॥ Sri Sachi Sutashtakam Kannada Lyrics ॥
॥ ಶಚೀಸುತಾಷ್ಟಕಮ್ ॥
ನವಗೌರವರಂ ನವಪುಷ್ಪಶರಂ
ನವಭಾವಧರಂ ನವಲಾಸ್ಯಪರಮ್ ।
ನವಹಾಸ್ಯಕರಂ ನವಹೇಮವರಂ
ಪ್ರಣಮಾಮಿ ಶಚೀಸುತಗೌರವರಮ್ ॥ 1 ॥
ನವಪ್ರೇಮಯುತಂ ನವನೀತಶುಚಂ
ನವವೇಶಕೃತಂ ನವಪ್ರೇಮರಸಮ್ ।
ನವಧಾ ವಿಲಸತ್ ಶುಭಪ್ರೇಮಮಯಂ
ಪ್ರಣಮಾಮಿ ಶಚೀಸುತಗೌರವರಮ್ ॥ 2 ॥
ಹರಿಭಕ್ತಿಪರಂ ಹರಿನಾಮಧರಂ
ಕರಜಪ್ಯಕರಂ ಹರಿನಾಮಪರಮ್ ।
ನಯನೇ ಸತತಂ ಪ್ರಣಯಾಶ್ರುಧರಂ
ಪ್ರಣಮಾಮಿ ಶಚೀಸುತಗೌರವರಮ್ ॥ 3 ॥
ಸತತಂ ಜನತಾಭವತಾಪಹರಂ
ಪರಮಾರ್ಥಪರಾಯಣಲೋಕಗತಿಮ್ ।
ನವಲೇಹಕರಂ ಜಗತ್ತಾಪಹರಂ
ಪ್ರಣಮಾಮಿ ಶಚೀಸುತಗೌರವರಮ್ ॥ 4 ॥
ನಿಜಭಕ್ತಿಕರಂ ಪ್ರಿಯಚಾರುತರಂ
ನಟನರ್ತನನಾಗರರಾಜಕುಲಮ್ ।
ಕುಲಕಾಮಿನಿಮಾನಸಲಾಸ್ಯಕರಂ
ಪ್ರಣಮಾಮಿ ಶಚೀಸುತಗೌರವರಮ್ ॥ 5 ॥
ಕರತಾಲವಲಂ ಕಲಕಂಠರವಂ
ಮೃದುವಾದ್ಯಸುವೀಣಿಕಯಾ ಮಧುರಮ್ ।
ನಿಜಭಕ್ತಿಗುಣಾವೃತನಾತ್ಯಕರಂ
ಪ್ರಣಮಾಮಿ ಶಚೀಸುತಗೌರವರಮ್ ॥ 6 ॥
ಯುಗಧರ್ಮಯುತಂ ಪುನರ್ನನ್ದಸುತಂ
ಧರಣೀಸುಚಿತ್ರಂ ಭವಭಾವೋಚಿತಮ್ ।
ತನುಧ್ಯಾನಚಿತಂ ನಿಜವಾಸಯುತಂ
ಪ್ರಣಮಾಮಿ ಶಚೀಸುತಗೌರವರಮ್ ॥ 7 ॥
ಅರುಣಂ ನಯನಂ ಚರಣಂ ವಸನಂ
ವದನೇ ಸ್ಖಲಿತಂ ಸ್ವಕನಾಮಧರಮ್ ।
ಕುರುತೇ ಸುರಸಂ ಜಗತಃ ಜೀವನಂ
ಪ್ರಣಮಾಮಿ ಶಚೀಸುತಗೌರವರಮ್ ॥ 8 ॥
ಇತಿ ಸಾರ್ವಭೌಮಭಟ್ಟಾಛರ್ಯವಿರಚಿತಂ ಶಚೀಸುತಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Krishna slokam » Srila Sarvabhauma Battacarya’s Sri Saci Suta Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil