॥ Sri Radha Varashtakam Malayalam Lyrics ॥
ശ്രീരാധാവരാഷ്ടകം
ചതുര്‍മുഖാദിസംസ്തുതം സമസ്തസാത്വതാനുതം ।
ഹലായുധാദിസംയുതം നമാമി രാധികാധിപം ॥ 1 ॥
ബകാദിദൈത്യകാലകം സഗോപഗോപിപാലകം ।
മനോഹരാസിതാലകം നമാമി രാധികാധിപം ॥ 2 ॥
സുരേന്ദ്രഗര്‍വഭഞ്ജനം വിരഞ്ചിമോഹഭഞ്ജനം ।
വ്രജാങ്ഗനാനുരഞ്ജനം നമാമി രാധികാധിപം ॥ 3 ॥
മയൂരപിച്ഛമണ്ഡനം ഗജേന്ദ്രദന്തഖണ്ഡനം ।
നൃശംസകംസദണ്ഡനം നമാമി രാധികാധിപം ॥ 4 ॥
പ്രദത്തവിപ്രദാരകം സുദാമധാമകാരകം ।
സുരദ്രുമാപഹാരകം നമാമി രാധികാധിപം ॥ 5 ॥
ധനഞ്ജയാജയാവഹം മഹാചമൂക്ഷയാ വഹം ।
പിതമഹവ്യഥാപഹം നമാമി രാധികാധിപം ॥ 6 ॥
മുനീന്ദ്രശാപകാരണം യദുപ്രജാപഹാരണം ।
ധരാഭരാവതാരണം നമാമി രാധികാധിപം ॥ 7 ॥
സുവൃക്ഷമൂലശായിനം മൃഗാരിമോക്ഷദായിനം ।
സ്വകീയധാമമായിനം നമാമി രാധികാധിപം ॥ 8 ॥
ഇദം സമാഹിതോ ഹിതം വരാഷ്ടകം സദാ മുദാ ।
ജപഞ്ജനോ ജനുര്‍ജരാദിതോ ദ്രുതം പ്രമുച്യതേ ॥ 9 ॥
ഇതി ശ്രീനിംബാര്‍കാചാര്യവിരചിതം ശ്രീരാധാവരാഷ്ടകം സമ്പൂര്‍ണം ।
– Chant Stotra in Other Languages –
Sri Radha Mantras » Sri Radha Varashtakam Lyrics in Sanskrit » English » Bengali » Gujarati » Kannada » Odia » Telugu » Tamil