॥ Krishnadasa Kavi’s Sri Radhikashtakam Bengali Lyrics ॥
॥ শ্রীরাধিকাষ্টকম্ ॥
শ্রীকৃষ্ণদাসকবিরাজবিরচিতং ।
কুঙ্কুমাক্তকাঞ্চনাব্জ গর্বহারি গৌরভা
পীতনাঞ্চিতাব্জগন্ধকীর্তিনিন্দসৌরভা ।
বল্লবেশসূনু সর্ববাঞ্ছিতার্থসাধিকা
মহ্যমাত্মপাদপদ্মদাস্যদাঽস্তু রাধিকা ॥ ১ ॥
কৌরবিন্দকান্তনিন্দচিত্রপত্রশাটিকা
কৃষ্ণমত্তভৃঙ্গকেলি ফুল্লপুষ্পবাটিকা ।
কৃষ্ণনিত্যসঙ্গমার্থপদ্মবন্ধুরাধিকা
মহ্যমাত্মপাদপদ্মদাস্যদাঽস্তু রাধিকা ॥ ২ ॥
সৌকুমার্যসৃষ্টপল্লবালিকীর্তিনিগ্রহা
চন্দ্রচন্দনোত্পলেন্দুসেব্যশীতবিগ্রহা ।
স্বাভিমর্শবল্লবীশকামতাপবাধিকা
মহ্যমাত্মপাদপদ্মদাস্যদাঽস্তু রাধিকা ॥ ৩ ॥
বিশ্ববন্দ্যয়ৌবতাভিবন্দতাপি য়া রমা
রূপনব্যয়ৌবনাদিসম্পদা ন য়ত্সমা ।
শীলহার্দলীলয়া চ সা য়তোঽস্তি নাধিকা
মহ্যমাত্মপাদপদ্মদাস্যদাস্তু রাধিকা ॥ ৪ ॥
রাসলাস্যগীতনর্মসত্কলালিপণ্ডিতা
প্রেমরম্যরূপবেশসদ্গুণালিমণ্ডিতা ।
বিশ্বনব্যগোপয়োষিদালিতোপি য়াঽধিকা
মহ্যমাত্মপাদপদ্মদাস্যদাঽস্তু রাধিকা ॥ ৫ ॥
নিত্যনব্যরূপকেলিকৃষ্ণভাবসম্পদা
কৃষ্ণরাগবন্ধগোপয়ৌবতেষু কম্পদা ।
কৃষ্ণরূপবেশকেলিলগ্নসত্সমাধিকা
মহ্যমাত্মপাদপদ্মদাস্যদাঽস্তু রাধিকা ॥ ৬ ॥
স্বেদকম্পকণ্টকাশ্রুগদ্গদাদিসঞ্চিতা
মর্ষহর্ষবামতাদি ভাবভূষণাঞ্চিতা ।
কৃষ্ণনেত্রতোষিরত্নমণ্ডনালিদাধিকা
মহ্যমাত্মপাদপদ্মদাস্যদাঽস্তু রাধিকা ॥ ৭ ॥
য়া ক্ষণার্ধকৃষ্ণবিপ্রয়োগসন্ততোদিতা-
নেকদৈন্যচাপলাদিভাববৃন্দমোদিতা ।
য়ত্নলব্ধকৃষ্ণসঙ্গনির্গতাখিলাধিকা
মহ্যমাত্মপাদপদ্মদাস্যদাঽস্তু রাধিকা ॥ ৮ ॥
অষ্টকেন য়স্ত্বনেন নৌতি কৃষ্ণবল্লভাং
দর্শনেঽপি শৈলজাদিয়োষিদালিদুর্লভাম্ ।
কৃষ্ণসঙ্গনন্দতাত্মদাস্যসীধুভাজনং
তং করোতি নন্দতালিসঞ্চয়াশু সা জনম্ ॥ ৯ ॥
ইতি শ্রীকৃষ্ণদাসকবিরাজবিরচিতং শ্রীরাধিকাষ্টকং সম্পূর্ণম্ ।
– Chant Stotra in Other Languages –
Sri Radha Stotram » Sri Radhika Ashtakam by Krishna Das Kavi Lyrics in Sanskrit » English » Gujarati » Kannada » Malayalam » Odia » Telugu » Tamil