॥ শ্রীরঙ্গনাথপঞ্চকং স্তোত্রম্ Bengali Lyrics ॥
কদাহং কাবেরীতটপরিসরে রঙ্গনগরে
শয়ানং ভোগীন্দ্রে শতমখমণিশ্শ্যামলরুচিম্ ।
উপাসীনঃ ক্রোশন্মধুমথননারায়ণ হরে
মুরারে গোবিন্দেত্যনিশমনুনেষ্যমি দিবসান্ ॥ ১॥
কদাহং কাবেরীবিমলসলিলে বীতকলুষো
ভবেয়ং তত্তীরে শ্রমমুষি বসেয়ং ঘনবনে ।
কদা বা তত্পুণ্যে মহতি পুলিনে মঙ্গলগুণং
ভজেয়ং রঙ্গেশং কমলনয়নং শেষশয়নম্ ॥ ২॥
পূগীকণ্ঠদ্বয়সসরসস্নিগ্ধনীরোপকণ্ঠা-
মাবির্মোদাস্তিমিতিশকুনানূদিতব্রহ্মঘোষাম্ ।
মার্গে মার্গে পথিকনিবহৈরুধ্যমানাপবর্গাং
পশ্যেয়ং তাং পুনরপি পুরীং শ্রীমতীং রঙ্গধাম্নঃ ॥ ৩॥
কস্তূরীকলিতোর্দ্ধ্বপুণ্ড্রতিলকং কর্ণান্তলোলেক্ষণং
মুগ্ধস্মেরমনোহরাধরদলং মুক্তাকিরীটোজ্জ্বলম্ ।
পশ্যন্মানস পশ্যতোহরতরং পর্যায়পঙ্কেরুহং
শ্রীরঙ্গাধিপতেঃ কদানুবদনং সেবেয় ভূয়োপ্যহম্ ॥ ৪॥
ন জাতু পীতামৃতমূর্চ্ছিতানাং নাকৌকসাং নন্দনবাটিকাসু ।
রঙ্গেশ্বর ত্বত্পুরমাশ্রিতানাং রথ্যাসুনামন্যতমো ভবেয়ম্ ॥ ৫॥
ইতি শ্রীরঙ্গনাথপঞ্চকং স্তোত্রং সম্পূর্ণম্ ॥
শ্রীরাধাকৃষ্ণার্পণমস্তু ॥