॥ Sankatahara Ganapathi Stotram Malayalam Lyrics ॥
॥ ശ്രീഗണേശസ്തോത്ര ॥
ശ്രീഗണേശായ നമഃ । നാരദ ഉവാച ।
പ്രണംയ ശിരസാ ദേവം ഗൌരീപുത്രം വിനായകം ।
ഭക്താവാസം സ്മരേന്നിത്യമായുഃകാമാര്‍ഥസിദ്ധയേ ॥ 1 ॥
പ്രഥമം വക്രതുണ്ഡം ച ഏകദന്തം ദ്വിതീയകം ।
തൃതീയം കൃഷ്ണപിങ്ഗാക്ഷം ഗജവക്ത്രം ചതുര്‍ഥകം ॥ 2 ॥
ലംബോദരം പഞ്ചമം ച ഷഷ്ഠം വികടമേവ ച ।
സപ്തമം വിഘ്നരാജേന്ദ്രം ധൂംരവര്‍ണം തഥാഷ്ടമം ॥ 3 ॥
നവമം ഭാലചന്ദ്രം ച ദശമം തു വിനായകം ।
ഏകാദശം ഗണപതിം ദ്വാദശം തു ഗജാനനം ॥ 4 ॥
ദ്വാദശൈതാനി നാമാനി ത്രിസന്ധ്യം യഃ പഠേന്നരഃ ।
ന ച വിഘ്നഭയം തസ്യ സര്‍വസിദ്ധികരഃ പ്രഭുഃ ॥ 5 ॥
വിദ്യാര്‍ഥീ ലഭതേ വിദ്യാം ധനാര്‍ഥീ ലഭതേ ധനം ।
പുത്രാര്‍ഥീ ലഭതേ പുത്രാന്‍മോക്ഷാര്‍ഥീ ലഭതേ ഗതിം ॥ 6 ॥
ജപേദ്ഗണപതിസ്തോത്രം ഷഡ്ഭിര്‍മാസൈഃ ഫലം ലഭേത് ।
സംവത്സരേണ സിദ്ധിം ച ലഭതേ നാത്ര സംശയഃ ॥ 7 ॥
അഷ്ടഭ്യോ ബ്രാഹ്മണേഭ്യശ്ച ലിഖിത്വാ യഃ സമര്‍പയേത് ।
തസ്യ വിദ്യാ ഭവേത്സര്‍വാ ഗണേശസ്യ പ്രസാദതഃ ॥ 8 ॥
॥ ഇതി ശ്രീനാരദപുരാണേ സംകടനാശനം ഗണേശസ്തോത്രം സമ്പൂര്‍ണം ॥
– Chant Stotras in other Languages –
Sri Ganesha Stotram » Sankatahara Ganapathi Stotram Lyrics in Sanskrit » English » Bengali » Gujarati » Kannada » Odia » Telugu » Tamil