॥ Sri Ramashtakam 2 Kannada Lyrics ॥
॥ ಶ್ರೀರಾಮಾಷ್ಟಕಮ್ 2 ॥
ಕೃತಾರ್ತದೇವವನ್ದನಂ ದಿನೇಶವಂಶನನ್ದನಮ್ ।
ಸುಶೋಭಿಭಾಲಚನ್ದನಂ ನಮಾಮಿ ರಾಮಮೀಶ್ವರಮ್ ॥ 1 ॥
ಮುನೀನ್ದ್ರಯಜ್ಞಕಾರಕಂ ಶಿಲಾವಿಪತ್ತಿಹಾರಕಮ್ ।
ಮಹಾಧನುರ್ವಿದಾರಕಂ ನಮಾಮಿ ರಾಮಮೀಶ್ವರಮ್ ॥ 2 ॥
ಸ್ವತಾತವಾಕ್ಯಕಾರಿಣಂ ತಪೋವನೇ ವಿಹಾರಿಣಮ್ ।
ಕರೇ ಸುಚಾಪಧಾರಿಣಂ ನಮಾಮಿ ರಾಮಮೀಶ್ವರಮ್ ॥ 3 ॥
ಕುರಂಗಮುಕ್ತಸಾಯಕಂ ಜಟಾಯುಮೋಕ್ಷದಾಯಕಮ್ ।
ಪ್ರವಿದ್ಧಕೀಶನಾಯಕಂ ನಮಾಮಿ ರಾಮಮೀಶ್ವರಮ್ ॥ 4 ॥
ಪ್ಲವಂಗಸಂಗಸಮ್ಮತಿಂ ನಿಬದ್ಧನಿಮ್ನಗಾಪತಿಮ್ ।
ದಶಾಸ್ಯವಂಶಸಂಕ್ಷತಿಂ ನಮಾಮಿ ರಾಮಮೀಶ್ವರಮ್ ॥ 5 ॥
ವಿದೀನದೇವಹರ್ಷಣಂ ಕಪೀಪ್ಸಿತಾರ್ಥವರ್ಷಣಮ್ ।
ಸ್ವಬನ್ಧುಶೋಕಕರ್ಷಣಂ ನಮಾಮಿ ರಾಮಮೀಶ್ವರಮ್ ॥ 6 ॥
ಗತಾರಿರಾಜ್ಯರಕ್ಷಣಂ ಪ್ರಜಾಜನಾರ್ತಿಭಕ್ಷಣಮ್ ।
ಕೃತಾಸ್ತಮೋಹಲಕ್ಷಣಂ ನಮಾಮಿ ರಾಮಮೀಶ್ವರಮ್ ॥ 7 ॥
ಹೃತಾಖಿಲಾಚಲಾಭರಂ ಸ್ವಧಾಮನೀತನಾಗರಮ್ ।
ಜಗತ್ತಮೋದಿವಾಕರಂ ನಮಾಮಿ ರಾಮಮೀಶ್ವರಮ್ ॥ 8 ॥
ಇದಂ ಸಮಾಹಿತಾತ್ಮನಾ ನರೋ ರಘೂತ್ತಮಾಷ್ಟಕಮ್ ।
ಪಠನ್ನಿರನ್ತರಂ ಭಯಂ ಭವೋದ್ಭವಂ ನ ವಿನ್ದತೇ ॥ 9 ॥
॥ ಇತಿ ಶ್ರೀಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ ಶ್ರೀರಾಮಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Vishnu Stotram » Sri Rama Ashtakam 2 Lyrics in Sanskrit » English » Bengali » Gujarati » Malayalam » Odia » Telugu » Tamil