॥ Sri Rama Anatha Ashtakam 2 Telugu Lyrics ॥
॥ రామనాథాష్టకమ్ ౨ ॥
రామనాథ నమోఽస్తుతే జయ సున్దరాఙ్గ నమోఽస్తుతే ।
నీలకణ్ఠ నమోఽస్తుతే జయ రక్ష మాం శరణాగతమ్ ॥ ధ్రు. ॥
కోటీ సూర్యసమానకాన్తి సుశోభితానన మణ్డలం
కఞ్జలోచనమద్భుతం సురపుష్పహారమగోచరమ్ ।
క్షీరసాగరమన్థనోత్కట ఘోరవిషసంసేవితం
రామనాథ విలోలతాణ్డవ నర్తనప్రియ రక్ష మామ్ ॥ ౧ ॥
దక్షయాగవిఘాతకం శివమీప్సితార్థప్రదాయినం
భస్మరాగవిభూషితం నవబిల్వపత్రసమర్చితమ్ ।
దేవతాసురవన్దితాఙ్ఘ్రితరోరుహం పరమేశ్వరం
రామనాథ విలోలతాణ్డవ నర్తనప్రియ రక్ష మామ్ ॥ ౨ ॥
నారదాదిమునీన్ద్రగాథిత రమ్య పుణ్యకథానకం
వేదగమ్యమనామయం గజవక్త్రషణ్ముఖమణ్డితమ్ ।
లోచలత్రయముగ్రతేజసముద్భవం త్రిపురాన్తకం
రామనాథ విలోలతాణ్డవ నర్తనప్రియ రక్ష మామ్ ॥ ౩ ॥
కృత్తివాసకముత్తమం ఘనకారజం ఘ్రతువాససం
భక్తకష్టనివారకం వృషయానకమ్యజనాయకమ్ ।
సర్వమృత్యుభయాపహం దురితాపహం భవతాపహం
రామనాథ విలోలతాణ్డవ నర్తనప్రియ రక్ష మామ్ ॥ ౪ ॥
రుణ్డమాలినమన్ధకాన్తగమాశుతోషమనిన్దితం
మృత్యుభీతమృకణ్డుబాలకపాలకం వరదాయకమ్ ।
భానువంశలలామరాఘవ పూజితం ప్రమథార్థికం
రామనాథ విలోలతాణ్డవ నర్తనప్రియ రక్ష మామ్ ॥ ౫ ॥
శీలరాజవిహారిణం కరశూలడమరుగధారిణం
శైలజాశ్రితచారుబామశరీరిణం సుమనోహరమ్ ।
శైలతుల్య సుకేశిరం భవమష్టమూర్తీమనాగతం
రామనాథ విలోలతాణ్డవ నర్తనప్రియ రక్ష మామ్ ॥ ౬ ॥
రాగభోగసుదూరభాసురనాదహారజటాధర
కమ్భుగన్ధర చన్ద్రశేఖర మారహరగఙ్గాధర ।
వన్దితాఖిల లోకవైభవ శర్వ భైరవ శ్రీకర
రామనాథ విలోలతాణ్డవ నర్తనప్రియ రక్ష మామ్ ॥ ౭ ॥
దుఃఖతరసంసారసాగరకారణైక సుఖాశ్రయం
దేవకేపదపఙ్కజం పరమాశ్రయే కరుణామ్బుధే ।
దోషపూరితమాదరాత్క్షణు దోషహర జగదీశ్వర
పుష్టివర్ధన తుష్టివర్ధన తావకం పరిపాలయ ॥ ౮ ॥
శ్రీనివాసతనూజ కీర్తితమష్టకం తవ తుష్టయే
యే పఠన్తి నిరన్తరం ఖలు ప్రాప్నువన్తి మనోరథమ్ ।
త్వాం విరామమనార్తి శఙ్కర భూతలే యదిరన్యథా
ధీరవత్సల మాం న విస్మర రామనాథ కృపాం కురు ॥ ౯ ॥
ఇతి రామనాథాష్టకం సమ్పూర్ణమ్ ।
– Chant Stotra in Other Languages –
Sri Vishnu Stotram » Sri Rama Anatha Ashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil