣಸ್ಮೇರವಕ್ತ್ರಾಮ್ ।
ನಟಯದಭಿದಪಾಂಗೋತ್ತುಂಗಿತಾನಂ ಗರಂಗಾಂ
ವಲಿತರುಚಿರರಂಗಾಂ ರಾಧಿಕಾಮರ್ಚಯಾಮಿ ॥ 3 ॥
ವಿವಿಧಕುಸುಮವೃನ್ದೋತ್ಫುಲ್ಲಧಮ್ಮಿಲ್ಲಧಾಟೀ-
ವಿಘಟಿತಮದಘೃರ್ಣಾತ್ಕೇಕಿಪಿಚ್ಛುಪ್ರಶಸ್ತಿಮ್ ।
ಮಧುರಿಪುಮುಖಬಿಮ್ಬೋದ್ಗೀರ್ಣತಾಮ್ಬೂಲರಾಗ-
ಸ್ಫುರದಮಲಕಪೋಲಾಂ ರಾಧಿಕಾಮರ್ಚಯಾಮಿ ॥ 4 ॥
ನಲಿನವದಮಲಾನ್ತಃಸ್ನೇಹಸಿಕ್ತಾಂ ತರಂಗಾ-
ಮಖಿಲವಿಧಿವಿಶಾಖಾಸಖ್ಯವಿಖ್ಯಾತಶೀಲಾಮ್ ।
ಸ್ಫುರದಘಭಿದನರ್ಘಪ್ರೇಮಮಾಣಿಕ್ಯಪೇಟೀಂ
ಧೃತಮಧುರವಿನೋದಾಂ ರಾಧಿಕಾಮರ್ಚಯಾಮಿ ॥ 5 ॥
ಅತುಲಮಹಸಿವೃನ್ದಾರಣ್ಯರಾಜ್ಯೇಭಿಷಿಕ್ತಾಂ
ನಿಖಿಲಸಮಯಭರ್ತುಃ ಕಾರ್ತಿಕಸ್ಯಾಧಿದೇವೀಮ್ ।
ಅಪರಿಮಿತಮುಕುನ್ದಪ್ರೇಯಸೀವೃನ್ದಮುಖ್ಯಾಂ
ಜಗದಘಹರಕೀರ್ತಿಂ ರಾಧಿಕಾಮರ್ಚಯಾಮಿ ॥ 6 ॥
ಹರಿಪದನಖಕೋಟೀಪೃಷ್ಠಪರ್ಯನ್ತಸೀಮಾ-
ತಟಮಪಿ ಕಲಯನ್ತೀಂ ಪ್ರಾಣಕೋಟೇರಭೀಷ್ಟಮ್ ।
ಪ್ರಮುದಿತಮದಿರಾಕ್ಷೀವೃನ್ದವೈದಗ್ಧ್ಯದೀಕ್ಷಾ-
ಗುರುಮಪಿ ಗುರುಕೀರ್ತಿಂ ರಾಧಿಕಾಮರ್ಚಯಾಮಿ ॥ 7 ॥
ಅಮಲಕನಕಪಟ್ಟೀದೃಷ್ಟಕಾಶ್ಮೀರಗೌರೀಂ
ಮಧುರಿಮಲಹರೀಭಿಃ ಸಮ್ಪರೀತಾಂ ಕಿಶೋರೀಮ್ ।
ಹರಿಭುಜಪರಿರಬ್ಧ್ವಾಂ ಲಘ್ವರೋಮಾಂಚಪಾಲೀಂ
ಸ್ಫುರದರುಣದುಕೂಲಾಂ ರಾಧಿಕಾಮರ್ಚಯಾಮಿ ॥ 8 ॥
ತದಮಲಮಧುರಿಮ್ಣಾಂ ಕಾಮಮಾಧಾರರೂಪಂ
ಪರಿಪಠತಿ ವರಿಷ್ಠಂ ಸುಷ್ಠು ರಾಧಾಷ್ಟಕಂ ಯಃ ।
ಅಹಿಮಕಿರಣಪುತ್ರೀಕೂಲಕಲ್ಯಾಣಚನ್ದ್ರಃ
ಸ್ಫುಟಮಖಿಲಮಭೀಷ್ಟಂ ತಸ್ಯ ತುಷ್ಟಸ್ತನೋತಿ ॥ 9 ॥
ಇತಿ ಶ್ರೀರಾಧಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Radha Stotram » Sri Radha Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil