॥ Krishnadasa Kavi’s Sri Radhikashtakam Odia Lyrics ॥
॥ ଶ୍ରୀରାଧିକାଷ୍ଟକମ୍ ॥
ଶ୍ରୀକୃଷ୍ଣଦାସକଵିରାଜଵିରଚିତଂ ।
କୁଙ୍କୁମାକ୍ତକାଞ୍ଚନାବ୍ଜ ଗର୍ଵହାରି ଗୌରଭା
ପୀତନାଞ୍ଚିତାବ୍ଜଗନ୍ଧକୀର୍ତିନିନ୍ଦସୌରଭା ।
ଵଲ୍ଲଵେଶସୂନୁ ସର୍ଵଵାଞ୍ଛିତାର୍ଥସାଧିକା
ମହ୍ୟମାତ୍ମପାଦପଦ୍ମଦାସ୍ୟଦାଽସ୍ତୁ ରାଧିକା ॥ ୧ ॥
କୌରଵିନ୍ଦକାନ୍ତନିନ୍ଦଚିତ୍ରପତ୍ରଶାଟିକା
କୃଷ୍ଣମତ୍ତଭୃଙ୍ଗକେଲି ଫୁଲ୍ଲପୁଷ୍ପଵାଟିକା ।
କୃଷ୍ଣନିତ୍ୟସଙ୍ଗମାର୍ଥପଦ୍ମବନ୍ଧୁରାଧିକା
ମହ୍ୟମାତ୍ମପାଦପଦ୍ମଦାସ୍ୟଦାଽସ୍ତୁ ରାଧିକା ॥ ୨ ॥
ସୌକୁମାର୍ୟସୃଷ୍ଟପଲ୍ଲଵାଲିକୀର୍ତିନିଗ୍ରହା
ଚନ୍ଦ୍ରଚନ୍ଦନୋତ୍ପଲେନ୍ଦୁସେଵ୍ୟଶୀତଵିଗ୍ରହା ।
ସ୍ଵାଭିମର୍ଶଵଲ୍ଲଵୀଶକାମତାପବାଧିକା
ମହ୍ୟମାତ୍ମପାଦପଦ୍ମଦାସ୍ୟଦାଽସ୍ତୁ ରାଧିକା ॥ ୩ ॥
ଵିଶ୍ଵଵନ୍ଦ୍ୟୟୌଵତାଭିଵନ୍ଦତାପି ୟା ରମା
ରୂପନଵ୍ୟୟୌଵନାଦିସମ୍ପଦା ନ ୟତ୍ସମା ।
ଶୀଲହାର୍ଦଲୀଲୟା ଚ ସା ୟତୋଽସ୍ତି ନାଧିକା
ମହ୍ୟମାତ୍ମପାଦପଦ୍ମଦାସ୍ୟଦାସ୍ତୁ ରାଧିକା ॥ ୪ ॥
ରାସଲାସ୍ୟଗୀତନର୍ମସତ୍କଲାଲିପଣ୍ଡିତା
ପ୍ରେମରମ୍ୟରୂପଵେଶସଦ୍ଗୁଣାଲିମଣ୍ଡିତା ।
ଵିଶ୍ଵନଵ୍ୟଗୋପୟୋଷିଦାଲିତୋପି ୟାଽଧିକା
ମହ୍ୟମାତ୍ମପାଦପଦ୍ମଦାସ୍ୟଦାଽସ୍ତୁ ରାଧିକା ॥ ୫ ॥
ନିତ୍ୟନଵ୍ୟରୂପକେଲିକୃଷ୍ଣଭାଵସମ୍ପଦା
କୃଷ୍ଣରାଗବନ୍ଧଗୋପୟୌଵତେଷୁ କମ୍ପଦା ।
କୃଷ୍ଣରୂପଵେଶକେଲିଲଗ୍ନସତ୍ସମାଧିକା
ମହ୍ୟମାତ୍ମପାଦପଦ୍ମଦାସ୍ୟଦାଽସ୍ତୁ ରାଧିକା ॥ ୬ ॥
ସ୍ଵେଦକମ୍ପକଣ୍ଟକାଶ୍ରୁଗଦ୍ଗଦାଦିସଞ୍ଚିତା
ମର୍ଷହର୍ଷଵାମତାଦି ଭାଵଭୂଷଣାଞ୍ଚିତା ।
କୃଷ୍ଣନେତ୍ରତୋଷିରତ୍ନମଣ୍ଡନାଲିଦାଧିକା
ମହ୍ୟମାତ୍ମପାଦପଦ୍ମଦାସ୍ୟଦାଽସ୍ତୁ ରାଧିକା ॥ ୭ ॥
ୟା କ୍ଷଣାର୍ଧକୃଷ୍ଣଵିପ୍ରୟୋଗସନ୍ତତୋଦିତା-
ନେକଦୈନ୍ୟଚାପଲାଦିଭାଵଵୃନ୍ଦମୋଦିତା ।
ୟତ୍ନଲବ୍ଧକୃଷ୍ଣସଙ୍ଗନିର୍ଗତାଖିଲାଧିକା
ମହ୍ୟମାତ୍ମପାଦପଦ୍ମଦାସ୍ୟଦାଽସ୍ତୁ ରାଧିକା ॥ ୮ ॥
ଅଷ୍ଟକେନ ୟସ୍ତ୍ଵନେନ ନୌତି କୃଷ୍ଣଵଲ୍ଲଭାଂ
ଦର୍ଶନେଽପି ଶୈଲଜାଦିୟୋଷିଦାଲିଦୁର୍ଲଭାମ୍ ।
କୃଷ୍ଣସଙ୍ଗନନ୍ଦତାତ୍ମଦାସ୍ୟସୀଧୁଭାଜନଂ
ତଂ କରୋତି ନନ୍ଦତାଲିସଞ୍ଚୟାଶୁ ସା ଜନମ୍ ॥ ୯ ॥
ଇତି ଶ୍ରୀକୃଷ୍ଣଦାସକଵିରାଜଵିରଚିତଂ ଶ୍ରୀରାଧିକାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Radha Stotram » Sri Radhika Ashtakam by Krishna Das Kavi Lyrics in Sanskrit » English » Bengali » Gujarati » Kannada » Malayalam » Telugu » Tamil