॥ Bhringiritisamhita’s Rudrasahasranama Stotram Bengali Lyrics ॥
॥ শ্রীরুদ্রসহস্রনামস্তোত্রং ভৃঙ্গিরিটিসংহিতায়াম্ ॥
॥ পূর্বপীঠিকা ॥
কৈলাসাচলশৃঙ্গাগ্রে রত্নসিংহাসনে স্থিতম্ ।
পার্বত্যা সহিতং দেবং শিবং বেদান্তবর্ণিতম্ ॥ ১ ॥
কদাচিদ্ভগবান্বিষ্ণুঃ আগত্য পরয়া মুদা ।
তুষ্টাব বিবিধৈস্স্তোত্রৈঃ ভগবন্তমুমাপতিম্ ॥ ২ ॥
মহাদেব! মহাদেব! মহাদেব! দয়ানিধে! ।
ভবানেব ভবানেব ভবানেব গতির্মম ॥ ৩ ॥
স্রষ্টারোঽপি প্রজানাং প্রবলভবভয়াদ্যং নমস্যন্তি দেবাঃ
য়শ্চিত্তে সম্প্রবিষ্টোঽপ্যবহিতমনসাং ধ্যানয়ুক্তাত্মনাং চ ।
লোকানামাদিদেবঃ স জয়তু ভগবন্শ্রীভবানীসমেতঃ
বিভ্রাণঃ সোমলেখামহিবলয়বরং গাঙ্গচন্দ্রৌ কপালম্ ॥ ৪ ॥
নমশ্শিবায় সাম্বায় সগণায় সসূনবে ।
সনন্দিনে সগঙ্গায় সবৃষায় নমো নমঃ ॥ ৫ ॥
স্বর্ণাসনায় সৌম্যায় শক্তিশূলধরায় চ ।
নমো দিক্চর্মবস্ত্নায় ঈশানায় নমো নমঃ ॥ ৬ ॥
ব্রহ্মণে ব্রহ্মদেহায় নমস্তত্পুরুষায় তে ।
নমোঽন্ধকবিনাশায় অঘোরায় নমো নমঃ ॥ ৭ ॥
রুদ্রায় পঞ্চবক্ত্রায় বামদেবায় তে নমঃ ।
সর্বরোগবিনাশায় সদ্যোজাতায় তে নমঃ ॥ ৮ ॥
গিরিশায় সুদেহায় সুন্দরায় নমো নমঃ ।
ভীমায়োগ্রস্বরূপায় বিজয়ায় নমো নমঃ ॥ ৯ ॥
সুরাসুরাধিপতয়ে অনন্তায় নমো নমঃ ।
সূক্ষ্মায় বহ্নিহস্তায় বরখট্বাঙ্গধারিণে ॥ ১০ ॥
শিবোত্তমায় ভর্গায় বিরূপাক্ষায় তে নমঃ ।
শান্তায় চ তমোঘ্নায় একনেত্রায় তে নমঃ ॥ ১১ ॥
বেধসে বিশ্বরূপায় একরুদ্রায় তে নমঃ ।
ভক্তানুকম্পিনেঽত্যর্থং নমস্তেঽস্তু ত্রিমূর্তয়ে ॥
শ্রীকণ্ঠায় নমস্তেঽস্তু রুদ্রাণাং শতধারিণে ॥ ১২ ॥
পঞ্চাস্যায় শুভাস্যায় নমস্তেঽস্তু শিখণ্ডিনে ।
এবং স্তুতো মহাদেবঃ প্রাহ গম্ভীরয়া গিরা ॥ ১৩ ॥
কিং তবেষ্টং মম পুরো বদ বিষ্ণো ! প্রিয়ংকর ! ।
ইত্যুক্তঃ কমলাক্ষস্তু শিবং প্রাহ রমাপতিঃ ॥ ১৪ ॥
লোকানাং রক্ষণে তাবত্ নিয়ুক্তো ভবতা হ্যহম্ ।
তদ্রক্ষণে য়থাশক্তো ভবেয়ং চ তথা কুরু ॥ ১৫ ॥
অসুরাণাং বধার্থায় বলং দেহি বপুষ্ষু মে ।
রুদ্রনামসহস্রং চ তদর্থং বদ মে প্রভো ॥ ১৬ ॥
ইতি সম্প্রার্থিতস্তেন মাধবেন মহেশ্বরঃ ।
প্রোবাচ রুদ্রনামানি তন্মাহাত্ম্যস্য সঙ্গ্রহম্ ॥ ১৭ ॥
অজৈকপাদহির্বুধ্ন্যঃ ত্বষ্টা প্রোক্তস্তৃতীয়গঃ ।
বিশ্বরূপহরশ্চৈব বহুরূপস্ত্রিয়ম্বকঃ ॥ ১৮ ॥
অপরাজিতস্সপ্তমশ্চ অষ্টমশ্চ বৃষাকপিঃ ।
শম্ভুঃ কপর্দী দশমঃ রৈবত একাদশঃ স্মৃতঃ ॥ ১৯ ॥
ইত্যেকাদশরুদ্রাণাং নামানি কথিতানি তে ।
জামাতারমনাহূয় শিবং শান্তিং পিনাকিনম্ ॥ ২০ ॥
য়জ্ঞমারব্ধবান্দক্ষঃ মামেকং চ সতীপতিম্ ।
ইতি বিজ্ঞায় সঙ্ক্রুদ্ধঃ ভগবান্সোমশেখরঃ ॥ ২১ ॥
প্রলয়াগ্রিপ্রভো রুদ্রঃ সহস্রশিরসান্বিতঃ ।
দ্বিসহস্রকরো দীর্ঘঃ সকলায়ুধপাণিমান্ ॥ ২২ ॥
অট্টহাসকরো ভীমঃ দ্বিসহস্রাক্ষিসংয়ুতঃ ।
মহোগ্রনর্তনাভিজ্ঞঃ সর্বসংহারতাণ্ডবঃ ॥ ২৩ ॥
দক্ষাধ্বরং নাশিতবান্ ততো দেবাঃ পলায়িতাঃ ।
অতঃ শ্রীরুদ্রদেবস্য পূজনাত্সর্বদেবতাঃ ॥ ২৪ ॥
প্রীতাশ্চ বরদানে য়াঃ সুমুখ্যশ্চ ভবন্তি তাঃ ।
তস্মাত্ত্বমপি দেবেশং রুদ্রং সম্পূজয়াধুনা ॥ ২৫ ॥
তাত্পূজনোপকারায় তন্নামানি বদামি তে ।
শৃণু ত্বং শ্রদ্ধয়োপেতঃ তন্নামানি বরাণি চ ॥ ২৬ ॥
ইত্যুক্ত্বা ভগবান্দেবো বিষ্ণবে প্রভবিষ্ণবে ।
রুদ্রস্যারম্ভমন্ত্রোঽয়ং প্রণবঃ পরিকীর্তিতঃ ॥ ২৭ ॥
ততো নমশ্চেতি পরং ভগবতে চ ততঃ পরম্ ।
রুদ্রায়েতি ততঃ পশ্চাত্ মন্ত্রক্রম উদীরিতঃ ॥ ২৮ ॥
প্রত্যক্ষরং নামশতং সহসং ক্রমশো ভবেত্ ।
রুদ্রনামাং সহস্রং চ উপদিশ্যান্তর্দধে প্রভুঃ ॥ ২৯ ॥
॥ ন্যাসঃ ॥
অস্য শ্রীরুদ্রসহস্রনামস্তোত্রমহামন্ত্রস্য ।
ভগবান্ মহাদেব ঋষিঃ । দেবীগায়ত্রীছন্দঃ ।
সর্বসংহারকর্তা শ্রীরুদ্রো দেবতা । শ্রীংবীজম্ । রুং শক্তিঃ ।
দ্রং কীলকম্ । শ্রীরুদ্র প্রসাদসিদ্ধয়র্থে জপে বিনিয়োগঃ ।
ওঁ অঙ্গুষ্ঠাভ্যাং নমঃ । নং তর্জনীভ্যাং নমঃ ।
মং মধ্যমাভ্যাং নমঃ । ভং অনামিকাভ্যাং নমঃ ।
গং কনিষ্ঠিকাভ্যাং নমঃ । বং করতলকরপৃষ্ঠাভ্যাং নমঃ ।
তেং হৃদয়ায় নমঃ । রুং শিরসে স্বাহা । দ্রাং শিখায়ৈ বষট্ ।
য়ং কবচায় হুম্ । ওঁ নেত্রত্রয়ায় বৌষট্ । শ্রীং অস্ত্রায় ফট্ ।
ভূর্ভুবস্সুবরোমিতি দিগ্বন্ধঃ ।
॥ ধ্যানম্ ॥
নেত্রাণাং দ্বিসহস্রকৈঃ পরিবৃতমত্যুগ্রচর্মাম্বরং
হেমাভং গিরিশং সহস্রশিরসং আমুক্তকেশান্বিতম্ ।
ঘণ্টামণ্ডিতপাদপদ্ময়ুগলং নাগেন্দ্রকুম্ভোপরি
তিষ্ঠন্তং দ্বিসহস্রহস্তমনিশং ধ্যায়ামি রুদ্রং পরম্ ॥
॥ পঞ্চপূজা ॥
লং পৃথিব্যাত্মনে গন্ধং সমর্পয়ামি ।
হং আকাশাত্মনে পুষ্পাণি সমর্পয়ামি ।
য়ং বায়্বাত্মনে ধূপমাঘ্রাপয়ামি ।
রং বহ্ন্যাত্মনে দীপং দর্শয়ামি ।
বং অমৃতাত্মনে অমৃতং নিবেদয়ামি ।
সং সর্বাত্মনে সর্বোপচারান্সমর্পয়ামি ।
সহস্রনামস্তোত্র পারায়ণসমাপ্তৌ অঙ্গন্যাসমাত্রং কৃত্বা
ধ্যাত্বা দিগ্বিমোকং, লমিত্যাদি পঞ্চপূজাং চ কুর্যাত্ ॥
॥ অথ শ্রীরুদ্রসহস্রনামস্তোত্রম্ ॥
। ওঁ নমো ভগবতে রুদ্রায় ।
ওঁ ঐং হ্রীং জপস্তুত্যঃ ওঁ নমঃ পদবাচকঃ ।
ওঁকারকর্তা চোংকারবেত্তা চোংকারবোধকঃ ॥ ১
ওঁকারকন্দরাসিংহঃ ওঁকারজ্ঞানবারিধিঃ ।
ওঁকারকন্দাকুরিকঃ ওঁকারবদনোজ্জ্বলঃ ॥ ২ ॥
ওঁকারকাকুদশ্চায়ং ওঁকারপদবাচকঃ ।
ওঁকারকুণ্ডসপ্তার্চিঃ ওঁকারাবালকল্পকঃ ॥ ৩ ॥
ওঁকারকোকমিহিরঃ ওঁকারশ্রীনিকেতনঃ ।
ওঁকারকণ্ঠশ্চোংকারস্কন্ধশ্চোংকারদোর্যুগঃ ॥ ৪ ॥
ওঁকারচরণদ্বন্দ্বঃ ওঁকারমণিপাদুকঃ ।
ওঁকারচক্ষুশ্চোঞ্কারশ্রুতিশ্চোঞ্কারভ্রূর্যুগঃ ॥ ৫ ॥
ওঁকারজপসুপ্রীতঃ ওঁকারৈকপরায়ণঃ ।
ওঁকারদীর্ঘিকাহংসশ্চোঞ্কারজপতারকঃ ॥ ৬ ॥
ওঁকারপদতত্ত্বার্থঃ ওঁকারাম্ভোধিচন্দ্রমাঃ ।
ওঁকারপীঠমধ্যস্থঃ ওঁকারার্থপ্রকাশকঃ ॥ ৭ ॥
ওঁকারপূজ্যশ্চোঞ্কারস্থিতশ্চোঞ্কারসুপ্রভুঃ ।
ওঁকারপৃষ্ঠশ্চোঞ্কারকটিশ্চোঞ্কারমধ্যমঃ ॥ ৮ ॥
ওঁকারপেটকমণিঃ ওঁকারাভরণোজ্জ্বলঃ ।
ওঁকারপঞ্জরশুকঃ ওঁকারার্ণবমৌক্তিকঃ ॥ ৯ ॥
ওঁকারভদ্রপীঠস্থঃ ওঁকারস্তুতবিগ্রহঃ ।
ওঁকারভানুকিরণঃ ওঁকারকমলাকরঃ ॥ ১০ ॥
ওঁকারমণিদীপার্চিঃ ওঁকারবৃষবাহনঃ ।
ওঁকারময়সর্বাঙ্গ ওঁকারগিরিজাপতিঃ ॥ ১১ ॥
ওঁকারমাকন্দবিকঃ ওঁকারাদর্শবিম্বিতঃ ।
ওঁকারমূর্তিশ্চোংকারনিধিশ্চোংকারসন্নিভঃ ॥ ১২ ॥
ওঁকারমূর্ধা চোংকারফালশ্চোংকারনাসিকঃ ।
ওঁকারমণ্ডপাবাসঃ ওঁকারাঙ্গণদীপকঃ ॥ ১৩ ॥
ওঁকারমৌলিশ্চোংকারকেলিশ্চোংকারবারিধিঃ ।
ওঁকারারণ্যহরিণঃ ওঁকারশশিশেখরঃ ॥ ১৪ ॥
ওঁকারারামমন্দারঃ ওঁকারব্রহ্মবিত্তমঃ ।
ওঁকাররূপশ্চোংকারবাচ্য ওঁকারচিন্তকঃ ॥ ১৫ ॥
ওঁকারোদ্যানবর্হীচ ওঁকারশরদম্বুদঃ ।
ওঁকারবক্ষাশ্চোংকার কুক্ষিশ্চোংকারপার্শ্বকঃ ॥ ১৬ ॥
ওঁকারবেদোপনিষত্ ওঁকারাধ্বরদীক্ষিতঃ ।
ওঁকারশেখরশ্চৈব তথা চোংকারবিশ্বকঃ ॥ ১৭ ॥
ওঁকারসক্যিশ্চোংকারজানুশ্চোংকারগুল্ফকঃ ।
ওঁকারসারসর্বস্বঃ ওঁকারসুমষট্পদঃ ॥ ১৮ ॥
ওঁকারসৌধনিলয়ঃ ওঁকারাস্থাননর্তকঃ ।
ওঁকারহনুরেবায়ং ওঁকারবটু রীরিতঃ ॥ ১৯ ॥
ওঁকারজ্ঞেয় এবায়ং তথা চোংকারপেশলঃ ।
ওঁ নং বীজজপপ্রীতঃ ওঁ য়োং ভংমংস্বরূপকঃ ॥ ২০ ॥
ওঁপদাতীতবস্ত্বংশঃ ওমিত্যেকাক্ষরাত্পরঃ ।
ওঁপদেন চ সংস্তব্যঃ ওঁকারধ্যেয় এব চ ॥ ২১ ॥
ওঁ য়ং বীজজপারাধ্যঃ ওঁকারনগরাধিপঃ ।
ওঁ বং তেং বীজসুলভঃ ওঁ রুং দ্রাং বীজতত্পরঃ ॥ ২২ ॥
ওঁ শিবায়েতি সঞ্জপ্যঃ ওঁ হ্রীং শ্রীং বীজসাধকঃ ।
নকাররূপো নাদান্তো নারায়ণসমাশ্রিতঃ ॥ ২৩ ॥
নগপ্রবরমধ্যস্থো নমস্কারপ্রিয়ো নটঃ ।
নগেন্দ্রভূষণো নাগবাহনো নন্দিবাহনঃ ॥ ২৪ ॥
নন্দিকেশসমারাধ্যো নন্দনো নন্দিবর্ধনঃ ।
নরকক্লেশশমনো নিমেষো নিরুপদ্রবঃ ॥ ২৫ ॥
নরসিংহার্চিতপদঃ নবনাগনিষেবিতঃ ।
নবগ্রহার্চিতপদো নবসূত্রবিধানবিত্ ॥ ২৬ ॥
নবচন্দনলিপ্তাঙ্গো নবচন্দ্রকলাধরঃ ।
নবনীত প্রিয়াহারো নিপুণো নিপুণপ্রিয়ঃ ॥ ২৭ ॥
নবব্রহ্মার্চিতপদো নগেন্দ্রতনয়াপ্রিয়ঃ ।
নবভস্মবিদিগ্ধাঙ্গো নববন্ধবিমোচকঃ ॥ ২৮ ॥
নববস্ত্রপরীধানো নবরত্নবিভূষিতঃ ।
নবসিদ্ধসমারাধ্যো নামরূপবিবর্জিতঃ ॥ ২৯ ॥
নাকেশপূজ্যো নাদাত্মা নির্লেপো নিধনাধিপঃ ।
নাদপ্রিয়ো নদীভর্তা নরনারায়ণার্চিতঃ ॥ ৩০ ॥
নাদবিন্দুকলাতীতঃ নাদবিন্দুকলাত্মকঃ ।
নাদাকারো নিরাধারো নিষ্প্রভো নীতিবিত্তমঃ ॥ ৩১ ॥
নানাক্রতুবিধানজ্ঞো নানাভীষ্টবরপ্রদঃ ।
নামপারায়ণপ্রীতো নানাশাস্রবিশারদঃ ॥ ৩২ ॥
নারদাদি সমারাধ্যো নবদুর্গার্চনপ্রিয়ঃ ।
নিখিলাগম সংসেব্যো নিগমাচারতত্পরঃ ॥ ৩৩ ॥
নিচেরুর্নিষ্ক্রিয়ো নাথো নিরীহো নিধিরূপকঃ ।
নিত্যক্রুদ্ধো নিরানন্দো নিরাভাসো নিরাময়ঃ ॥ ৩৪ ॥
নিত্যানপায়মহিমা নিত্যবুদ্ধো নিরংকুশঃ ।
নিত্যোত্সাহো নিত্যনিত্যো নিত্যানন্দ স্বরূপকঃ ॥ ৩৫ ॥
নিরবদ্যো নিশুম্ভঘ্নো নদীরূপো নিরীশ্বরঃ ।
নির্মলো নির্গুণো নিত্যো নিরপায়ো নিধিপ্রদঃ ॥ ৩৬ ॥
নির্বিকল্পো নির্গুণস্থো নিষঙ্গী নীললোহিতঃ ।
নিষ্কলংকো নিষ্মপঞ্চো নির্দ্বন্দ্বো নির্মলপ্রভঃ ॥ ৩৭ ॥
নিস্তুলো নীলচিকুরো নিস্সঙ্গো নিত্যমঙ্গলঃ ।
নীপপ্রিয়ো নিত্যপূর্ণো নিত্যমঙ্গলবিগ্রহঃ ॥ ৩৮ ॥
নীলগ্রীবো নিরুপমো নিত্যশুদ্ধো নিরঞ্জনঃ ।
নৈমিত্তিকার্চনপ্রীতো নবর্ষিগণসেবিতঃ ॥ ৩৯ ॥
নৈমিশারণ্যনিলয়ো নীলজীমূতনিস্বনঃ ।
মকাররূপো মন্ত্রাত্মা মায়াতীতো মহানিধিঃ ॥ ৪০ ॥
মকুটাঙ্গদকেয়ূরকংকণাদিপরিষ্কৃতঃ ।
মণিমণ্ডপমধ্যস্থো মৃডানীপরিসেবিতঃ ॥ ৪১ ॥
মধুরো মধুরানাথো মীনাক্ষীপ্রাণবল্লভঃ ।
মনোন্মনো মহেষ্বাসো মান্ধানৃপতি পূজিতঃ ॥ ৪২ ॥
ময়স্করো মৃডো মৃগ্যো মৃগহস্তো মৃগপ্রিয়ঃ ।
মলয়স্থো মন্দরস্থো মলয়ানিলসেবিতঃ ॥ ৪৩ ॥
মহাকায়ো মহাবক্ত্রো মহাদংষ্ট্রো মহাহনুঃ ।
মহাকৈলাসনিলয়ো মহাকারুণ্যবারিধিঃ ॥ ৪৪ ॥
মহাগুণো মহোত্সাহো মহামঙ্গলবিগ্রহঃ ।
মহাজানুর্মহাজঙ্ঘো মহাপাদো মহানখঃ ॥ ৪৫ ॥
মহাধারো মহাধীরো মঙ্গলো মঙ্গলপ্রদঃ ।
মহাধৃতির্মহামেঘঃ মহামন্ত্রো মহাশনঃ ॥ ৪৬ ॥
মহাপাপপ্রশমনো মিতভাষী মধুপ্রদঃ ।
মহাবুদ্ধির্মহাসিদ্ধির্মহায়োগী মহেশ্বরঃ ॥ ৪৭ ॥
মহাভিষেকসন্তুষ্টো মহাকালো মহানটঃ ।
মহাভুজো মহাবক্ষাঃ মহাকুক্ষির্মহাকটিঃ ॥ ৪৮ ॥
মহাভূতিপ্রদো মান্যো মুনিবৃন্দ নিষেবিতঃ ।
মহাবীরেন্দ্রবরদো মহালাবণ্যশেবধিঃ ॥ ৪৯ ॥
মাতৃমণ্ডলসংসেব্যঃ মন্ত্রতন্ত্রাত্মকো মহান্ ।
মাধ্যন্দিনসবস্তুত্যো মখধ্বংসী মহেশ্বরঃ ॥ ৫০ ॥
মায়াবীজজপপ্রীতঃ মাষান্নপ্রীতমানসঃ ।
মার্তাণ্ডভৈরবারাধ্যো মোক্ষদো মোহিনীপ্রিয়ঃ ॥ ৫১।
মার্তাণ্ডমণ্ডলস্থশ্চ মন্দারকুসুমপ্রিয়ঃ ।
মিথিলাপুর সংস্থানো মিথিলাপতিপূজিতঃ ॥ ৫২ ॥
মিথ্যাজগদধিষ্ঠানো মিহিরো মেরুকার্মুকঃ ।
মুদ্গৌদনপ্রিয়ো মিত্রো ময়োভূর্মন্ত্রবিত্তমঃ ॥ ৫৩ ॥
মূলাধারস্থিতো মুগ্ধো মণিপূরনিবাসকঃ ।
মৃগাক্ষো মহিষারূঢো মহিষাসুরমর্দনঃ ॥ ৫৪ ॥
মৃগাঙ্কশেখরো মৃত্যুঞ্জয়ো মৃত্যুবিনাশকঃ ।
মেরুশৃঙ্গাগ্রনিলয়ো মহাশান্তো মহীস্তুতঃ ॥ ৫৫ ॥
মৌঞ্জীবদ্ধশ্চ মঘবান্মহেশো মঙ্গলপ্রদঃ ।
মঞ্জুমঞ্জীরচরণো মন্ত্রিপূজ্যো মদাপহঃ ॥ ৫৬ ॥
মংবীজ জপসন্তুষ্টঃ মায়াবী মারমর্দনঃ ।
ভক্তকল্পতরুর্ভাগ্যদাতা ভাবার্থগোচরঃ ॥ ৫৭ ॥
ভক্তচৈতন্যনিলয়ো ভাগ্যারোগ্যপ্রদায়কঃ ।
ভক্তপ্রিয়ো ভক্তিগম্যো ভক্তবশ্যো ভয়াপহঃ ॥ ৫৮ ॥
ভক্তেষ্টদাতা ভক্তার্তিভঞ্জনো ভক্তপোষকঃ ।
ভদ্রদো ভঙ্গুরো ভীষ্মো ভদ্রকালীপ্রিয়ঙ্করঃ ॥ ৫৯ ॥
ভদ্রপীঠকৃতাবাসো ভুবন্তির্ভদ্রবাহনঃ ।
ভবভীতিহরো ভর্গো ভার্গবো ভারতীপ্রিয়ঃ ॥ ৬০ ॥
ভব্যো ভবো ভবানীশো ভূতাত্মা ভূতভাবনঃ ।
ভস্মাসুরেষ্টদো ভূমা ভর্তা ভূসুরবন্দিতঃ ॥ ৬১ ॥
ভাগীরথীপ্রিয়ো ভৌমো ভগীরথসমর্চিতঃ ।
ভানুকোটিপ্রতীকাশঃ ভগনেত্রবিদারণঃ ॥ ৬২ ॥
ভালনেত্রাগ্নিসন্দগ্ধমন্মথো ভূভৃদাশ্রয়ঃ ।
ভাষাপতিস্তুতো ভাস্বান্ ভবহেতির্ভয়ংকরঃ ॥ ৬৩ ॥
ভাস্করো ভাস্করারাধ্যো ভক্তচিত্তাপহারকঃ ।
ভীমকর্মা ভীমবর্মা ভূতিভূষণভূষিতঃ ॥ ৬৪ ॥
ভীমঘণ্টাকরো ভণ্ডাসুরবিধ্বংসনোত্সুকঃ ।
ভুম্ভারবপ্রিয়ো ভ্রূণহত্যাপাতকনাশনঃ ॥ ৬৫ ॥
ভূতকৃদ্ ভূতভৃদ্ভাবো ভীষণো ভীতিনাশনঃ ।
ভূতব্রাতপরিত্রাতা ভীতাভীতভয়াপহঃ ॥ ৬৬ ॥
ভূতাধ্যক্ষো ভরদ্বাজো ভারদ্বাজসমাশ্রিতঃ ।
ভূপতিত্বপ্রদো ভীমো ভৈরবো ভীমনিস্বনঃ ॥ ৬৭ ॥
ভূভারোত্তরণো ভৃঙ্গিরিরটিসেব্যপদাম্বুজঃ ।
ভূমিদো ভূতিদো ভূতির্ভবারণ্যকুঠারকঃ ॥ ৬৮ ॥
ভূর্ভুবস্স্বঃ পতিঃ ভূপো ভিণ্ডিবালভুসুণ্ডিভৃত্ ।
ভূলোকবাসী ভূলোকনিবাসিজনসেবিতঃ ॥ ৬৯ ॥
ভূসুরারাঘনপ্রীতো ভূসুরেষ্টফলপ্রদঃ ।
ভূসুরেড্যো ভূসূরেশো ভূতভেতাল সেবিতঃ ॥ ৭০ ॥
ভৈরবাষ্টকসংসেব্যো ভৈরবো ভূমিজার্চিতঃ ।
ভোগদো ভোগভুগ্ভোগ্যো ভোগিভূষণভূষিতঃ ॥ ৭১ ॥
ভোগমার্গপ্রদো ভোগী ভোগিকুণ্ডলমণ্ডিতঃ ।
ভোগমোক্ষপ্রদো ভোক্তা ভিক্ষাচরণতত্পরঃ ॥ ৭২ ॥
গকাররূপো গণপো গুণাতীতো গুহপ্রিয়ঃ ।
গজচর্মপরীধানো গম্ভীরো গাধিপূজিতঃ ॥ ৭৩ ॥
গজাননপ্রিয়ো গৌরীবল্লভো গিরিশো গুণঃ ।
গণো গৃত্সো গৃত্সপতির্গরুডাগ্রজপূজিতঃ ॥ ৭৪ ॥
গদাদ্যায়ুধসম্পন্নো গন্ধমাল্যবিভূষিতঃ ।
গয়াপ্রয়াগনিলয়ো গুডাকেশপ্রপূজিতঃ ॥ ৭৫ ॥
গর্বাতীতো গণ্ডপতির্গণকো গণগোচরঃ ।
গায়ত্রীমন্ত্রজনকো গীয়মানগুণো গুরূঃ ॥ ৭৬ ॥
গুণজ্ঞেয়ো গুণধ্যেয়ো গোপ্তা গোদাবরীপ্রিয়ঃ ।
গুণাকরো গুণাতীতো গুরুমণ্ডলসেবিতঃ ॥ ৭৭ ॥
গুণাধারো গুণাধ্যক্ষো গর্বিতো গানলোলুপঃ ।
গুণত্রয়াত্মা গুহ্যশ্চ গুণত্রয়বিভাবিতঃ ॥ ৭৮ ॥
গুরুধ্যাতপদদ্বন্দ্বো গিরীশো গুণগোচরঃ ।
গুহাবাসো গুহাধ্যক্ষো গুডান্নপ্রীতমানসঃ ॥ ৭৯ ॥
গূঢগুল্ফো গূঢতনুর্গজারূঢো গুণোজ্জ্বলঃ ।
গূঢপাদপ্রিয়ো গূঢো গৌডপাদনিষেবিতঃ ॥ ৮০ ॥
গোত্রাণতত্পরো গ্রীষ্মো গীষ্পতির্গোপতিস্তথা ।
গোরোচনপ্রিয়ো গুপ্তো গোমাতৃপরিসেবিতঃ ॥ ৮১
গোবিন্দবল্লভো গঙ্গাজূটো গোবিন্দপূজিতঃ ।
গোষ্ট্যো গৃহ্যো গুহান্তস্থো গহ্বরেষ্ঠো গদান্তকৃত্ ॥ ৮
গোসবাসক্তহৃদয়ো গোপ্রিয়ো গোধনপ্রদঃ ।
গোহত্যাদিপ্রশমনো গোত্রী গৌরীমনোহরঃ ॥ ৮৩ ॥
গঙ্গাস্নানপ্রিয়ো গর্গো গঙ্গাস্নানফলপ্রদঃ ।
গন্ধপ্রিয়ো গীতপাদো গ্রামণীর্গহনো গিরিঃ ॥ ৮৪
গন্ধর্বগানসুপ্রীতো গন্ধর্বাপ্সরসাং প্রিয়ঃ ।
গন্ধর্বসেব্যো গন্ধর্বো গন্ধর্বকুলভূষণঃ ॥ ৮৫ ॥
গংবীজজপসুপ্রীতো গায়ত্রীজপতত্পরঃ ।
গম্ভীরবাক্যো গগনসমরূপো গিরিপ্রিয়ঃ ॥ ৮৬ ॥
গম্ভীরহৃদয়ো গেয়ো গম্ভীরো গর্বনাশনঃ ।
গাঙ্গেয়াভরণপ্রীতো গুণজ্ঞো গুণবান্গুহঃ ॥ ৮৭ ॥
বকাররূপো বরদো বাগীশো বসুদো বসুঃ ।
বজ্রী বজ্রপ্রিয়ো বিষ্ণুঃ বীতরাগো বিরোচনঃ ॥ ৮৮ ॥
বন্দ্যো বরেণ্যো বিশ্বাত্মা বরুণো বামনো বপুঃ ।
বশ্যো বশংকরো বাত্যো বাস্তব্যো বাস্তুপো বিধিঃ ॥ ৮৯ ॥
বাচামগোচরো বাগ্মী বাচস্পত্যপ্রদায়কঃ ।
বামদেবো বরারোহো বিঘ্নেশো বিঘ্ননাশকঃ ॥ ৯০ ॥
বারিরূপো বায়ুরূপো বৈরিবীর্য বিদারণঃ ।
বিক্লবো বিহ্বলো ব্যাসো ব্যাসসূত্রার্থগোচরঃ ॥ ৯১ ॥
বিপ্রপ্রিয়ো বিপ্ররূপো বিপ্রক্ষিপ্রপ্রসাদকঃ ।
বিপ্রারাধনসন্তুষ্টো বিপ্রেষ্টফলদায়কঃ ॥ ৯২ ॥
বিভাকরস্তুতো বীরো বিনায়কনমস্কৃতঃ ।
বিভুর্বিভ্রাজিততনুর্বিরূপাক্ষো বিনায়কঃ ॥ ৯৩ ॥
বিরাগিজনসংস্তুত্যো বিরাগী বিগতস্পৃহঃ ।
বিরিঞ্চপূজ্যো বিক্রান্তো বদনত্রয়সংয়ুতঃ ॥ ৯৪ ॥
বিশৃংখলো বিবিক্তস্থো বিদ্বান্বক্ত্রচতুষ্টয়ঃ ।
বিশ্বপ্রিয়ো বিশ্বকর্তা বষট্কারপ্রিয়ো বরঃ ॥ ৯৫ ॥
বিশ্বমূর্তির্বিশ্বকীর্তির্বিশ্বব্যাপী বিয়ত্প্রভুঃ ।
বিশ্বস্রষ্টা বিশ্বগোপ্তা বিশ্বভোক্তা বিশেষবিত্ ॥ ৯৬ ॥
বিষ্ণুপ্রিয়ো বিয়দ্রূপো বিরাড্রূপো বিভাবসুঃ ।
বীরগোষ্ঠীপ্রিয়ো বৈদ্যো বদনৈকসমন্বিতঃ ॥ ৯৭ ॥
বীরভদ্রো বীরকর্তা বীর্যবান্বারণার্তিহৃত্ ।
বৃষাংকো বৃষভারূঢো বৃক্ষেশো বিন্ধ্যমর্দনঃ ॥ ৯৮ ॥
বেদান্তবেদ্যো বেদাত্মা বদনদ্বয়শোভিতঃ ।
বজ্রদংষ্ট্রো বজ্রনখো বন্দারুজনবত্সলঃ ॥ ৯৯ ॥
বন্দ্যমানপদদ্বন্দ্বো বাক্যজ্ঞো বক্ত্রপঞ্চকঃ ।
বংবীজজপসন্তুষ্টো বাক্প্রিয়ো বামলৌচনঃ ॥ ১০০ ॥
ব্যোমকেশো বিধানজ্ঞো বিষভক্ষণতত্পরঃ ।
তকাররূপস্তদ্রূপস্তত্পদার্থস্বরূপকঃ ॥ ১০১ ॥
তটিল্লতাসমরুচিস্তত্ত্বজ্ঞানপ্রবোধকঃ ।
তত্ত্বমস্যাদিবাক্যার্থ স্তপোদানফলপ্রদঃ ॥ ১০২ ॥
তত্ত্বজ্ঞস্তত্ত্বনিলয়স্তত্ত্ববাচ্যস্তপোনিধিঃ ।
তত্ত্বাসনস্তত্সবিতুর্জপসন্তুষ্টমানসঃ ॥ ১০৩ ॥
তন্ত্রয়ন্ত্রাত্মকস্তন্ত্রী তন্ত্রজ্ঞস্তাণ্ডবপ্রিয়ঃ ।
তন্ত্রীলয়বিধানজ্ঞস্তন্ত্রমার্গপ্রদর্শকঃ ॥ ১০৪ ॥
তপস্যাধ্যাননিরতস্তপস্বী তাপসপ্রিয়ঃ ।
তপোলোকজনস্তুত্যস্তপস্বিজনসেবিতঃ ॥ ১০৫ ॥
তরুণস্তারণস্তারস্তারাধিপনিভাননঃ ।
তরুণাদিত্যসংকাশস্তপ্তকাঞ্চনভূষণঃ ॥ ১০৬ ॥
তলাদিভুবনান্তস্থস্তত্ত্বমর্থস্বরূপকঃ ।
তাম্রবক্ত্রস্তাম্রচক্ষুস্তাম্রজিহ্বস্তনূদরঃ ॥ ১০৭ ॥
তারকাসুরবিধ্বংসী তারকস্তারলোচনঃ ।
তারানাথকলামৌলিস্তারানাথসমুদ্যুতিঃ ॥ ১০৮ ॥
তার্ক্ষ্যকস্তার্ক্ষ্যবিনুতস্ত্বষ্টা ত্রৈলোক্যসুন্দরঃ ।
তাম্বূলপূরিতমুখস্তক্ষা তাম্রাধরস্তনুঃ ॥ ১০৯ ॥
তিলাক্ষতপ্রিয়স্ত্রিস্থস্তত্ত্বসাক্ষী তমোগুণঃ ।
তুরঙ্গবাহনারূঢস্তুলাদানফলপ্রদঃ ॥ ১১০ ॥
তুলসীবিল্বনির্গুণ্ডীজম্বীরামলকপ্রিয়ঃ ।
তুলামাঘস্নানতুষ্টস্তুষ্টাতুষ্টপ্রসাদনঃ ॥ ১১১ ॥
তুহিনাচলসংকাশস্তমালকুসুমাকৃতিঃ ।
তুঙ্গভদ্রাতীরবাসী তুষ্টভক্তেষ্টদায়কঃ ॥ ১১২ ॥
তোমরাদ্যায়ুধধরস্তুষারাদ্রিসুতাপ্রিয়ঃ ।
তোষিতাখিলদৈত্যৌঘস্ত্রিকালজ্ঞমুনিপ্রিয়ঃ ॥ ১১৩ ॥
ত্রয়ীময়স্ত্রয়ীবেদ্যস্ত্রয়ীবন্দ্যস্ত্রয়ীতনুঃ ।
ত্রয়্যন্তনিলয়স্তত্ত্বনিধিস্তাম্রস্তমোপহঃ ॥ ১১৪ ॥
ত্রিকালপূজনপ্রীতস্তিলান্নপ্রীতমানসঃ ।
ত্রিধামা তীক্ষ্ণপরশুঃ তীক্ষ্ণেষুস্তেজসাং নিধিঃ ॥ ১১৫ ॥
ত্রিলোকরক্ষকস্ত্রেতায়জনপ্রীতমানসঃ ।
ত্রিলোকবাসী ত্রিগুণো দ্বিনেত্রস্ত্রিদশাধিপঃ ॥ ১১৬ ॥
ত্রিবর্গদস্ত্রিকালজ্ঞস্তৃপ্তিদস্তুম্বুরুস্তুতঃ ।
ত্রিবিক্রমস্ত্রিলোকাত্মা ত্রিমূর্তিস্ত্রিপুরান্তকঃ ॥ ১১৭ ॥
ত্রিশূলভীষণস্তীব্রস্তীর্থ্যস্তীক্ষ্ণবরপ্রদঃ ।
রঘুস্তুতপদদ্বন্দ্বো রব্যাদিগ্রহসংস্তুতঃ ॥ ১১৮ ॥
রজতাচলশৃঙ্গাগ্রনিলয়ো রজতপ্রভঃ ।
রতপ্রিয়ো রহঃপূজ্যো রমণীয়গুণাকরঃ ॥ ১১৯ ॥
রথকারো রথপতিঃ রথো রত্নাকরপ্রিয়ঃ ।
রথোত্সবপ্রিয়ো রস্যো রজোগুণবিনাশকৃত্ ॥ ১২০ ॥
রত্নডোলোত্সবপ্রীতো রণত্কিংকিণিমেখলঃ ।
রত্নদো রাজকো রাগী রঙ্গবিদ্যাবিশারদঃ ॥ ১২১ ॥
রত্নপূজনসন্তুষ্টো রত্নসানুশরাসনঃ ।
রত্নমণ্ডপমধ্যস্থো রত্নগ্রৈবেয়কুণ্ডলঃ ॥ ১২২ ॥
রত্নাকরস্তুতো রত্নপীঠস্থো রণপণ্ডিতঃ ।
রত্নাভিষেকসন্তুষ্টো রত্নকাঞ্চনভূষণঃ ॥ ১২৩ ॥
রত্নাঙ্গুলীয়বলয়ো রাজত্করসরোরুহঃ ।
রমাপতিস্তুতো রম্যো রাজমণ্ডলমধ্যগঃ ॥ ১২৪ ॥
রমাবাণীসমারাধ্যো রাজ্যদো রত্নভূষণঃ ।
রম্ভাদিসুন্দরীসেব্যো রক্ষোহা রাকিণীপ্রিয়ঃ ॥ ১২৫ ॥
রবিচন্দ্রাগ্নিনয়নো রত্নমাল্যাম্বরপ্রিয়ঃ ।
রবিমণ্ডলমধ্যস্থো রবিকোটিসমপ্রভঃ ॥ ১২৬ ॥
রাকেন্দুবদনো রাত্রিঞ্চরপ্রাণাপহারকঃ ।
রাজরাজপ্রিয়ো রৌদ্রো রুরুহস্তো রুরুপ্রিয়ঃ ॥ ১২৭ ॥
রাজরাজেশ্বরো রাজপূজিতো রাজ্যবর্ধনঃ ।
রামার্চিতপদদ্বন্দ্বো রাবণার্চিতবিগ্রহঃ ॥ ১২৮ ॥
রাজবশ্যকরো রাজা রাশীকৃতজগত্ত্রয়ঃ ।
রাজীবচরণো রাজশেখরো রবিলোচনঃ ॥ ১২৯ ॥
রাজীবপুষ্পসংকাশো রাজীবাক্ষো রণোত্সুকঃ ।
রাত্রিঞ্চরজনাধ্যক্ষো রাত্রিঞ্চরনিষেবিতঃ ॥ ১৩০ ॥
রাধামাধবসংসেব্যো রাধামাধববল্লভঃ ।
রুক্মাঙ্গদস্তুতো রুদ্রো রজস্সত্বতমোময়ঃ ॥ ১৩১ ॥
রুদ্রমন্ত্রজপপ্রীতো রুদ্রমণ্ডলসেবিতঃ ।
রুদ্রাক্ষজপসুপীতো রুদ্রলোকপ্রদায়কঃ ॥ ১৩২ ॥
রুদ্রাক্ষমালাভরণো রুদ্রাণীপ্রাণনায়কঃ ।
রুদ্রাণীপূজনপ্রীতো রুদ্রাক্ষমকুটোজ্বলঃ ॥ ১৩৩ ॥
রুরুচর্মপরীধানো রুক্মাঙ্গদপরিষ্কৃতঃ ।
রেফস্বরূপো রুদ্রাত্মা রুদ্রাধ্যায়জপপ্রিয়ঃ ॥ ১৩৪ ॥
রেণুকাবরদো রামো রূপহীনো রবিস্তুতঃ ।
রেবানদীতীরবাসী রোহিণীপতিবল্লভঃ ॥ ১৩৫ ॥
রোগেশো রোগশমনো রৈদো রক্তবলিপ্রিয়ঃ ।
রংবীজজপসন্তুষ্টো রাজীবকুসুমপ্রিয়ঃ ॥ ১৩৬ ॥
রম্ভাফলপ্রিয়ো রৌদ্রদৃক্ রক্ষাকর রূপবান্ ।
দকাররূপো দেবেশো দরস্মেরমুখাম্বুজঃ ॥ ১৩৭ ॥
দরান্দোলিতদীর্ঘাক্ষো দ্রোণপুষ্পার্চনপ্রিয়ঃ ।
দক্ষারাধ্যো দক্ষকন্যাপতির্দক্ষবরপ্রদঃ ॥ ১৩৮ ॥
দক্ষিণাদক্ষিণারাধ্যো দক্ষিণামূর্তিরূপভৃত্ ।
দাডিমীবীজরদনো দাডিমীকুসুমপ্রিয়ঃ ॥ ১৩৯
দান্তো দক্ষমখধ্বংসী দণ্ডো দময়িতা দমঃ ।
দারিদ্র্যধ্বংসকো দাতা দয়ালুর্দানবান্তকঃ ॥ ১৪০
দারুকারণ্যনিলয়ো দশদিক্পালপূজিতঃ ।
দাক্ষায়ণীসমারাধ্যো দনুজারির্দয়ানিধিঃ ॥ ১৪১
দিব্যায়ুধধরো দিব্যমাল্যাম্বরবিভূষণঃ ।
দিগম্বরো দানরূপো দুর্বাসমুনিপূজিতঃ ॥ ১৪২ ॥
দিব্যান্তরিক্ষগমনো দুরাধর্ষো দয়াত্মকঃ ।
দুগ্ধাভিষেচনপ্রীতো দুঃখদোষবিবর্জিতঃ ॥ ১৪৩ ॥
দুরাচারপ্রশমনো দুগ্ধান্নপ্রীতমানসঃ ।
দুর্লভো দুর্গমো দুর্গো দুঃখহন্তা দুরার্তিহা ॥ ১৪৪ ॥
দুর্বাসা দুষ্টভয়দো দুর্জয়ো দুরতিক্তমঃ ।
দুষ্টহন্তা দেবসৈন্যপতির্দম্ভবিবর্জিতঃ ॥ ১৪৫ ॥
দুঃস্বপ্ননাশনো দুষ্টদুরো দুর্বারবিত্তমঃ ।
দূর্বায়ুগ্মসমারাধ্যো দুত্তূরকুসুমপ্রিয়ঃ ॥ ১৪৬ ॥
দেবগঙ্গাজটাজূটো দেবতাপ্রাণবল্লভঃ ।
দেবতার্তিপ্রশমনো দীনদৈন্যবিমোচনঃ ॥ ১৪৭ ॥
দেবদেবো দৈত্যগুরুঃ দণ্ডনাথপ্রপূজিতঃ ।
দেবভোগ্যো দেবয়োগ্যো দীপ্তমূর্তির্দিবস্পতিঃ ॥ ১৪৮ ॥
দেবর্ষিবর্যো দেবর্ষিবন্দিতো দেবভোগদঃ ।
দেবাদিদেবো দেবেজ্যো দৈত্যদর্পনিষূদনঃ ॥ ১৪৯ ॥
দেবাসুরগণাধ্যক্ষো দেবাসুরগণাগ্রণীঃ ।
দেবাসুর তপস্তুষ্টো দেবাসুরবরপ্রদঃ ॥ ১৫০ ॥
দেবাসুরেশ্বরারাধ্যো দেবান্তকবরপ্রদঃ ।
দেবাসুরেশ্বরো দেবো দেবাসুরমহেশ্বরঃ ॥ ১৫১ ॥
দেবেন্দ্ররক্ষকো দীর্ঘো দেববৃন্দনিষেবিতঃ ।
দেশকালপরিজ্ঞাতা দেশোপদ্রবনাশকঃ ॥ ১৫২ ॥
দোষাকরকলামৌলির্দুর্বারভুজবিক্রমঃ ।
দণ্ডকারণ্যনিলয়ো দণ্ডী দণ্ডপ্রসাদকঃ ॥ ১৫৩ ॥
দণ্ডনীতির্দুরাবাসো দ্যোতো দুর্মতিনাশনঃ ।
দ্বন্দ্বাতীতো দীর্ঘদর্শী দানাধ্যক্ষো দয়াপরঃ ॥ ১৫৪ ॥
য়কাররূপো য়ন্ত্রাত্মা য়ন্ত্রারাধনতত্পরঃ ।
য়জমানাদ্যষ্টমূর্তির্যামিনীচরদর্পহা ॥ ১৫৫ ॥
য়জুর্বেদপ্রিয়ো য়ুদ্ধমর্মজ্ঞো য়ুদ্ধকৌশলঃ ।
য়ত্নসাধ্যো য়ষ্টিধরো য়জমানপ্রিয়ো য়জুঃ ॥ ১৫৬ ॥
য়থার্থরূপো য়ুগকৃদ্যুগরূপো য়ুগান্তকৃত্ ।
য়থোক্তফলদো য়োষাপূজনপ্রীতমানসঃ ॥ ১৫৭ ॥
য়দৃচ্ছালাভসন্তুষ্টো য়াচকার্তিনিষূদনঃ ।
য়ন্ত্রাসনো য়ন্ত্রময়ো য়ন্ত্রমন্ত্রস্বরূপকঃ ॥ ১৫৮ ॥
য়মরূপো য়ামরূপো য়মবাধানিবর্তকঃ ।
য়মাদিয়োগনিরতো য়োগমার্গপ্রদর্শকঃ ॥ ১৫৯ ॥
য়বাক্ষতার্চনরতো য়াবচিহ্নিতপাদুকঃ ।
য়ক্ষরাজসখো য়জ্ঞো য়ক্ষেশো য়ক্ষপূজিতঃ ॥ ১৬০ ॥
য়ক্ষরাক্ষসসংসেব্যো য়াতুধানবরপ্রদঃ ।
য়জ্ঞগুহ্যো য়জ্ঞকর্তা য়জমানস্বরূপকঃ ॥ ১৬১ ॥
য়জ্ঞান্তকৃদ্যজ্ঞপূজ্যো য়জ্ঞভুগ্যজ্ঞবাহনঃ ।
য়াগপ্রিয়ো য়ানসেব্যো য়ুবা য়ৌবনগর্বিতঃ ॥ ১৬২ ॥
য়াতায়াতাদিরহিতো য়তিধর্মপরায়ণঃ ।
য়াত্রাপ্রিয়ো য়মীয়াম্যদণ্ডপাশনিকৃন্তনঃ ॥ ১৬৩ ॥
য়াত্রাফলপ্রদো য়ুক্তো য়শস্বী য়মুনাপ্রিয়ঃ ।
য়াদঃপতির্যজ্ঞপতির্যতির্যজ্ঞপরায়ণঃ ॥ ১৬৪ ॥
য়াদবানাং প্রিয়ো য়োদ্ধা য়োধারান্ধন তত্পরঃ ।
য়ামপূজনসন্তুষ্টো য়োষিত্সঙ্গবিবর্জিতঃ ॥ ১৬৫ ॥
য়ামিনীপতিসংসেব্যো য়োগিনীগণসেবিতঃ ।
য়ায়জূকো য়ুগাবর্তো য়াচ্ঞারূপো য়থেষ্টদঃ ॥ ১৬৬ ॥
য়াবৌদনপ্রীতচিত্তো য়োনিষ্ঠো য়ামিনীপ্রিয়ঃ ।
য়াজ্ঞবল্ক্যপ্রিয়ো য়জ্বা য়জ্ঞেশো য়জ্ঞসাধনঃ ॥ ১৬৭ ॥
য়োগমায়াময়ো য়োগমায়াসংবৃতবিগ্রহঃ ।
য়োগসিদ্ধো য়োগিসেব্যো য়োগানন্দস্বরূপকঃ ॥ ১৬৮ ॥
য়োগক্ষেমকরো য়োগক্ষেমদাতা য়শস্করঃ ।
য়োগী য়োগাসনারাধ্যো য়োগাঙ্গো য়োগসঙ্গ্রহঃ ॥ ১৬৯ ॥
য়োগীশ্বরেশ্বরো য়োগ্যো য়োগদাতা য়ুগন্ধরঃ ।
য়োষিত্প্রিয়ো য়দুপতির্যোষার্ধীকৃতবিগ্রহঃ ॥ ১৭০ ॥
য়ংবীজজপসন্তুষ্টো য়ন্ত্রেশো য়ন্ত্রসাধনঃ ।
য়ন্ত্রমধ্যস্থিতো য়ন্ত্রী য়োগীশ্বরসমাশ্রিতঃ ॥ ১৭১ ॥
॥ উত্তরপীঠিকা ॥
এতত্তে কথিতং বিষ্ণো রুদ্রনামসহস্রকম্ ।
শ্রবণাত্পঠনাচ্চৈব মননাচ্চ ফলপ্রদম্ ॥ ১ ॥
ধর্মার্থিকামমোক্ষাখ্য চতুর্বর্গফলপ্রদম্ ।
বিদ্যাকামী সুবিদ্যাং চ লভতে নাত্র সংশয়ঃ ॥ ২ ॥
পুত্রার্থী লভতে পুত্রং কন্যার্থী ফলমশ্নুতে ।
বিজয়ার্থী বিজয়ং চৈক গৃহার্থী গৃহমাপ্নুয়াত্ ॥ ৩ ॥
পুষ্টিং বলং য়শো বর্চো দীর্ঘমায়ুশ্চ বিন্দতে ।
সর্বজ্বরবিনাশায় এতন্নামসহস্রকম্ ॥ ৪ ॥
পঠিত্বা পাঠয়িত্বা বা মুচ্যতে জ্বরপীডনাত্ ।
পরমন্ত্রকৃতাদ্দোষাত্ রক্ষতীদং ন সংশয়ঃ ॥ ৫ ॥
সর্বগ্রন্থিবিনাশায় পঠেন্নামসহস্রকম্ ।
সর্বগ্রহবিনাশার্থং জপেদেতত্সহস্রকম্ ॥ ৬ ॥
অপমৃত্যুভয়ং নাস্তি অনেকবিষনাশনম্ ।
নহি চোরভয়ং তস্য নামসাহস্রপাঠিনঃ ॥ ৭ ॥
সর্বপুষ্পৈস্সমভ্যর্চ্য সর্বসিদ্ধিমবাপ্নুয়াত্ ।
ত্রিদলৈঃ বিল্বপত্রৈশ্চ অচ্ছিদ্রৈঃ কোমলৈঃ নবৈঃ ॥ ৮ ॥
রুদ্রার্পণং য়ঃ করোতি সর্বদোষাত্প্রমুচ্যতে ।
অষ্টম্যাং পূর্ণিমায়াং চ অমায়াং চ বিশেষতঃ ॥ ৯ ॥
আর্দ্রায়াং চ প্রদোষে চ সোমবারে গুরোর্দিনে ।
য়ঃ পঠিত্বা চার্চনাং চ কুরুতে স চ মানবঃ ॥ ১০ ॥
স সর্বকামান্লভতে বাগ্যতো নিয়মী শুচিঃ ।
সর্বসৌভাগ্যমাপ্নোতি ক্ষেমারোগ্যং সুখং পরম্ ॥ ১১ ॥
চৈত্রে দমনকৈঃ পূজা বৈশাখে গন্ধবারিভিঃ ।
জ্যেষ্ঠে তু ত্রিফলৈঃ পক্বৈঃ আষাঢে ক্ষীরমূজনম্ ॥ ১২ ॥
শ্রাবণ্যাং শর্করাভিঃ স্যাত্ গুডাপূপৈশ্চ ভদ্রদে ।
অন্নৈরাশ্বয়ুজে মাসি কার্তিক্যাং দীপমালয়া ॥ ১৩ ॥
মার্গশীর্ষে ঘৃতৈঃ পূজা পৌষে চেক্ষুরসৈরপি ।
আজ্যর্দ্রকম্বলৈর্মাঘে ফাল্গুনে দধিভির্ভবেত্ ॥ ১৪ ॥
ইত্থং দ্বাদশমসেষু পূর্ণিমায়াং বিশেষতঃ ।
মহেশ্বরস্য পূজাং য়ঃ কুরুতে ভক্তিসসংয়ুতঃ ॥ ১৫ ॥
সর্বান্কামানবাপ্নোতি শিবসায়ুজ্যমাপ্নুয়াত্ ।
মঙ্গলানাং মঙ্গলং চ এতন্নামসহস্রকম্ ॥ ১৬ ॥
সুরূপং গুণসম্পন্নং কন্যা চ লভতে পতিম্ ।
দীর্ঘসৌমঙ্গল্যমাপ্নোতি মঙ্গলানাং পরম্পরাম্ ॥ ১৭ ॥
॥ ইতি শ্রীভৃঙ্গিরিটিসংহিতায়াং শিববিষ্ণুসংবাদে
শিবোত্কর্ষপ্রকরণে শ্রীরুদ্রসহস্রনামস্তোত্রং সম্পূর্ণম্ ॥
– Chant Stotra in Other Languages –
Sri Rudra Sahasranama Stotram from Bhringiritisamhita Lyrics in Sanskrit » English » Gujarati » Kannada » Malayalam » Odia » Telugu » Tamil