॥ Sadashiva Ashtakam Bengali Lyrics ॥
॥ সদাশিবাষ্টকম্ ॥
পতঞ্জলিরুবাচ –
সুবর্ণপদ্মিনী-তটান্ত-দিব্যহর্ম্য-বাসিনে
সুপর্ণবাহন-প্রিয়ায় সূর্যকোটি-তেজসে ।
অপর্ণয়া বিহারিণে ফণাধরেন্দ্র-ধারিণে
সদা নমশ্শিবায় তে সদাশিবায় শংভবে ॥ ১ ॥
সতুঙ্গ ভঙ্গ জহ্নুজা সুধাংশু খণ্ড মৌল়য়ে
পতঙ্গপঙ্কজাসুহৃত্কৃপীটয়োনিচক্ষুষে ।
ভুজঙ্গরাজ-মণ্ডলায় পুণ্যশালি-বন্ধবে
সদা নমশ্শিবায় তে সদাশিবায় শংভবে ॥ ২ ॥
চতুর্মুখাননারবিন্দ-বেদগীত-ভূতয়ে
চতুর্ভুজানুজা-শরীর-শোভমান-মূর্তয়ে ।
চতুর্বিধার্থ-দান-শৌণ্ড তাণ্ডব-স্বরূপিণে
সদা নমশ্শিবায় তে সদাশিবায় শংভবে ॥ ৩ ॥
শরন্নিশাকর প্রকাশ মন্দহাস মঞ্জুলা
ধরপ্রবাল় ভাসমান বক্ত্রমণ্ডল শ্রিয়ে ।
করস্পুরত্কপালমুক্তরক্ত-বিষ্ণুপালিনে
সদা নমশ্শিবায় তে সদাশিবায় শংভবে ॥ ৪ ॥
সহস্র পুণ্ডরীক পূজনৈক শূন্যদর্শনাত্-
সহস্রনেত্র কল্পিতার্চনাচ্যুতায় ভক্তিতঃ ।
সহস্রভানুমণ্ডল-প্রকাশ-চক্রদায়িনে
সদা নমশ্শিবায় তে সদাশিবায় শংভবে ॥ ৫ ॥
রসারথায় রম্যপত্র ভৃদ্রথাঙ্গপাণয়ে
রসাধরেন্দ্র চাপশিঞ্জিনীকৃতানিলাশিনে ।
স্বসারথী-কৃতাজনুন্নবেদরূপবাজিনে
সদা নমশ্শিবায় তে সদাশিবায় শংভবে ॥ ৬ ॥
অতি প্রগল্ভ বীরভদ্র-সিংহনাদ গর্জিত
শ্রুতিপ্রভীত দক্ষয়াগ ভোগিনাক সদ্মনাম্ ।
গতিপ্রদায় গর্জিতাখিল-প্রপঞ্চসাক্ষিণে
সদা নমশ্শিবায় তে সদাশিবায় শংভবে ॥ ৭ ॥
মৃকণ্ডুসূনু রক্ষণাবধূতদণ্ড-পাণয়ে
সুগন্ধমণ্ডল স্ফুরত্প্রভাজিতামৃতাংশবে ।
অখণ্ডভোগ-সম্পদর্থলোক-ভাবিতাত্মনে
সদা নমশ্শিবায় তে সদাশিবায় শংভবে ॥ ৮ ॥
মধুরিপু-বিধি শক্র মুখ্য-দেবৈরপি নিয়মার্চিত-পাদপঙ্কজায় ।
কনকগিরি-শরাসনায় তুভ্যং রজত সভাপতয়ে নমশ্শিবায় ॥ ৯ ॥
হালাস্যনাথায় মহেশ্বরায় হালাহলালংকৃত কন্ধরায় ।
মীনেক্ষণায়াঃ পতয়ে শিবায় নমো-নমস্সুন্দর-তাণ্ডবায় ॥ ১০ ॥
॥ ইতি শ্রী হালাস্যমাহাত্ম্যে পতঞ্জলিকৃতমিদং সদাশিবাষ্টকম্ ॥
– Chant Stotra in Other Languages –
Sri Siva Slokam » Sri Sadashiva Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil