॥ Rama Chandra Ashtakam Malayalam Lyrics ॥
॥ ശ്രീരാമചന്ദ്രാഷ്ടകം ॥
ഓം ചിദാകാരോ ധാതാ പരമസുഖദഃ പാവനതനുര്‍-
മുനീന്ദ്രൈര്യോഗീന്ദ്രൈര്യതിപതിസുരേന്ദ്രൈര്‍ഹനുമതാ ।
സദാ സേവ്യഃ പൂര്‍ണോ ജനകതനയാങ്ഗഃ സുരഗുരൂ
രമാനാഥോ രാമോ രമതു മമ ചിത്തേ തു സതതം ॥ 1 ॥
മുകുന്ദോ ഗോവിന്ദോ ജനകതനയാലാലിതപദഃ
പദം പ്രാപ്താ യസ്യാധമകുലഭവാ ചാപി ശബരീ ।
ഗിരാതീതോഽഗംയോ വിമലധിഷണൈര്‍വേദവചസാ
രമാനാഥോ രാമോ രമതു മമ ചിത്തേ തു സതതം ॥ 2 ॥
ധരാധീശോഽധീശഃ സുരനരവരാണാം രഘുപതിഃ
കിരീടീ കേയൂരീ കനകകപിശഃ ശോഭിതവപുഃ ।
സമാസീനഃ പീഠേ രവിശതനിഭേ ശാന്തമനസോ
രമാനാഥോ രാമോ രമതു മമ ചിത്തേ തു സതതം ॥ 3 ॥
വരേണ്യഃ ശാരണ്യഃ കപിപതിസഖശ്ചാന്തവിധുരോ
ലലാടേ കാശ്മീരോ രുചിരഗതിഭങ്ഗഃ ശശിമുഖഃ ।
നരാകാരോ രാമോ യതിപതിനുതഃ സംസൃതിഹരോ
രമാനാഥോ രാമോ രമതു മമ ചിത്തേ തു സതതം ॥ 4 ॥
വിരൂപാക്ഷഃ കാശ്യാമുപദിശതി യന്നാമ ശിവദം
സഹസ്രം യന്നാംനാം പഠതി ഗിരിജാ പ്രത്യുഷസി വൈ ।
സ്വലോകേ ഗായന്തീശ്വരവിധിമുഖാ യസ്യ ചരിതം
രമാനാഥോ രാമോ രമതു മമ ചിത്തേ തു സതതം ॥ 5 ॥
പരോ ധീരോഽധീരോഽസുരകുലഭവശ്ചാസുരഹരഃ
പരാത്മാ സര്‍വജ്ഞോ നരസുരഗണൈര്‍ഗീതസുയശാഃ ।
അഹല്യാശാപഘ്നഃ ശരകരഋജുഃകൌശികസഖോ
രമാനാഥോ രാമോ രമതു മമ ചിത്തേ തു സതതം ॥ 6 ॥
ഹൃഷീകേശഃ ശൌരിര്‍ധരണിധരശായീ മധുരിപുര്‍-
ഉപേന്ദ്രോ വൈകുണ്ഠോ ഗജരിപുഹരസ്തുഷ്ടമനസാ ।
ബലിധ്വംസീ വീരോ ദശരഥസുതോ നീതിനിപുണോ
രമാനാഥോ രാമോ രമതു മമ ചിത്തേ തു സതതം ॥ 7 ॥
കവിഃ സൌമിത്രീഡ്യഃ കപടമൃഗഘാതീ വനചരോ
രണശ്ലാഘീ ദാന്തോ ധരണിഭരഹര്‍താ സുരനുതഃ ।
അമാനീ മാനജ്ഞോ നിഖിലജനപൂജ്യോ ഹൃദിശയോ
രമാനാഥോ രാമോ രമതു മമ ചിത്തേ തു സതതം ॥ 8 ॥
ഇദം രാമസ്തോത്രം വരമമരദാസേന രചിതം
ഉഷഃകാലേ ഭക്ത്യാ യദി പഠതി യോ ഭാവസഹിതം ।
മനുഷ്യഃ സ ക്ഷിപ്രം ജനിമൃതിഭയം താപജനകം
പരിത്യജ്യ ശ്രീഷ്ഠം രഘുപതിപദം യാതി ശിവദം ॥ 9 ॥
॥ ഇതി ശ്രീമദ്രാമദാസപൂജ്യപാദശിഷ്യശ്രീമദ്ധം
സദാസശിഷ്യേണാമരദാസാഖ്യകവിനാ വിരചിതം
ശ്രീരാമചന്ദ്രാഷ്ടകം സമാപ്തം ॥
– Chant Stotra in Other Languages –
Sri Vishnu Stotram » Sri Rama Chandra Ashtakam Lyrics in Sanskrit » English » Bengali » Gujarati » Kannada » Malayalam » Odia » Telugu » Tamil