॥ Sri Ruchirashtakam 1 Kannada Lyrics ॥
॥ ಶ್ರೀರುಚಿರಾಷ್ಟಕಮ್ 1 ॥
ಸರ್ವತ್ರ ಯಃ ಪ್ರಕಟಯನ್ ಭುವಿ ಸದ್ಗುಣಾನ್ ಸ್ವಾನ್
ಶ್ರೀವಿಠ್ಠಲೋ ಹರಿರಿಹ ಸ್ವಯಮೇವ ಯೋಽಭೂತ್ ।
ತಂ ನಿತ್ಯಕಾನ್ತಮಥ ಸರ್ವಗುಣೈಕರೂಪಂ
ಶ್ರೀವಲ್ಲಭಪ್ರಭುಮಹಂ ಸತತಂ ಸ್ಮರಾಮಿ ॥ 1 ॥
ರೂಪಾಮೃತಾನಿ ನಿಜಸೇವಿಜನಾಯ ದಾತುಂ
ಯಃ ಸನ್ದಧಾರ ಸ ಹಿ ಲೌಕಿಕಚಾರುದೇಹಮ್ ।
ಆನನ್ದಮಾತ್ರನಿಖಿಲಾವಯವಸ್ವರೂಪಂ
ಭೂಯೋ ಭಜಾಮಿ ಸುಭಗಂ ಭುವಿ ಗೋಕುಲೇಶಮ್ ॥ 2 ॥
ಪುಷ್ಪೋಚಿತಸ್ಮಿತಲಸಲ್ಲಲನಾಲತಾಭಿ-
ರಾಲಿಂಗಿತಂ ನಿಜಜನೇಪ್ಸಿತಸತ್ಫಲಾಢ್ಯಮ್ ।
ಶೃಂಗಾರಕಲ್ಪತರುಮತ್ರ ಕಮಪ್ಯನಲ್ಪಂ
ಶ್ರೀಗೋಕುಲೋದಿತಮಹಂ ಸತತಂ ಭಜಾಮಿ ॥ 3 ॥
ಯೋಷಿದ್ಭಿರದ್ಭುತಮಶೇಷಹೃಷೀಕಪಾತ್ರೈಃ
ಪೇಪೀಯಮಾನಪರಿಪೂರ್ಣರಸಸ್ವರೂಪಮ್ ।
ಬ್ರಹ್ಮಾದಿದುರ್ಲಭಮನನ್ಯಜನೈಕಲಭ್ಯಂ
ಶ್ರೀವಲ್ಲಭಂ ತಮನಿಶಂ ಸುಭಗಂ ಭಜಾಮಿ ॥ 4 ॥
ಸೌಭಾಗ್ಯಭೂಮಿಜನಿತಂ ತ್ರಿಜಗದ್ವಧೂನಾಂ
ಲಾವಣ್ಯಸಿನ್ಧುಲಹರೀಪರಿಷಿಕ್ತಗಾತ್ರಮ್ ।
ಶೃಂಗಾರಶೇಖರಮನನ್ತಯಶಃಸ್ವರೂಪಂ
ಶ್ರೀಗೋಕುಲೇಶ್ವರಮೇವ ಸದಾ ಭಜಾಮಿ ॥ 5 ॥
ಸೌನ್ದರ್ಯಪದ್ಮಮಧುವಂಚಿತಮಾನಸೈಸ್ತು
ಸಂಸೇವಿತಂ ಮಧುಕರೈಃ ಕ್ಷಿತಿಸುನ್ದರೀಣಾಮ್ ।
ಆನನ್ದಕನ್ದಮರವಿನ್ದದಲಾಯತಾಕ್ಷಂ
ತಂ ಗೋಕುಲಾವನಿಗತಂ ನಿಭೃತಂ ಭಜಾಮಿ ॥ 6 ॥
ಶೃಂಗಾರಸಾರನಿಜರೂಪರಸಂ ಪದಾಬ್ಜಂ
ಭೃಂಗಾಯಿತೇಭ್ಯ ಇಹ ಪಾಯಯಿತುಂ ಜನೇಭ್ಯಃ ।
ಸೌನ್ದರ್ಯಸೀಮನಿಕಷಂ ದಧತಂ ಸ್ವವೇಶಂ
ಶ್ರೀಗೋಕುಲೇಶಮನಿಶಂ ತಮಹಂ ಭಜಾಮಿ ॥ 7 ॥
ಶೃಂಗಾರಮೇವ ವನಿತೋತ್ಸವಮೂರ್ಮಿನ್ತಂ
ಭಾಗ್ಯೇನ ಕೇನಚಿದಿಹಾವತರನ್ತಮುರ್ವ್ಯಾಮ್ ।
ಶ್ರೀವಿಠ್ಠಲಾಂಗಜನುಪಂ ಸ್ವಕುಲಾವತಂಸೇ
ಸನ್ತಂ ಭಜಾಮಿ ಸತತಂ ಪ್ರಭುಗೋಕುಲೇಶಮ್ ॥ 8 ॥
ಇತ್ಥಂ ಪ್ರಭೋರ್ನಿಜಪ್ರಭಾತುಲಮಾತುಲಸ್ಯ
ಶ್ರೀವಲ್ಲಭಸ್ಯ ರುಚಿರಾಷ್ಟಕಮಾದರೇಣ ।
ಶ್ರೀಕೃಷ್ಣರಾಯಕೃತಮಿಷ್ಟದಮೇತದೀಯ-
ಪಾದಾರವಿನ್ದಯುಗಲಸ್ಮರಣೇನ ಜಪ್ಯಮ್ ॥ 9 ॥
ಇತಿ ಶ್ರೀಕೃಷ್ಣರಾಯವಿರಚಿತಂ ರುಚಿರಾಷ್ಟಕಂ ಸಮಾಪ್ತಮ್ ।
– Chant Stotra in Other Languages –
Sri Ruchir Ashtakam 1 Lyrics in Sanskrit » English » Bengali » Gujarati » Malayalam » Odia » Telugu » Tamil