॥ Rama Chandra Ashtakam Odia Lyrics ॥
॥ ଶ୍ରୀରାମଚନ୍ଦ୍ରାଷ୍ଟକମ୍ ॥
ଓଂ ଚିଦାକାରୋ ଧାତା ପରମସୁଖଦଃ ପାଵନତନୁର୍-
ମୁନୀନ୍ଦ୍ରୈର୍ୟୋଗୀନ୍ଦ୍ରୈର୍ୟତିପତିସୁରେନ୍ଦ୍ରୈର୍ହନୁମତା ।
ସଦା ସେଵ୍ୟଃ ପୂର୍ଣୋ ଜନକତନୟାଙ୍ଗଃ ସୁରଗୁରୂ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୧ ॥
ମୁକୁନ୍ଦୋ ଗୋଵିନ୍ଦୋ ଜନକତନୟାଲାଲିତପଦଃ
ପଦଂ ପ୍ରାପ୍ତା ୟସ୍ୟାଧମକୁଲଭଵା ଚାପି ଶବରୀ ।
ଗିରାତୀତୋଽଗମ୍ୟୋ ଵିମଲଧିଷଣୈର୍ଵେଦଵଚସା
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୨ ॥
ଧରାଧୀଶୋଽଧୀଶଃ ସୁରନରଵରାଣାଂ ରଘୁପତିଃ
କିରୀଟୀ କେୟୂରୀ କନକକପିଶଃ ଶୋଭିତଵପୁଃ ।
ସମାସୀନଃ ପୀଠେ ରଵିଶତନିଭେ ଶାନ୍ତମନସୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୩ ॥
ଵରେଣ୍ୟଃ ଶାରଣ୍ୟଃ କପିପତିସଖଶ୍ଚାନ୍ତଵିଧୁରୋ
ଲଲାଟେ କାଶ୍ମୀରୋ ରୁଚିରଗତିଭଙ୍ଗଃ ଶଶିମୁଖଃ ।
ନରାକାରୋ ରାମୋ ୟତିପତିନୁତଃ ସଂସୃତିହରୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୪ ॥
ଵିରୂପାକ୍ଷଃ କାଶ୍ୟାମୁପଦିଶତି ୟନ୍ନାମ ଶିଵଦଂ
ସହସ୍ରଂ ୟନ୍ନାମ୍ନାଂ ପଠତି ଗିରିଜା ପ୍ରତ୍ୟୁଷସି ଵୈ ।
ସ୍ଵଲୋକେ ଗାୟନ୍ତୀଶ୍ଵରଵିଧିମୁଖା ୟସ୍ୟ ଚରିତଂ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୫ ॥
ପରୋ ଧୀରୋଽଧୀରୋଽସୁରକୁଲଭଵଶ୍ଚାସୁରହରଃ
ପରାତ୍ମା ସର୍ଵଜ୍ଞୋ ନରସୁରଗଣୈର୍ଗୀତସୁୟଶାଃ ।
ଅହଲ୍ୟାଶାପଘ୍ନଃ ଶରକରଋଜୁଃକୌଶିକସଖୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୬ ॥
ହୃଷୀକେଶଃ ଶୌରିର୍ଧରଣିଧରଶାୟୀ ମଧୁରିପୁର୍-
ଉପେନ୍ଦ୍ରୋ ଵୈକୁଣ୍ଠୋ ଗଜରିପୁହରସ୍ତୁଷ୍ଟମନସା ।
ବଲିଧ୍ଵଂସୀ ଵୀରୋ ଦଶରଥସୁତୋ ନୀତିନିପୁଣୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୭ ॥
କଵିଃ ସୌମିତ୍ରୀଡ୍ୟଃ କପଟମୃଗଘାତୀ ଵନଚରୋ
ରଣଶ୍ଲାଘୀ ଦାନ୍ତୋ ଧରଣିଭରହର୍ତା ସୁରନୁତଃ ।
ଅମାନୀ ମାନଜ୍ଞୋ ନିଖିଲଜନପୂଜ୍ୟୋ ହୃଦିଶୟୋ
ରମାନାଥୋ ରାମୋ ରମତୁ ମମ ଚିତ୍ତେ ତୁ ସତତମ୍ ॥ ୮ ॥
ଇଦଂ ରାମସ୍ତୋତ୍ରଂ ଵରମମରଦାସେନ ରଚିତମ୍
ଉଷଃକାଲେ ଭକ୍ତ୍ୟା ୟଦି ପଠତି ୟୋ ଭାଵସହିତମ୍ ।
ମନୁଷ୍ୟଃ ସ କ୍ଷିପ୍ରଂ ଜନିମୃତିଭୟଂ ତାପଜନକଂ
ପରିତ୍ୟଜ୍ୟ ଶ୍ରୀଷ୍ଠଂ ରଘୁପତିପଦଂ ୟାତି ଶିଵଦମ୍ ॥ ୯ ॥
॥ ଇତି ଶ୍ରୀମଦ୍ରାମଦାସପୂଜ୍ୟପାଦଶିଷ୍ୟଶ୍ରୀମଦ୍ଧଂ
ସଦାସଶିଷ୍ୟେଣାମରଦାସାଖ୍ୟକଵିନା ଵିରଚିତଂ
ଶ୍ରୀରାମଚନ୍ଦ୍ରାଷ୍ଟକଂ ସମାପ୍ତମ୍ ॥
– Chant Stotra in Other Languages –
Sri Vishnu Stotram » Sri Rama Chandra Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil