॥ Sri Ranganatha Ashtakam Malayalam Lyrics ॥
॥ രങ്ഗനാഥാഷ്ടകം ॥
ആനന്ദരൂപേ നിജബോധരൂപേ ബ്രഹ്മസ്വരൂപേ ശ്രുതിമൂര്‍തിരൂപേ ।
ശശാങ്കരൂപേ രമണീയരൂപേ ശ്രീരങ്ഗരൂപേ രമതാം മനോ മേ ॥ 1 ॥
കാവേരിതീരേ കരുണാവിലോലേ മന്ദാരമൂലേ ധൃതചാരുചേലേ ।
ദൈത്യാന്തകാലേഽഖിലലോകലീലേ ശ്രീരങ്ഗലീലേ രമതാം മനോ മേ ॥ 2 ॥
ലക്ഷ്മീനിവാസേ ജഗതാം നിവാസേ ഹൃത്പദ്മവാസേ രവിബിംബവാസേ ।
കൃപാനിവാസേ ഗുണബൃന്ദവാസേ ശ്രീരങ്ഗവാസേ രമതാം മനോ മേ ॥ 3 ॥
ബ്രഹ്മാദിവന്ദ്യേ ജഗദേകവന്ദ്യേ മുകുന്ദവന്ദ്യേ സുരനാഥവന്ദ്യേ ।
വ്യാസാദിവന്ദ്യേ സനകാദിവന്ദ്യേ ശ്രീരങ്ഗവന്ദ്യേ രമതാം മനോ മേ ॥ 4 ॥
ബ്രഹ്മാധിരാജേ ഗരുഡാധിരാജേ വൈകുണ്ഠരാജേ സുരരാജരാജേ ।
ത്രൈലോക്യരാജേഽഖിലലോകരാജേ ശ്രീരങ്ഗരാജേ രമതാം മനോ മേ ॥ 5 ॥
അമോഘമുദ്രേ പരിപൂര്‍ണനിദ്രേ ശ്രീയോഗനിദ്രേ സസമുദ്രനിദ്രേ ।
ശ്രിതൈകഭദ്രേ ജഗദേകനിദ്രേ ശ്രീരങ്ഗഭദ്രേ രമതാം മനോ മേ ॥ 6 ॥
സ ചിത്രശായീ ഭുജഗേന്ദ്രശായീ നന്ദാങ്കശായീ കമലാങ്കശായീ ।
ക്ഷീരാബ്ധിശായീ വടപത്രശായീ ശ്രീരങ്ഗശായീ രമതാം മനോ മേ ॥ 7 ॥
ഇദം ഹി രങ്ഗം ത്യജതാമിഹാങ്ഗം പുനര്‍നചാങ്കം യദി ചാങ്ഗമേതി ।
പാണൌ രഥാങ്ഗം ചരണേംബു ഗാങ്ഗം യാനേ വിഹങ്ഗം ശയനേ ഭുജങ്ഗം ॥ 8 ॥
രങ്ഗനാഥാഷ്ടകം പുണ്യം പ്രാതരുത്ഥായ യഃ പഠേത് ।
സര്‍വാന്‍ കാമാനവാപ്നോതി രങ്ഗിസായുജ്യമാപ്നുയാത് ॥
॥ ഇതി ശ്രീമച്ഛങ്കരാചാര്യവിരചിതം ശ്രീരങ്ഗനാഥാഷ്ടകം സമ്പൂര്‍ണം ॥
– Chant Stotra in Other Languages –
Sree Ranganatha Ashtakam » Sri Ranganatha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil