॥ Sri Ruchirashtakam 1 Odia Lyrics ॥
॥ ଶ୍ରୀରୁଚିରାଷ୍ଟକମ୍ ୧ ॥
ସର୍ଵତ୍ର ୟଃ ପ୍ରକଟୟନ୍ ଭୁଵି ସଦ୍ଗୁଣାନ୍ ସ୍ଵାନ୍
ଶ୍ରୀଵିଠ୍ଠଲୋ ହରିରିହ ସ୍ଵୟମେଵ ୟୋଽଭୂତ୍ ।
ତଂ ନିତ୍ୟକାନ୍ତମଥ ସର୍ଵଗୁଣୈକରୂପଂ
ଶ୍ରୀଵଲ୍ଲଭପ୍ରଭୁମହଂ ସତତଂ ସ୍ମରାମି ॥ ୧ ॥
ରୂପାମୃତାନି ନିଜସେଵିଜନାୟ ଦାତୁଂ
ୟଃ ସନ୍ଦଧାର ସ ହି ଲୌକିକଚାରୁଦେହମ୍ ।
ଆନନ୍ଦମାତ୍ରନିଖିଲାଵୟଵସ୍ଵରୂପଂ
ଭୂୟୋ ଭଜାମି ସୁଭଗଂ ଭୁଵି ଗୋକୁଲେଶମ୍ ॥ ୨ ॥
ପୁଷ୍ପୋଚିତସ୍ମିତଲସଲ୍ଲଲନାଲତାଭି-
ରାଲିଙ୍ଗିତଂ ନିଜଜନେପ୍ସିତସତ୍ଫଲାଢ୍ୟମ୍ ।
ଶୃଙ୍ଗାରକଲ୍ପତରୁମତ୍ର କମପ୍ୟନଲ୍ପଂ
ଶ୍ରୀଗୋକୁଲୋଦିତମହଂ ସତତଂ ଭଜାମି ॥ ୩ ॥
ୟୋଷିଦ୍ଭିରଦ୍ଭୁତମଶେଷହୃଷୀକପାତ୍ରୈଃ
ପେପୀୟମାନପରିପୂର୍ଣରସସ୍ଵରୂପମ୍ ।
ବ୍ରହ୍ମାଦିଦୁର୍ଲଭମନନ୍ୟଜନୈକଲଭ୍ୟଂ
ଶ୍ରୀଵଲ୍ଲଭଂ ତମନିଶଂ ସୁଭଗଂ ଭଜାମି ॥ ୪ ॥
ସୌଭାଗ୍ୟଭୂମିଜନିତଂ ତ୍ରିଜଗଦ୍ଵଧୂନାଂ
ଲାଵଣ୍ୟସିନ୍ଧୁଲହରୀପରିଷିକ୍ତଗାତ୍ରମ୍ ।
ଶୃଙ୍ଗାରଶେଖରମନନ୍ତୟଶଃସ୍ଵରୂପଂ
ଶ୍ରୀଗୋକୁଲେଶ୍ଵରମେଵ ସଦା ଭଜାମି ॥ ୫ ॥
ସୌନ୍ଦର୍ୟପଦ୍ମମଧୁଵଞ୍ଚିତମାନସୈସ୍ତୁ
ସଂସେଵିତଂ ମଧୁକରୈଃ କ୍ଷିତିସୁନ୍ଦରୀଣାମ୍ ।
ଆନନ୍ଦକନ୍ଦମରଵିନ୍ଦଦଲାୟତାକ୍ଷଂ
ତଂ ଗୋକୁଲାଵନିଗତଂ ନିଭୃତଂ ଭଜାମି ॥ ୬ ॥
ଶୃଙ୍ଗାରସାରନିଜରୂପରସଂ ପଦାବ୍ଜଂ
ଭୃଙ୍ଗାୟିତେଭ୍ୟ ଇହ ପାୟୟିତୁଂ ଜନେଭ୍ୟଃ ।
ସୌନ୍ଦର୍ୟସୀମନିକଷଂ ଦଧତଂ ସ୍ଵଵେଶଂ
ଶ୍ରୀଗୋକୁଲେଶମନିଶଂ ତମହଂ ଭଜାମି ॥ ୭ ॥
ଶୃଙ୍ଗାରମେଵ ଵନିତୋତ୍ସଵମୂର୍ମିନ୍ତଂ
ଭାଗ୍ୟେନ କେନଚିଦିହାଵତରନ୍ତମୁର୍ଵ୍ୟାମ୍ ।
ଶ୍ରୀଵିଠ୍ଠଲାଙ୍ଗଜନୁପଂ ସ୍ଵକୁଲାଵତଂସେ
ସନ୍ତଂ ଭଜାମି ସତତଂ ପ୍ରଭୁଗୋକୁଲେଶମ୍ ॥ ୮ ॥
ଇତ୍ଥଂ ପ୍ରଭୋର୍ନିଜପ୍ରଭାତୁଲମାତୁଲସ୍ୟ
ଶ୍ରୀଵଲ୍ଲଭସ୍ୟ ରୁଚିରାଷ୍ଟକମାଦରେଣ ।
ଶ୍ରୀକୃଷ୍ଣରାୟକୃତମିଷ୍ଟଦମେତଦୀୟ-
ପାଦାରଵିନ୍ଦୟୁଗଲସ୍ମରଣେନ ଜପ୍ୟମ୍ ॥ ୯ ॥
ଇତି ଶ୍ରୀକୃଷ୍ଣରାୟଵିରଚିତଂ ରୁଚିରାଷ୍ଟକଂ ସମାପ୍ତମ୍ ।
– Chant Stotra in Other Languages –
Sri Ruchir Ashtakam 1 Lyrics in Sanskrit » English » Bengali » Gujarati » Kannada » Malayalam » Telugu » Tamil