॥ Sri Ranganatha Ashtakam Gujarati Lyrics ॥
॥ રઙ્ગનાથાષ્ટકમ્ ॥
આનન્દરૂપે નિજબોધરૂપે બ્રહ્મસ્વરૂપે શ્રુતિમૂર્તિરૂપે ।
શશાઙ્કરૂપે રમણીયરૂપે શ્રીરઙ્ગરૂપે રમતાં મનો મે ॥ ૧ ॥
કાવેરિતીરે કરુણાવિલોલે મન્દારમૂલે ધૃતચારુચેલે ।
દૈત્યાન્તકાલેઽખિલલોકલીલે શ્રીરઙ્ગલીલે રમતાં મનો મે ॥ ૨ ॥
લક્ષ્મીનિવાસે જગતાં નિવાસે હૃત્પદ્મવાસે રવિબિમ્બવાસે ।
કૃપાનિવાસે ગુણબૃન્દવાસે શ્રીરઙ્ગવાસે રમતાં મનો મે ॥ ૩ ॥
બ્રહ્માદિવન્દ્યે જગદેકવન્દ્યે મુકુન્દવન્દ્યે સુરનાથવન્દ્યે ।
વ્યાસાદિવન્દ્યે સનકાદિવન્દ્યે શ્રીરઙ્ગવન્દ્યે રમતાં મનો મે ॥ ૪ ॥
બ્રહ્માધિરાજે ગરુડાધિરાજે વૈકુણ્ઠરાજે સુરરાજરાજે ।
ત્રૈલોક્યરાજેઽખિલલોકરાજે શ્રીરઙ્ગરાજે રમતાં મનો મે ॥ ૫ ॥
અમોઘમુદ્રે પરિપૂર્ણનિદ્રે શ્રીયોગનિદ્રે સસમુદ્રનિદ્રે ।
શ્રિતૈકભદ્રે જગદેકનિદ્રે શ્રીરઙ્ગભદ્રે રમતાં મનો મે ॥ ૬ ॥
સ ચિત્રશાયી ભુજગેન્દ્રશાયી નન્દાઙ્કશાયી કમલાઙ્કશાયી ।
ક્ષીરાબ્ધિશાયી વટપત્રશાયી શ્રીરઙ્ગશાયી રમતાં મનો મે ॥ ૭ ॥
ઇદં હિ રઙ્ગં ત્યજતામિહાઙ્ગમ્ પુનર્નચાઙ્કં યદિ ચાઙ્ગમેતિ ।
પાણૌ રથાઙ્ગં ચરણેમ્બુ ગાઙ્ગમ્ યાને વિહઙ્ગં શયને ભુજઙ્ગમ્ ॥ ૮ ॥
રઙ્ગનાથાષ્ટકં પુણ્યમ્ પ્રાતરુત્થાય યઃ પઠેત્ ।
સર્વાન્ કામાનવાપ્નોતિ રઙ્ગિસાયુજ્યમાપ્નુયાત્ ॥
॥ ઇતિ શ્રીમચ્છઙ્કરાચાર્યવિરચિતં શ્રીરઙ્ગનાથાષ્ટકં સમ્પૂર્ણમ્ ॥
– Chant Stotra in Other Languages –
Sree Ranganatha Ashtakam » Sri Ranganatha Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil