॥ Sri Ranganatha Ashtakam Telugu Lyrics ॥
॥ రఙ్గనాథాష్టకమ్ ॥
ఆనన్దరూపే నిజబోధరూపే బ్రహ్మస్వరూపే శ్రుతిమూర్తిరూపే ।
శశాఙ్కరూపే రమణీయరూపే శ్రీరఙ్గరూపే రమతాం మనో మే ॥ ౧ ॥
కావేరితీరే కరుణావిలోలే మన్దారమూలే ధృతచారుచేలే ।
దైత్యాన్తకాలేఽఖిలలోకలీలే శ్రీరఙ్గలీలే రమతాం మనో మే ॥ ౨ ॥
లక్ష్మీనివాసే జగతాం నివాసే హృత్పద్మవాసే రవిబిమ్బవాసే ।
కృపానివాసే గుణబృన్దవాసే శ్రీరఙ్గవాసే రమతాం మనో మే ॥ ౩ ॥
బ్రహ్మాదివన్ద్యే జగదేకవన్ద్యే ముకున్దవన్ద్యే సురనాథవన్ద్యే ।
వ్యాసాదివన్ద్యే సనకాదివన్ద్యే శ్రీరఙ్గవన్ద్యే రమతాం మనో మే ॥ ౪ ॥
బ్రహ్మాధిరాజే గరుడాధిరాజే వైకుణ్ఠరాజే సురరాజరాజే ।
త్రైలోక్యరాజేఽఖిలలోకరాజే శ్రీరఙ్గరాజే రమతాం మనో మే ॥ ౫ ॥
అమోఘముద్రే పరిపూర్ణనిద్రే శ్రీయోగనిద్రే ససముద్రనిద్రే ।
శ్రితైకభద్రే జగదేకనిద్రే శ్రీరఙ్గభద్రే రమతాం మనో మే ॥ ౬ ॥
స చిత్రశాయీ భుజగేన్ద్రశాయీ నన్దాఙ్కశాయీ కమలాఙ్కశాయీ ।
క్షీరాబ్ధిశాయీ వటపత్రశాయీ శ్రీరఙ్గశాయీ రమతాం మనో మే ॥ ౭ ॥
ఇదం హి రఙ్గం త్యజతామిహాఙ్గమ్ పునర్నచాఙ్కం యది చాఙ్గమేతి ।
పాణౌ రథాఙ్గం చరణేమ్బు గాఙ్గమ్ యానే విహఙ్గం శయనే భుజఙ్గమ్ ॥ ౮ ॥
రఙ్గనాథాష్టకం పుణ్యమ్ ప్రాతరుత్థాయ యః పఠేత్ ।
సర్వాన్ కామానవాప్నోతి రఙ్గిసాయుజ్యమాప్నుయాత్ ॥
॥ ఇతి శ్రీమచ్ఛఙ్కరాచార్యవిరచితం శ్రీరఙ్గనాథాష్టకం సమ్పూర్ణమ్ ॥
– Chant Stotra in Other Languages –
Sree Ranganatha Ashtakam » Sri Ranganatha Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil