॥ Sri Ruchirashtakam 1 Telugu Lyrics ॥
॥ శ్రీరుచిరాష్టకమ్ ౧ ॥
సర్వత్ర యః ప్రకటయన్ భువి సద్గుణాన్ స్వాన్
శ్రీవిఠ్ఠలో హరిరిహ స్వయమేవ యోఽభూత్ ।
తం నిత్యకాన్తమథ సర్వగుణైకరూపం
శ్రీవల్లభప్రభుమహం సతతం స్మరామి ॥ ౧ ॥
రూపామృతాని నిజసేవిజనాయ దాతుం
యః సన్దధార స హి లౌకికచారుదేహమ్ ।
ఆనన్దమాత్రనిఖిలావయవస్వరూపం
భూయో భజామి సుభగం భువి గోకులేశమ్ ॥ ౨ ॥
పుష్పోచితస్మితలసల్లలనాలతాభి-
రాలిఙ్గితం నిజజనేప్సితసత్ఫలాఢ్యమ్ ।
శృఙ్గారకల్పతరుమత్ర కమప్యనల్పం
శ్రీగోకులోదితమహం సతతం భజామి ॥ ౩ ॥
యోషిద్భిరద్భుతమశేషహృషీకపాత్రైః
పేపీయమానపరిపూర్ణరసస్వరూపమ్ ।
బ్రహ్మాదిదుర్లభమనన్యజనైకలభ్యం
శ్రీవల్లభం తమనిశం సుభగం భజామి ॥ ౪ ॥
సౌభాగ్యభూమిజనితం త్రిజగద్వధూనాం
లావణ్యసిన్ధులహరీపరిషిక్తగాత్రమ్ ।
శృఙ్గారశేఖరమనన్తయశఃస్వరూపం
శ్రీగోకులేశ్వరమేవ సదా భజామి ॥ ౫ ॥
సౌన్దర్యపద్మమధువఞ్చితమానసైస్తు
సంసేవితం మధుకరైః క్షితిసున్దరీణామ్ ।
ఆనన్దకన్దమరవిన్దదలాయతాక్షం
తం గోకులావనిగతం నిభృతం భజామి ॥ ౬ ॥
శృఙ్గారసారనిజరూపరసం పదాబ్జం
భృఙ్గాయితేభ్య ఇహ పాయయితుం జనేభ్యః ।
సౌన్దర్యసీమనికషం దధతం స్వవేశం
శ్రీగోకులేశమనిశం తమహం భజామి ॥ ౭ ॥
శృఙ్గారమేవ వనితోత్సవమూర్మిన్తం
భాగ్యేన కేనచిదిహావతరన్తముర్వ్యామ్ ।
శ్రీవిఠ్ఠలాఙ్గజనుపం స్వకులావతంసే
సన్తం భజామి సతతం ప్రభుగోకులేశమ్ ॥ ౮ ॥
ఇత్థం ప్రభోర్నిజప్రభాతులమాతులస్య
శ్రీవల్లభస్య రుచిరాష్టకమాదరేణ ।
శ్రీకృష్ణరాయకృతమిష్టదమేతదీయ-
పాదారవిన్దయుగలస్మరణేన జప్యమ్ ॥ ౯ ॥
ఇతి శ్రీకృష్ణరాయవిరచితం రుచిరాష్టకం సమాప్తమ్ ।
– Chant Stotra in Other Languages –
Sri Ruchir Ashtakam 1 Lyrics in Sanskrit » English » Bengali » Gujarati » Kannada » Malayalam » Odia » Tamil