॥ Sri Ramashtakam 5 Odia Lyrics ॥
॥ ରାମାଷ୍ଟକମ୍ ୫ ॥
ରାଜତ୍କିରୀଟମଣିଦୀଧିତିଦୀପିତାଂଶଂ
ଉଦ୍ୟଦ୍ବୃହସ୍ପତିକଵିପ୍ରତିମେ ଵହନ୍ତମ୍ ।
ଦ୍ଵେ କୁଣ୍ଡଲେଽଙ୍କରହିତେନ୍ଦୁସମାନଵକ୍ତ୍ରଂ
ରାମଂ ଜଗତ୍ତ୍ରୟଗୁରୁଂ ସତତଂ ଭଜାମି ॥ ୧ ॥
ଉଦ୍ୟଦ୍ଵିଭାକରମରୀଚିଵିବୋଧିତାବ୍ଜ-
ନେତ୍ରଂ ସୁବିମ୍ବଦଶନଚ୍ଛଦଚାରୁନାସମ୍ ।
ଶୁଭ୍ରାଂଶୁରଶ୍ମିପରିନିର୍ଜିତଚାରୁହାସଂ
ରାମଂ ଜଗତ୍ତ୍ରୟଗୁରୁଂ ସତତଂ ଭଜାମି ॥ ୨ ॥
ତଂ କମ୍ବୁକଣ୍ଠମଜମମ୍ବୁଜତୁଲ୍ୟରୂପଂ
ମୁକ୍ତାଵଲୀକନକହାରଧୃତଂ ଵିଭାନ୍ତମ୍ ।
ଵିଦ୍ୟୁଦ୍ଵଲାକଗଣସଂୟୁତମମ୍ବୁଦଂ ଵା
ରାମଂ ଜଗତ୍ତ୍ରୟଗୁରୁଂ ସତତଂ ଭଜାମି ॥ ୩ ॥
ଉତ୍ତାନହସ୍ତତଲସଂସ୍ଥସହସ୍ରପତ୍ରଂ
ପଞ୍ଚଚ୍ଛଦାଧିକଶତଂ ପ୍ରଵରାଙ୍ଗୁଲୀଭିଃ ।
କୁର୍ଵତ୍ୟଶୀତକନକଦ୍ୟୁତି ୟସ୍ୟ ସୀତା
ପାର୍ଶ୍ଵେଽସ୍ତି ତଂ ରଘୁଵରଂ ସତତଂ ଭଜାମି ॥ ୪ ॥
ଅଗ୍ରେ ଧନୁର୍ଧରଵରଃ କନକୋଜ୍ଜ୍ଵଲାଙ୍ଗୋ
ଜ୍ୟେଷ୍ଠାନୁସେଵନରତୋ ଵରଭୂଷଣାଢ୍ୟଃ ।
ଶେଷାଖ୍ୟଧାମଵରଲକ୍ଷ୍ମଣନାମ ୟସ୍ୟ
ରାମଂ ଜଗତ୍ତ୍ରୟଗୁରୁଂ ସତତଂ ଭଜାମି ॥ ୫ ॥
ୟୋ ରାଘଵେନ୍ଦ୍ରକୁଲସିନ୍ଧୁସୁଧାଂଶୁରୂପୋ
ମାରୀଚରାକ୍ଷସସୁବାହୁମୁଖାନ୍ ନିହତ୍ୟ ।
ୟଜ୍ଞଂ ରରକ୍ଷ କୁଶିକାନ୍ଵୟପୁଣ୍ୟରାଶିଂ
ରାମଂ ଜଗତ୍ତ୍ରୟଗୁରୁଂ ସତତଂ ଭଜାମି ॥ ୬ ॥
ହତ୍ଵା ଖରତ୍ରିଶିରସୌ ସଗଣୌ କବନ୍ଧଂ
ଶ୍ରୀଦଣ୍ଡକାନନମଦୂଷଣମେଵ କୃତ୍ଵା ।
ସୁଗ୍ରୀଵମୈତ୍ରମକରୋଦ୍ଵିନିହତ୍ୟ ଶତ୍ରୁଂ
ତଂ ରାଘଵଂ ଦଶମୁଖାନ୍ତକରଂ ଭଜାମି ॥ ୭ ॥
ଭଙ୍କ୍ତ୍ଵା ପିନାକମକରୋଜ୍ଜନକାତ୍ମଜାୟା
ଵୈଵାହିକୋତ୍ସଵଵିଧିଂ ପଥି ଭାର୍ଗଵେନ୍ଦ୍ରମ୍ ।
ଜିତ୍ଵା ପିତୁର୍ମୁଦମୁଵାହ କକୁତ୍ସ୍ଥଵର୍ୟଂ
ରାମଂ ଜଗତ୍ତ୍ରୟଗୁରୁଂ ସତତଂ ଭଜାମି ॥ ୮ ॥
ଇତି ମୁରାରୀ ଗୁପ୍ତାଵିରଚିତଂ ରାମାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Vishnu Stotram » Sri Rama Ashtakam 5 Lyrics in Sanskrit » English » Bengali » Gujarati » Kannada » Malayalam » Telugu » Tamil