॥ Sankatahara Ganapathi Stotram Telugu Lyrics॥
॥ శ్రీగణేశస్తోత్ర ॥
శ్రీగణేశాయ నమః । నారద ఉవాచ ।
ప్రణమ్య శిరసా దేవం గౌరీపుత్రం వినాయకమ్ ।
భక్తావాసం స్మరేన్నిత్యమాయుఃకామార్థసిద్ధయే ॥ ౧ ॥
ప్రథమం వక్రతుణ్డం చ ఏకదన్తం ద్వితీయకమ్ ।
తృతీయం కృష్ణపిఙ్గాక్షం గజవక్త్రం చతుర్థకమ్ ॥ ౨ ॥
లమ్బోదరం పఞ్చమం చ షష్ఠం వికటమేవ చ ।
సప్తమం విఘ్నరాజేన్ద్రం ధూమ్రవర్ణం తథాష్టమమ్ ॥ ౩ ॥
నవమం భాలచన్ద్రం చ దశమం తు వినాయకమ్ ।
ఏకాదశం గణపతిం ద్వాదశం తు గజాననమ్ ॥ ౪ ॥
ద్వాదశైతాని నామాని త్రిసన్ధ్యం యః పఠేన్నరః ।
న చ విఘ్నభయం తస్య సర్వసిద్ధికరః ప్రభుః ॥ ౫ ॥
విద్యార్థీ లభతే విద్యాం ధనార్థీ లభతే ధనమ్ ।
పుత్రార్థీ లభతే పుత్రాన్మోక్షార్థీ లభతే గతిమ్ ॥ ౬ ॥
జపేద్గణపతిస్తోత్రం షడ్భిర్మాసైః ఫలం లభేత్ ।
సంవత్సరేణ సిద్ధిం చ లభతే నాత్ర సంశయః ॥ ౭ ॥
అష్టభ్యో బ్రాహ్మణేభ్యశ్చ లిఖిత్వా యః సమర్పయేత్ ।
తస్య విద్యా భవేత్సర్వా గణేశస్య ప్రసాదతః ॥ ౮ ॥
॥ ఇతి శ్రీనారదపురాణే సంకటనాశనం గణేశస్తోత్రం సమ్పూర్ణమ్ ॥
– Chant Stotras in other Languages –
Sri Ganesha Stotram » Sankatahara Ganapathi Stotram Lyrics in Sanskrit » English » Bengali » Gujarati » Kannada » Malayalam » Odia » Tamil